ముఖ్యాంశాలు

  • Instead of boycotting Pakistan, play and defeat them in World Cup 2019, says Sunil Gavaskar

    పాక్‌ను బహిష్కరించే నిర్ణయం భారత్‌కు లేదు

  • Director Ram Gopal Varma mocks Pakistan PM Imran Khan over his 3 marriages

    ఇమ్రాన్ ఖాన్‌పై రాంగోపాల్ వర్మ సర్జికల్ స్ట్రైక్

  • Niranja Reddy takes charge as Telangana Agriculture, Marketing Minister

    మంత్రిగా బాధ్యతలు తీసుకున్న నిరంజన్ రెడ్డి

  • KCR's federal front in favor of Modi only says Chevella MP Konda Vishweshwar Reddy

    కేసీఆర్ ఫెడరల్ ఫ్రంట్.. మోడీ కోసమే

  • Nara Chandrababu Naidu teleconference with TDP Party cadre on NTR's real history

    ఎన్టీఆర్‌ చరిత్రపై అవగాహన పెంచాలి: చంద్రబాబు

తాజా వార్తలు

మరింత +
10 MLCs election notification released in AP and Telangana States 10స్థానాలకు ఎమ్మెల్సీ ఎన్నికల నోటిఫికేషన్ రిలీజ్డ్

ఎమ్మెల్యే కోటా ఎమ్మెల్సీ ఎన్నికల నోటిఫికేషన్ విడుదలైంది. ఏపీ, తెలంగాణ కలిపి 10 స్థానాలకు ఎన్నికలు జరగనున్నాయి. తెలంగాణలో 5, ఏపీలో 5 స్థానాలకు ఎన్నికలు నిర్వహించనున్నారు. ఇవాళ్టి నుంచి 28వ వరకు నామినేషన్ల స్వీకరణ జరగనుంది. మార్చి 12న పోలింగ్, అదే రోజు కౌంటింగ్ ఉంటుంది.

International Mother Language Day: Time To Celebrate Linguistic Diversity అంతర్జాతీయ మాతృభాషా దినోత్సవ శుభాకాంక్షలు

నెల్లూరులో ఉపరాష్ట్రపతి రెండోరోజు పర్యటన కొనసాగుతుంది. నగరంలోని పటేల్ నగర్లో మొదట వైద్యశిభిరాన్ని ప్రారంభించిన ఆయన ఆ తరువాత పొదలకూరు రోడ్డులోని తెలుగుగంగ కాలనీలో ఏర్పాటు చేసిన FM రేడియో స్టేషన్‌ను ప్రారంభించారు. మాతృ భాషపై మమకారాన్ని పెంచు కోవాలని పిలుపు నిచ్చారు. దేశవ్యాప్తంగా మాతృభాష పరిరక్షణకు అందరూ కట్టుబడి ఉండాలని, భాషను బట్టి మన ప్రాంతాన్ని దేశాన్ని గుర్తిస్తారని, మాతృభాషపరి రక్షణకు పత్రికలు, సినిమా, టెలివిజన్ రంగాలతో పాటు పాలకులూ పూర్తిగా కట్టుబడి పనిచేయాలన్నారు. ఈ సందర్భంగా తెలుగు ప్రజలందరికీ అంతర్జాతీయ మాతృభాష దినోత్సవ శుభాకాంక్షలు తెలిపారు.

Summer Signs: Day temperature increasing day by day in Telangana ఈ ఏడు ఎండలు మెండు: మొదలైన ఉక్కపోతలు

రాష్ట్రంలో పగటి ఉష్ణోగ్రతలు రోజు రోజుకు పెరుగుతున్నాయి. చలి ప్రభావం తగ్గడంతో ఎండలు మండుతున్నాయి. పశ్చిమ దిక్కు నుంచి గాలుల ప్రభావం తగ్గడంతో ఉక్కపోతలు ప్రారంభమయ్యాయి. పగటి ఉష్ణోగ్రతలు పెరగడంతో ఖమ్మం జిల్లా నేల కొండపల్లిలో 37.7 డిగ్రీల ఉష్ణోగ్రత రికార్డు అయినట్లు వాతావరణ శాఖ తెలిపింది. నిజామాబాద్ జిల్లాలోని భోధన్, కామారెడ్డి జిల్లా లింగంపేటలో 37.6 డిగ్రీల ఉష్ణోగ్రత నమోదైంది. మిగిలిన జిల్లాల్లో కొన్ని చోట్ల ఉష్ణోగ్రత 37 డిగ్రీలకు చేరింది. మరోవైపు రాత్రి ఉష్ణోగ్రతలు కూడా ఐదు డిగ్రీలు, హైదరాబాద్‌లో రెండు డిగ్రీలు తక్కువ నమోదు కావడంతో రాత్రిళ్లు కూడా ఉక్కపోతతో జనం ఇబ్బందులు పడుతున్నారు. ఇక గతేడాదితో పోలిస్తే ఈ ఏడు ఎండలు మండిపోనున్నాయని వాతావరణ శాఖ తెలిపింది. గత రెండేళ్లలో నమోదైన ఉష్ణోగ్రతల మాదిరిగానే ఈ సంవత్సరం కూడా వడగాలుల తీవ్రత ఎక్కువగా ఉండనుంది. 2016లో 27 రోజులు 2017లో 23 రోజులు వీచినట్లు వాతావరణ శాఖ వెల్లడించింది. ఇక ఈ ఏడాది కూడా 46 నుంచి 47 డిగ్రీల ఉష్ణోగ్రత పెరగనుంది. గాలిలో తేమ శాతం పెరగడంతో వేడి తీవ్రత ఎక్కువగా కనిపిస్తుందని వాతావరణ శాఖ అధికారులు చెబుతున్నారు.

రీల్ న్యూస్

మరింత +
Director Ram Gopal Varma mocks Pakistan PM Imran Khan over his 3 marriages ఇమ్రాన్ ఖాన్‌పై రాంగోపాల్ వర్మ సర్జికల్ స్ట్రైక్

పుల్వామాలో సీఆర్‌పీఎఫ్ జవాన్లపై జరిగిన ఆత్మాహుతి దాడిపై ప్రముఖ దర్శకుడు రాంగోపాల్ వర్మ స్పందించాడు. వరుస ట్వీట్లతో పాక్ ప్రధాని ఇమ్రాన్‌ఖాన్‌‌పై విరుచుకు పడ్డారు. ప్రియమైన ప్రధాని అంటూనే ట్వీట్లతో సర్జికల్ స్ట్రైక్ చేశాడు. సమస్యలు చర్చల ద్వారా పరిష్కారమైతే మీరు మూడు పెళ్లిళ్లు చేసుకోవాల్సి వచ్చేది కాదన్న వర్మ ఒక వ్యక్తి వందలకొద్దీ పేలుడు పదార్థాలతో భారత్‌ వైపు పరిగెత్తుకొస్తున్నప్పుడు అతడితో చర్చలు ఎలా జరపాలో మా భారతీయులకు నేర్పాలంటూ సూచించాడు. అదేమీ ఊరికే చేయాల్సిన పనిలేదని, అందుకు భారతీయులందరం కలిసి ట్యూషన్ ఫీజు కూడా చెల్లిస్తామని పేర్కొన్నాడు. 

ఒసామా బిన్ లాడెన్ లాంటి వ్యక్తి పాక్‌లో ఉన్న సంగతి మీకు తెలియకున్నా అమెరికాకు తెలుస్తుందన్న వర్మ.. మీది అసలు దేశమేనా? అని ప్రశ్నించాడు. ఓ మొద్దు భారతీయుడు అడుగుతున్న ఈ ప్రశ్నకు సమాధానం చెప్పాలని, తమకు కొంచెం తెలివితేటలు నేర్పాలని కోరాడు. జైషే మహ్మద్, లష్కరే తాయిబా, తాలిబన్, అల్‌ ఖాయిదా వంటి ఉగ్ర సంస్థలు మీ ప్లే స్టేషన్లు అని తనకు ఎవరూ చెప్పలేదని అన్నాడు. అయితే, ఆ సంస్థలపై మీకు ప్రేమ లేదన్న విషయాన్ని మీరెప్పుడూ చెప్పలేదని పేర్కొన్నాడు.

Hero Mahesh Babu's AMB Cinemas gets GST notices in Hyderabad మహేష్ ఏఎంబీ థియేటర్‌కు జీఎస్టీ నోటీసులు

హైదరాబాద్‌లో హిరో మహేష్‌బాబు సారధ్యంలో నడుస్తున్న ఏఎంబీ థియేటర్‌కు జీఎస్టీ అధికారులు నోటీసులు అందజేశారు. థియేటర్‌లో ఎక్కువ రేట్లకు టిక్కెట్లు అమ్ముతున్నారని గుర్తించిన అధికారులు నోటీసులు పంపారు. దీని పై థియేటర్ యాజమాన్యం ఇంతవరకు స్పందించలేదు.

Pulwama Attack: All India Cine Workers Association Bans Pakistani Actors, Artistes from Bollywood పాకిస్థాన్ ఆర్టిస్టులపై జీవితకాల నిషేధం

జమ్ముకశ్మీర్ పుల్వామాలో జవాన్‌లపై జరిగిన దాడి నేపథ్యంలో ఆలిండియా సినీ వర్కర్స్ అసోసియేషన్ ఓ సంచలన నిర్ణయం తీసుకుంది. పాకిస్థాన్ నటీనటులను పూర్తిగా నిషేధించాలని నిర్ణయించింది. ఈ నిర్ణయంతో ఇక నుంచి బాలీవుడ్‌లో పాక్‌కు చెందిన ఆర్టిస్టులెవరూ కనిపించరు. నిజానికి 2016లో ఉరి దాడి జరిగినప్పటి నుంచే పాక్ నటీనటులపై నిషేధం విధించడం ప్రారంభించారు. అప్పట్లో పలువురు పాకిస్థాన్ నటులు ఉన్న సినిమాల విడుదలకు కూడా అడ్డంకులు ఏర్పడ్డాయి. తాజాగా పాక్ నటీనటులపై పూర్తి నిషేధించాలన్న నిర్ణయాన్ని నెటిజన్లు స్వాగతించారు.ఈ ఉగ్ర దాడి తర్వాత దేశవ్యాప్తంగా పెద్ద ఎత్తున నిరసనలు వ్యక్తమయ్యాయి. ఇందులో సినిమా ఇండస్ట్రీ కూడా పాలుపంచుకుంది. ఒక రోజు పాటు అన్ని షూటింగ్‌లను నిలిపేసింది. బాలీవుడ్ స్టార్ నటులు అమరులకు నివాళులు అర్పించారు.

జాతీయ వార్తలు

మరింత +
Himachal Pradesh: Avalanche hits Kinnaur; 6 Army jawans feared dead మంచుకొండలు విరిగి పడి ఆరుగురు జవాన్లు మృతి

హిమాచల్ ప్రదేశ్‌ను మంచు కప్పేసింది. భారత్, చైనా సరిహద్దుల్లోని హిమాచల్‌ప్రదేశ్‌ కినౌర్‌ జిల్లాలో మంచు చరియలు విరిగి ఆరుగురు జవాన్లు ప్రాణాలు కోల్పోయారు. జేకే రైఫిల్స్‌ దళానికి చెందిన సైనికులు సరిహద్దు వద్ద విధుల్లో ఉండగా ఒక్కసారిగా మంచు చరియలు వారి స్థావరాన్ని కప్పివేశాయి. ఇప్పటివరకు అధికారులు ఒక జవాను మృతదేహాన్ని వెలికి తీయగలిగారు. మరో అయిదుగురి జాడ తెలియలేదు. అయితే, వీరు జీవించి ఉండే అవకాశాలు తక్కువేనని కినౌర్‌ డిప్యూటీ కమిషనర్‌ గోపాల్‌ చంద్‌ తెలిపారు. ప్రమాద సమయంలో ఆ ప్రాంతంలో మొత్తం 16 మంది జవాన్లు విధుల్లో ఉన్నట్లుగా తెలుస్తోంది.

Tremors In Delhi After 4.0 Earthquake In West UP: US Geological Survey ఢిల్లీలో భూకంపం

ఢిల్లీలో ఈ తెల్లవారుజామున భూకంపం సంభవించింది. ఢిల్లీ-ఎన్‌సీఆర్ సమీపంలో సంభవించిన ఈ ప్రకంపన తీవ్రత రిక్టర్ స్కేలుపై 3.9 గా నమోదైంది. ఉత్తరప్రదేశ్‌లోని భాగ్‌పట్‌ కేంద్రంగా భూమికి 5 కిలోమీటర్ల లోతున భూకంప కేంద్రాన్ని గుర్తించినట్టు అధికారులు తెలిపారు. అయితే ఒక్కసారిగా భూ ప్రకంపనల రావడంతో ప్రజలు భయభ్రాంతులకు గురై ఇళ్ల నుంచి బయటకు పరుగులు పెట్టారు. ప్రకంపనల తీవ్రత తక్కువగా ఉండటంతో ఎటువంటి ప్రాణ, ఆస్తినష్టం సంభవించలేదు.

Baba Ramdev over Pulwama attack: We should go to war with Pakistan, it’s better than suffering daily పాక్‌లోని వేర్పాటు వాదులకు భారత్ మద్దతివ్వాలి

పుల్వామా ఉగ్రదాడి ఘటనను యోగా గురు బాబా రాందేవ్ ఖండించారు. పాకిస్థాన్ పై కఠిన వైఖరి ప్రదర్శించాల్సిన సమయం ఇదేనని అన్నారు. పాకిస్థాన్ లో బలూచిస్తాన్, పాకిస్థాన్ నైరుతి భాగాల్లో కొనసాగుతున్న వేర్పాటువాద ఉద్యమాలకు భారత్ మద్దతు ఇవ్వాలని, తద్వారా పాక్ ను దెబ్బకు దెబ్బ తీయాలని పిలుపునిచ్చారు. బలూచిస్తాన్ లో స్వాతంత్ర్యం కోసం పోరాడుతున్న యోధులకు భారత్ ఆర్థిక, ఆయుధ, రాజకీయ సాయం అందించాలని, బలూచిస్తాన్ కు విముక్తి కల్పించేందుకు అన్ని విధాలా తోడ్పాటు అందించాలని అని రాందేవ్ విజ్ఞప్తి చేశారు.

క్రీడా వార్తలు

మరింత +
Instead of boycotting Pakistan, play and defeat them in World Cup 2019, says Sunil Gavaskar పాక్‌ను బహిష్కరించే నిర్ణయం భారత్‌కు లేదు

వరల్డ్ కప్‌లో ఇండియా పాల్గొన కూడదన్న బీసీసీఐ నిర్ణయంపై మాజీ భారత కెప్టెన్ సునీల్ గవాస్కర్ స్పందించారు. వరల్డ్‌కప్ నుండి పాక్‌ను బహింష్కరించే నిర్ణయం భారత్‌కు లేదన్నారు. ఇతర దేశాలు పాక్‌ బహిష్కరణకు అంగీకరించపోవచ్చన్నారు. వరల్డ్‌కప్‌ను బహిష్కరిస్తే అది భారత్‌కే నష్టమని వెల్లడించారు. భారత్ వరల్డ్‌కప్‌లో పాకిస్థాన్‌తో తలపడి ఓడించాలన్నారు.

India will not play Pakistan in World Cup if government says so, ICC has nothing to do with it: BCCI source వరల్డ్‌కప్‌లో భారత్ పాక్ మ్యాచ్‌పై అనుమానాలు

పుల్వామా దాడి నేపథ్యంలో వరల్డ్‌కప్‌లో భారత్ పాక్ మ్యాచ్ పై అనుమానాలు ఏర్పడుతున్నాయి. పాకిస్థాన్‌తో ద్వైపాక్షిక సిరీస్ ఆడే ప్రసక్తి లేదని ఇప్పటికే ఐపీఎల్ ఛైర్మన్ రాజీవ్ శుక్లా ప్రకటించించారు. అయితే వరల్డ్ కప్ లోనూ పాక్ తో మ్యాచ్ ఆడే ప్రసక్తి లేదని బీసీసీఐ స్పష్టతనిచ్చింది. ప్రపంచకప్‌లో మ్యాచ్ పై భారత ప్రభుత్వం నో చెబితే ఎట్టి పరిస్థితుల్లోనూ పాకిస్థాన్ తో మ్యాచ్ ఆడేది లేదని బీసీసీఐ తేల్చి చెప్పింది. ఈ విషయంపై ఐసీసీకి సంబంధం లేదన్న బీసీసీఐ అధికారులు తాము ఐసీసీని ఇప్పటివరకు సంప్రదించలేదని తెలిపారు. పుల్వామా దాడిలో చనిపోయిన జవాన్లకు నివాళులు అర్పించిన ఐసీసీ, వరల్డ్‌కప్ షెడ్యూల్‌లో ఎటువంటి మార్పు ఉండబోదని స్పష్టం చేసింది. రెండు దేశాల మధ్య ఆట మనుషులను దగ్గర చేస్తుందని అభిప్రాయం వ్యక్తం చేసింది. ఇక పాక్ తో మ్యాచ్‌కు భారత్ నో చెబితే పాకిస్థాన్ కు పాయింట్లు లభించే అవకాశం ఉంది. ఒకవేళ ఫైనల్ లో భారత్ తో పాక్ తలపడాల్సి వస్తే ప్రపంచకప్ పాకిస్థాన్ నే వరించనుంది.

Pulwama Attack: World Cup Is Far Away, Says IPL Chairman Rajiv Shukla On India vs Pakistan Match పాక్‌తో భారత్ ఇక మ్యాచ్‌లు ఆడదు

భారత్‌, పాకిస్థాన్‌ ల మధ్య ధ్వైపాక్షిక సిరీస్‌ జరిగే అవకాశం లేదని ఇండియన్‌ ప్రీమియర్‌ లీగ్‌ (ఐపీఎల్) ఛైర్మన్‌ రాజీవ్‌ శుక్లా తెలిపారు. రానున్న ప్రపంచ కప్‌లో భారత్‌-పాక్‌ల మధ్య జరగాల్సిన మ్యాచుల గురించి తాను ఇప్పట్లో ఏమీ చెప్పలేనని వ్యాఖ్యానించారు. జమ్ముకశ్మీర్‌లోని పుల్వామాలో ఉగ్రదాడిని ఖండిస్తూ.. భారత్-పాక్‌ ధైపాక్షిక మ్యాచులపై భారత్ తీరు స్పష్టంగా ఉందన్నారు. ప్రభుత్వం ఒప్పుకునే వరకు పాక్‌తో టీమిండియా ఆడదని ఖరాకండిగా చెప్పారు. పాక్ ఉగ్రవాదాన్ని ప్రోత్సహిస్తుంటే ఆ ప్రభావం క్రీడలపైన కూడా పడుతుందన్నారు.  

ఇటు పుల్వామా ఉగ్రదాడి నేపథ్యంలో పాకిస్థాన్‌ సూపర్‌ లీగ్‌(పీఎస్‌ఎల్‌) క్రికెట్‌ ప్రసారాల నుంచి వైదొలుగుతున్నట్లు ఐఎంజీ రిలయన్స్‌ ప్రకటించింది. ఈ మేరకు ఐఎంజీ రిలయన్స్‌ పాకిస్థాన్‌ క్రికెట్‌ బోర్డుకు తెలియజేసింది. దాడిని తీవ్రంగా ఖండించిన సంస్థ తక్షణమే పీఎస్‌ఎల్‌ ప్రసారాల నుంచి వైదొలుగుతున్నట్లు తెలిపింది. పాకిస్థాన్‌ సూపర్‌ లీగ్‌ మ్యాచ్‌లను ప్రసారం చేసేందుకు ఐఎంజీ రిలయన్స్‌ గతంలో పాకిస్థాన్‌ క్రికెట్‌ బోర్డుతో ఒప్పందం కుదుర్చుకుంది. అటు ప్రసారాల నుంచి రిలయన్స్‌ తప్పుకున్నట్లు అధికారికంగా ధ్రువీకరించిన పాకిస్థాన్‌ క్రికెట్‌ బోర్డు మరో సంస్థ కోసం అన్వేషిస్తున్నట్లు సమాచారం.

అంతర్జాతీయం వార్తలు

మరింత +
Telangana Man Shot Dead by Masked Gunman in Florida Supermarket అమెరికా: తుపాకీ కాల్పుల్లో తెలంగాణ వాసి మృతి

అమెరికాలో తుపాకీ కాల్పులకు మరో తెలంగాణ వ్యక్తి బలయ్యాడు. ఫ్లోరిడాలోని ఓ డిపార్ట్‌మెంట్‌ స్టోర్‌లోకి చొరబడిన దుండగులు, అక్కడ మేనేజర్‌గా పనిచేస్తోన్న గోవర్దన్‌రెడ్డితో పాటు మరో వ్యక్తిపై కాల్పులు జరిపారు. ఈ ఘటనలో గోవర్దన్‌రెడ్డి అక్కడిక్కడే చనిపోగా, గాయపడిన వ్యక్తి ప్రస్తుతం ఆస్పత్రిలో చికిత్స పొందుతున్నాడు. యాదాద్రి జిల్లా ఆత్మకూర్‌ మండలం రహింఖాన్‌పేట గ్రామానికి చెందిన గోవర్దన్‌రెడ్డి, ఏడేళ్ల క్రితం అమెరికా వెళ్లాడు. అక్కడే స్టోర్‌ మేనేజర్‌గా పనిచేస్తున్నాడు. ఈ ఘటనపై కేసు నమోదు చేసుకుని పోలీసులు దర్యాప్తు చేస్తున్నారు. హైదరాబాద్‌ ఉప్పల్‌లోని ఉంటున్న కుటుంబ సభ్యులకు గోవర్దన్‌ మృతి వార్త తెలియడంతో విషాదచాయలు అలుముకున్నాయి. గోవర్దన్‌కు భార్య, ఇద్దరు కూతుళ్లు ఉన్నారు. గోవర్ధన్‌రెడ్డి మృతదేహాన్ని స్వదేశానికి తీసుకొచ్చేందుకు అతడి కుటుంబసభ్యులు ప్రభుత్వ సాయం కోసం ఎదురుచూస్తున్నారు. వీలైనంత త్వరగా భారత్‌కు తీసుకొచ్చేలా చర్యలు తీసుకోవాలని విజ్ఞప్తి చేస్తున్నారు.

Saudi Crown Prince, PM Modi Hold Bilateral Talks Today పాక్ నుంచి భారత్‌కు వచ్చిన అరేబియా రాజు

పాకిస్తాన్ నుంచి భారత్ పర్యటనకు వచ్చిన సౌదీ అరేబియా రాజు మహ్మద్ బిన్ సల్మాన్ రాష్ట్రపతి భవన్లో ఆయనకు ఘనస్వాగతం లభించింది. అనంతరం రాష్ట్రపతి భవన్లో రాష్ట్రపతి రాంనాథ్ కోవింద్ ను , ప్రధాని నరేంద్ర మోడీని కలుసుకున్నారు. రెండు దేశాల ప్రయోజనాల కోసం ఈ బంధాన్ని ఇలాగే కొనసాగిస్తామన్నారు. సౌదీ అరేబియా నిర్మాణంలో భారతీయులు డెబ్భై ఏళ్ళు సహకారం అందించారని, వారిని తాము స్నేహితుల్లా చూస్తున్నామని సౌదీ అరేబియా యువరాజు మహమ్మద్ బిన్ సల్మాన్ అన్నారు.

Pakistan PM Imran Khan promises action if India shows Pulwama proof, warns against any rash move ఉగ్రదాడితో మాకు ఎలాంటి సంబంధం లేదు?

పుల్వామా ఉగ్రదాడిపై పాక్ ప్రధాని ఇమ్రాన్ ఖాన్ స్పందించారు. తమ దేశానికి ఉగ్రదాడికి ఎలాంటి సంబంధం లేదని అయన అన్నారు. పాకిస్థాన్ కూడా ఉగ్రవాదంతో సతమతమవుతుందన్నారు. ఉగ్రదాడిపై తమను అనవసరంగ నిందించరాదని ఏవైన ఆధారాలు చర్యలు తీసుకుంటామని స్పష్టం చేశారు. సైనిక చర్యతో జమ్ము సమస్య తీరదని చర్చలే పరిష్కార మార్గమని తెలిపారు.

డెస్క్ నుండి

తెలంగాణ-2019: మంత్రివర్గంలోని మంత్రుల ప్రస్థానం..

1. ఈటల రాజేందర్...  

ఈటల రాజేందర్.. టీఆర్ఎస్‌లో అతి ముఖ్యమైన నేతల్లో ఒకరు. పార్టీ ఆవిర్భావం నుంచి కేసీఆర్ వెన్నంటే ఉన్న ఈటల టీఆర్ఎస్‌లో తనదైన శైలిలో స్పెషల్ ప్లేస్‌ను సొంతం చేసుకున్నారు. తొలిసారి 2004 ఎన్నికల్లో కమలాపూర్ నియోజకవర్గం నుంచి పోటీ చేసి గెలిచారు. 2008 ఉప ఎన్నికల్లో విజయం సాధించారు. నియోజకవర్గాల పునర్విభజన అనంతరం 2009లో హుజురాబాద్ నుంచి విజయాన్ని అందుకున్నారు. అనంతరం 2010లో రాజీనామాతో జరిగిన ఉప ఎన్నికలో కూడా గెలుపొందారు. ఆ తర్వాత 2014 సాధారణ ఎన్నికల్లోనూ విజయం సాధించారు. 2018 ఎన్నికల్లోను తన సిట్టింగ్ స్థానాన్ని నిలబెట్టుకుంటూ డబుల్ హ్యాట్రిక్ సాధించారు. 1964 మార్చి 20న కరీంనగర్‌లో ఈటెల రాజేందర్ జన్మించారు. 14 ఏళ్లలో ఆరుసార్లు అసెంబ్లీకి ఎన్నికైన అతికొద్ది మంది నేతల్లో ఈటల కూడా ఒకరుగా నిలిచారు. 2008లో టీఆర్ఎస్ తరుపున అసెంబ్లీలో ఎల్పీ లీడర్‌గా ఉన్నారు. 2009 నుంచి 2014 వరకు అసెంబ్లీలో పార్టీ ఎల్పీ నేతగా ఎన్నికయ్యారు. తెలంగాణ రాష్ట్ర ప్రత్యేక సాధనలో ఈటల రాజేందర్ ముందుండి నిలిచారు. అన్ని పార్టీలను ఏకం చేయడంలో విజయం సాధించారు.ఇటు ప్రత్యేక రాష్ట్రం ఏర్పడిన తరువాత తొలి ఆర్ధిక శాఖ మంత్రిగా ఈటెల రాజేందర్ అరుదైన గుర్తింపును సొంతం చేసుకున్నారు. తూనీకలు కొలతలు, పౌరసరఫరాల శాఖ మంత్రిగా బాధ్యతలు నిర్వర్తించారు. రెండోసారి కేసీఆర్ కేబినెట్‌లో బెర్త్ దక్కడంతో ఈటెలకు ఏ శాఖ అప్పగిస్తారనే దానిపై అందరిలోను ఉత్కంఠ నెలకొంది. 

2. సీహెచ్ మల్లారెడ్డి...

మేడ్చల్ ఎమ్మెల్యే సీహెచ్ మల్లారెడ్డి తొలిసారి మంత్రిగా ప్రమాణ స్వీకారం చేసేందుకు రెడీ అయ్యారు. కేసీఆర్ మంత్రి వర్గంలో చోటు దక్కించుకున్న మల్లారెడ్డి అసెంబ్లీకి కూడా తొలిసారి ఎన్నిక అయ్యారు. 2014లో రాజకీయాల్లోకి అడుగు పెట్టిన మల్లారెడ్డి మల్కాజిగిరి పార్లమెంట్ నియోజకవర్గం నుంచి తెలుగు దేశం పార్టీ తరుపున విజయం సాధించారు. తెలంగాణ రాష్ట్రంలో టీడీపీ తరుపున గెలిచిన ఏకైక ఎంపీగా మల్లారెడ్డి రికార్డు సాధించారు. ఆ తరువాత 2016లో టీఆర్ఎస్ కండువా కప్పుకున్నారు.2018 ఎన్నికల్లో అనూహ్యంగా మేడ్చల్ నియోజకవర్గం నుంచి బరిలోకి దిగి 87వేల 900 ఓట్ల మెజార్టీతో కాంగ్రెస్ అభ్యర్ధి కిచ్చెన్నగారి లక్ష్మారెడ్డిపై విజయం సాధించారు. అనంతరం ఎంపీ పదవీకి రాజీనామా చేశారు. 1953 సెప్టెంబర్ 9న మల్లారెడ్డి హైదరాబాద్‌లో జన్మించారు. అయితే మల్లారెడ్డి రాజకీయాల్లోకి రాకముందు వ్యాపారవేత్తగా ఉన్నారు. మల్లారెడ్డి విద్యాసంస్థల పేరుతో అనేక కాలేజీలను ఏర్పాటు చేశారు.అర్ధబలం, అంగబలం ఉన్న మల్లారెడ్డి మేడ్చల్‌లో బలమైన నేతగా ఎదిగారు. ఉమ్మడి రంగారెడ్డి జిల్లా కోటాలో మల్లారెడ్డికి కేసీఆర్ కెబినెట్‌లో బెర్త్ దక్కినట్లుగా తెలుస్తోంది. ఇటు కేసీఆర్‌, కేటీఆర్‌కు మల్లారెడ్డి అత్యంత సన్నిహితుడని పార్టీలో ప్రచారం జరుగుతోంది. 

3. సింగిరెడ్డి నిరంజన్ రెడ్డి...

ఉమ్మడి మహబూబ్ నగర్ జిల్లా నుంచి కేసీఆర్ కేబినెట్‌లో సింగిరెడ్డి నిరంజన్ రెడ్డి బెర్త్ దక్కించుకున్నారు. 2018 అసెంబ్లీ ఎన్నికల్లో వనపర్తి నియోజకవర్గం నుంచి పోటీ చేసిన నిరంజన్ రెడ్డి.. కాంగ్రెస్ అభ్యర్ధి చిన్నారెడ్డిపై విజయం సాధించి తొలిసారి అసెంబ్లీలోకి అడుగు పెట్టారు. 2014 ఎన్నికల్లో చిన్నారెడ్డి చేతిలో ఓడిపోయిన నిరంజన్ రెడ్డి.. తెలంగాణ రాష్ట్ర ప్రణాళికా సంఘం తొలి ఉపాధ్యక్షుడిగా బాధ్యతలు నిర్వర్తించారు. వనపర్తిలో 1958 అక్టోబర్ 4న జన్మించారు. మహబూబ్ నగర్ జిల్లాలో నిరంజన్ రెడ్డి బలమైన లీడర్‌గా ఎదిగారు. 1995 పీఏసీ కమిటీ చైర్మన్‌గా ఉన్నారు. ఆ తరువాత 1999లో ఆంధ్ర ప్రదేశ్ ఖాదీ బోర్డు చైర్మన్‌గా బాధ్యతలు నిర్వర్తించారు. 2001లో టీఆర్ఎస్ పార్టీ ఫౌండర్ మెంబర్‌గా ఉన్నారు. 2001 నుంచి కేసీఆర్ వెంట ఉండి.. టీఆర్ఎస్‌లో వివిధ పదవులు అధిరోహించారు. పార్టీ పొలిట్ బ్యూరో సభ్యుడిగా ఎన్నికయ్యారు. ఉమ్మడి మహబూబ్ నగర్ జిల్లా నుంచి కొన్ని సమీకరణాల ద్వారా మంత్రి వర్గంలో నిరంజన్ రెడ్డి చోటు దక్కించుకున్నారు. పార్టీలో మొదటి నుంచి పనిచేస్తున్న ఆయన సీఎం కేసీఆర్‌కు అత్యంత సన్నిహితుడనే పేరుంది. పార్టీలోను, ప్రభుత్వంలోను నిరంజన్ రెడ్డి మంచి నిర్ణయాలు తీసుకుంటాడని.. ప్రజలకు ఎల్లప్పుడు అందుబాటులో ఉంటాని నేతలు చెబుతున్నారు.

4. ఇంద్రకరణ్ రెడ్డి... 

అల్లోల ఇంద్రకరణ్ రెడ్డి మెస్ట్ సక్సెస్‌ఫుల్ పొలిటిషన్‌గా పేరు తెచ్చుకున్నారు. తెలంగాణ రాష్ట్రంలో రెండోసారి మంత్రి పదవి చెపడుతున్నారు. 2018 అసెంబ్లీ ఎన్నికల్లో నిర్మల్ విజయం సాధించారు. ప్రత్యర్ధి మహేశ్వర్ రెడ్డిపై 9వేల 271 ఓట్ల తేడాతో విక్టరీ కొట్టారు. తెలంగాణ ప్రత్యేక రాష్ట్రంలో జరిగిన 2014 ఎన్నికల్లో బీఎస్పీ పార్టీ నుంచి పోటీ చేసి విక్టరీ కొట్టారు. ఆ తరువాత టీఆర్ఎస్ పార్టీలో చేరి సీఎం కేసీఆర్ కేబినెట్‌లో మంత్రి పదవి చేపట్టారు. దేవాదాయ, గృహ నిర్మాణ, న్యాయశాఖ మంత్రిగా బాధ్యతలు నిర్వర్తించారు. 1949 ఫిబ్రవరి 16వ తేదీన చిన్నమ్మ - నారాయణ రెడ్డి దంపతులకు ఇంద్రకరణ్ రెడ్డి జన్మించారు. నిజామాబాద్ లోని గిరిరాజ కాలేజీ నుంచి బీకాం పట్టా అందుకున్న ఇంద్రకరణ్.. ఉస్మానియా యూనివర్సిటీ నుంచి ఎల్ఎల్‌బీ పూర్తి చేశారు. 1980 రాజకీయాల్లోకి అడుగు పెట్టిన ఆయన.. 1987లో ఆదిలాబాద్ జిల్లా పరిషత్ చైర్మన్‌గా ఎన్నికయ్యారు. 1991లో తొలిసారి ఆదిలాబాద్ లోక్‌ సభ నియోజకవర్గం నుంచి తెలుగు దేశం పార్టీ తరుపున పార్లమెంట్‌లోకి అడుగు పెట్టారు. ఆ తరువాత వరుసగా 1999, 2004 లో నిర్మల్ అసెంబ్లీ నియోజకవర్గం నుంచి ఎమ్మెల్యేగా గెలిచి అసెంబ్లీకి ఎన్నికయ్యారు. 2009లో జరిగిన ఆదిలాబాద్ పార్లమెంట్ బై ఎలక్షన్స్‌లో కాంగ్రెస్ తరుపున బరిలోకి దిగి గెలిచారు. ఇక 2014, 2018 ఎన్నికల్లో వరుసగా రెండుసార్లు అసెంబ్లీ ఎన్నికల్లో గెలిచి నిలిచారు. ఆదిలాబాద్ జిల్లాలో బలమైన నేతగా ఇంద్రకరణ్ రెడ్డికి మంచి పేరు ఉంది. నిత్యం ప్రజల్లో ఉంటూ సమస్యలు పరిష్కరిస్తారని ప్రజలు వరుసగా గెలిపిస్తూ వచ్చారు. అంతే కాకుండా అప్పగించిన బాధ్యతలు సక్రమంగా నెరవేరుస్తారనే నమ్మకంతో సీఎం కేసీఆర్.. రెండోసారి ఇంద్రకరణ్ రెడ్డిని మంత్రివర్గంలోకి తీసుకుంటున్నారని పార్టీ శ్రేణులు అభిప్రాయపడుతున్నారు. ఇటు జిల్లాలో ఇతర నేతల నుంచి గట్టి పోటీ ఉన్నా.. సీనియర్ లీడర్‌గా అల్లోలనే మంత్రి పదవీ వరించింది. 

5. జగదీష్ రెడ్డి... 

మాజీ మంత్రి గుంటకండ్ల జగదీష్ రెడ్డి మరోసారి మంత్రిగా ప్రమాణ స్వీకారం చేయబోతున్నారు. వరుసగా రెండోసారి సీఎం కేసీఆర్ కేబినెట్‌లో బెర్త్ దక్కించుకున్నారు. సూర్యాపేట నియోజకవర్గం నుంచి వరుసగా రెండోసారి అసెంబ్లీలోకి అడుగు పెట్టిన జగదీష్ రెడ్డి.. గత ప్రభుత్వ హయాంలో ఎడ్యుకేషన్, విద్యుత్, షెడ్యూల్డ్ క్యాస్ట్ శాఖలను నిర్వర్తించారు. 1965లో సూర్యాపేట జిల్లా జాజిరెడ్డి గూడెం మండలంలోని నాగారం గ్రామంలో రామచంద్రారెడ్డి, సావిత్రి దంపతులు జన్మించారు. 2001లో తెలంగాణ పార్టీ ఆవిర్భావం నుంచి పార్టీలో ఉన్న జగదీష్ రెడ్డి... తొలిసారి 2009 ఎన్నికల్లో హుజూర్ నగర్ నియోజకవర్గం నుంచి పోటీ చేసి ఉత్తమ్ కుమార్ రెడ్డి చేతిలో ఓడిపోయారు. ఆ తరువాత సూర్యాపేట నియోజకవర్గం నుంచి 2014, 2018 ఎన్నికల్లో బరిలో నిలిచి విజయం సాధించారు. ఉమ్మడి నల్గొండ జిల్లాలో బలమైన నేతగా పేరు తెచ్చుకున్నారు. టీఆర్ఎస్ పార్టీని ముందుండి నడిపించడంతో పాటు.. ప్రభుత్వంలోను కీలక పాత్ర పోషించారు. సీఎం కేసీఆర్‌కు అత్యంత సన్నిహితుడిగా పేరు తెచ్చుకున్న జగదీష్ రెడ్డి.. మరోసారి మంత్రి పదవీ సంపాదించారు. రెండోసారి మంత్రిగా ప్రమాణ స్వీకారం చేయనున్నారు. 

6. కొప్పుల ఈశ్వర్...

కరీంనగర్ జిల్లా ధర్మపురి నియోజకవర్గానికి చెందిన ఎమ్మెల్యే కొప్పుల ఈశ్వర్ కూడా కేసీఆర్ కేబినెట్‌లో మంత్రి పదవీ దక్కించుకున్నారు. 1959 జనవరి 20న గోదావరి ఖనిలో జన్మించిన కొప్పుల బీఏ వరకు చదివారు. సింగరేణి కార్మికుడిగా జీవితం ప్రారంభించిన ఆయన.. సింగరేణి కార్మిక సంఘాల నేతగా నిలిచారు. 2004లో తొలిసారి మేడారం నియోజకవర్గం నుంచి టీఆర్ఎస్ పార్టీ తరుపు ఎమ్మెల్యేగా పోటీ చేసి గెలిచారు. తొలిసారి అసెంబ్లీలోకి అడుగు పెట్టారు. తెలంగాణ ఉద్యమ సమయంలో రాజీనామా చేసి మళ్లీ ఉప ఎన్నికల్లో విజయం సాధించారు. నియోజకవర్గాల పునర్విభజనలో భాగంగా మేడారం స్థానం రద్దు కావడంతో 2009లో కొత్తగా ఏర్పడిన ధర్మపురి శాసనసభ నియోజకవర్గం నుంచి పోటీచేసి కాంగ్రెస్ పార్టీ అభ్యర్థి లక్ష్మణ్ కుమార్‌పై విజయం సాధించారు. తెలంగాణ ఉద్యమ నేపథ్యంలో మరోసారి రాజీనామా చేసి 2010 ఉప ఎన్నికలలో మళ్ళీ గెలుపొందారు. 2014, 2018 ఎన్నికల్లో మళ్ళీ తెరాస తరఫున ధర్మపురి నుంచి గెలిచి నిలిచారు. గత ప్రభుత్వ హయాంలో ప్రభుత్వ చీఫ్ విప్‌గా బాధ్యతలు నిర్వర్తించారు. 2018 ఎన్నికల సమయంలోనే కొప్పుల ఈశ్వర్‌కు మంత్రి పదవీ ఖాయం అని జిల్లాలో జోరుగా చర్చ సాగింది. అందరూ అనుకున్నట్లుగా ఈసారి మంత్రి వర్గంలో ఉమ్మడి కరీంనగర్ జిల్లా నుంచి మంత్రిగా ప్రమాణ స్వీకారం చేయనున్నారు. పార్టీ ప్రారంభం నుంచి టీఆర్ఎస్‌లోనే ఉన్న కొప్పులకు ఎన్నేళ్లకు మంత్రి పదవీ వరించిందని పార్టీ నేతలు చెబుతున్నారు. 

7. ఎర్రబెల్లి దయాకర్ రావు...

ఎర్రబెల్లి దయాకర్ రావు అసెంబ్లీ ఎన్నికల్లో డబుల్ హ్యాట్రిక్ సాధించిన అతికొద్ది లీడర్లలో ఒకరిగా నిలిచారు. వరంగల్ జిల్లాలో మోస్ట్ పవర్ ఫుల్ లీడర్లలో ముందు వరుసలో ఉన్న ఎర్రబెల్లి దాయాకర్ రావు కేసీఆర్ కేబినెట్‌లో మంత్రిగా ప్రమాణ స్వీకారం చేయబోతున్నారు. 2018 అసెంబ్లీ ఎన్నికల్లో పాలకుర్తి నియోజకవర్గం నుంచి హ్యాట్రిక్ విక్టరీ కొట్టారు. అంతకు ముందు వర్ధన్నపేట నియోజకవర్గం నుంచి వరుసగా మూడు సార్లు ఎమ్మెల్యేగా గెలిచి రికార్డు సృష్టించారు. ఈసారి అసెంబ్లీలో మోస్ట్ సీనియర్ లీడర్లలో ఒకరిగా ఎర్రబెల్లి దాయకర్ రావు నిలిచారు. మాజీ ముఖ్యమంత్రి ఎన్టీఆర్ స్పూర్తితో 1980లో రాజకీయాల్లోకి దయాకర్ రావు అడుగు పెట్టారు. 1983లో తొలిసారి అసెంబ్లీ ఎన్నికల్లో పోటీ చేసి ఓడిపోయారు. 1987లో వరంగల్ డీసీసీబీ చైర్మన్‌గా ఎన్నికయ్యారు. 1994లో జరిగిన అసెంబ్లీ ఎన్నికల్లో వర్ధన్నపేట నుంచి టీడీపీ తరుపున పొటీ చేసి గెలిచారు. అసెంబ్లీలోకి అడుగు పెట్టారు. ఆ తరువాత వరుసగా 1999, 2004 ఎన్నికల్లో హ్యాట్రిక్ విజయాలు సాధించారు. 2008లో జరిగిన పార్లమెంట్ బై ఎలక్షన్స్‌లో సిట్టింగ్ ఎంపీ రవీంద్ర నాయక్‌ను ఓడించి ఎంపీగా తొలిసారి పార్లమెంట్‌కు ఎన్నికయ్యారు. ఆ తరువాత 2009 అసెంబ్లీ ఎన్నికల్లో వర్ధన్నపేట నుంచి కాకుండా పాలకుర్తి నుంచి బరిలో నిలిచి విజయం సాధించారు. 2014, 18 ఎన్నికల్లోను గ్రాండ్ విక్టరీ కొట్టారు. వరంగల్ జిల్లాకు చెందిన పర్వతగిరిలో జగన్నాథరావు, ఆదిలక్ష్మీ దంపతులకు 1956 ఆగస్టు 15న ఎర్రబెల్లి దయాకర్ రావు జన్మించారు. ప్రజా సమస్యలపై నిత్యం పోరాడే వ్యక్తిగా ఎర్రబెల్లి దాయకర్ రావుకు వరంగల్ జిల్లాలో మంచి పేరు ఉంది. టీడీపీతో రాజకీయ జీవితం మొదలు పెట్టిన ఎర్రబెల్లి దయాకర్ రావు 2016లో బంగారు తెలంగాణ కోసం టీఆర్ఎస్ పార్టీలో చేరారు. కొన్ని సమీకరణాల వల్ల ఈసారి కేసీఆర్ కేబినెట్‌లో మంత్రిగా చోటు దక్కించుకున్నారు. 

8. శ్రీనివాస్ గౌడ్‌...

మహబూబ్ నగర్ ఎమ్మెల్యే శ్రీనివాస్ గౌడ్‌ తొలిసారి మంత్రి పదవి చెపబుతున్నారు. 2014లో టీఆర్ఎస్ పార్టీలో చేరిన ఆయన.. మహబూబ్ నగర్ నుంచి పోటి చేసి తొలిసారి అసెంబ్లీలోకి అడుగుపెట్టారు. ఆ తరువాత 2018లో సిట్టింగ్ స్థానాన్ని నిలబెట్టుకున్నారు. ఉమ్మడి మహబూబ్ నగర్ కోటాలో శ్రీనివాస్ గౌడ్ కు మంత్రి పదవి దక్కింది. తెలంగాణ ఉద్యమ సమయంలో శ్రీనివాస్ గౌడ్ చురుగ్గా వ్యవహరించారు. తెలంగాణ గెజిటెడ్ ఆఫీసర్స్ అసోసియేషన్‌కు చైర్మన్‌గా వ్యవహరించారు. దాంతో పాటు టీ జేఏసీ కో చైర్మన్‌గా ఉద్యమంలో పాల్గొన్నారు. శ్రీనివాస్ గౌడ్ 1969 మార్చి 16న మహబూబ్ నగర్ జిల్లా రాచాల గ్రామంలో జన్మించారు. బీఎస్సీ పీజీడీసీజే పూర్తి చేసి 1998లో ఆంధ్ర ప్రదేశ్ సివిల్ సర్వీస్ డిపార్ట్‌మెంట్‌లో చేరారు. 

9. తలసాని శ్రీనివాస్ యాదవ్...

మంత్రిగా బాధ్యతలు స్వీకరించేందుకు మరోసారి రెడీ అయ్యారు తలసాని శ్రీనివాస్ యాదవ్. 2018లో సిట్టింగ్ స్థానం సనత్ నగర్ నుంచి గెలుపొందిన ఆయన గతంలో కేసీఆర్ ప్రభుత్వంలో కమర్షియల్ ట్యాక్సెస్, సినిమాటోగ్రఫీ బాధ్యతలు నిర్వర్తించారు. ఆ తరువాత ఫిషరీస్, డైరీ డెవలప్ మెంట్ కార్పొరేషన్ శాఖలను నిర్వహించారు. 1965 అక్టోబర్ 6న సికింద్రాబాద్‌లో జన్మించిన తలసాని.. హైదరాబాద్ జంట నగరాల్లో ముఖ్యమైన నాయకుల్లో ఒకరిగా నిలిచారు. మొదట సికింద్రాబాద్ ఎమ్మెల్యేగా టీడీపీ తరుపున బరిలోకి దిగి 1994 ఎన్నికల్లో విజయం సాధించారు. తొలిసారి అసెంబ్లీలోకి అడుగు పెట్టిన ఆయన 1999 ఎన్నికల్లోను విజయం సాధించారు. 2008లో జరిగిన ఉప ఎన్నికల్లో విజయం సాధించారు. 2014లో టీడీపీ తరుపున సనత్ నగర్ నుంచి పోటీ చేసి విక్టరీ కొట్టారు. ఆ తరువాత టీఆర్ఎస్ పార్టీలోకి చేరి మంత్రి పదవీ సంపాదించారు. తలసాని శ్రీనివాస్ యాదవ్ 1995లో తొలిసారి మంత్రి పదవిని దక్కించుకున్నారు. చంద్రబాబు కేబినెట్‌లో లేబర్ అండ్ ఎంప్లాయ్‌మెంట్ శాఖ బాధ్యతలు నిర్వర్తించారు. 2001లో టూరిజం, కల్చరర్ శాఖ మంత్రిగా పనిచేశారు. టీఆర్ఎస్‌లో చేరిన తరువాత కూడా మంత్రి పదవీ దక్కించుకున్నారు. 

10. వేముల ప్రశాంత్ రెడ్డి...

నిజామాబాద్ నుంచి కేబినెట్‌లో బాల్కొండ ఎమ్మెల్యే వేముల ప్రశాంత్ రెడ్డి కేసీఆర్ కేబినెట్‌లో బెర్త్ దక్కించుకున్నారు. 2014లో తొలిసారి బాల్కొండ నుంచి పోటీ చేసిన ప్రశాంత్ రెడ్డి ఆ ఎన్నికల్లో విజయం సాధించారు. ఇప్పుడు సిట్టింగ్ స్థానాన్ని నిలబెట్టుకుని రెండోసారి అసెంబ్లీకి ఎన్నికయ్యారు. వేముల ప్రశాంత్ రెడ్డి.. సీఎం కేసీఆర్, కేటీఆర్‌కు సన్నిహితుడనే పేరుంది. అంతే కాకుండా జిల్లాలో ప్రశాంత్ రెడ్డికి బలమైన వర్గం ఉండటంతో పాటు.. నిత్యం ప్రజల్లో ఉంటాడనే మంచి పేరు కూడా ఉంది. ఎన్నికల సమయంలోనే ప్రశాంత్ రెడ్డికి ఈసారి కేబినెట్‌లో చోటు దక్కుతుందనే వార్తలు వినిపించాయి. ఇప్పుడు నిజం అయ్యాయి.

ఇంకా చదవండి2 Days Ago
రోజుకు 150ml కంటే ఎక్కువ మద్యం తాగితే మీ కాలేయం పాడవుతున్నట్టే!

మారుతున్న ఆహారపు అలవాట్లు, శారీరక శ్రమ లేకపోవడం, మితిమీరిన మద్యపానం కాలేయ ఆరోగ్యాన్ని తీవ్రంగా దెబ్బ తీస్తున్నాయి. ఆసుపత్రికి వస్తున్న వారిలో ఈ తరహా బాధితుల సంఖ్య పెరుగుతోంది. కాలేయం పూర్తిగా చెడిపోయి మార్పిడి కోసం ఒక్క ఉస్మానియాలోనే 100 మందికి పైగా రోగులు ఎదురుచూస్తున్న పరిస్థితి ఉంది. వీరిలో 60 శాతం మంది మితిమీరిన మద్యాపానంతోనే ఈ పరిస్థితి తెచ్చుకున్నారు. గాంధీ, నిమ్స్‌ ఆసుపత్రుల్లోనూ ఈ తరహా బాధితుల సంఖ్య ఎక్కువే.  

నగరమంటే ఉరుకులు పరుగుల జీవితం. ఆహారపు అలవాట్లు వేగంగా మారిపోతున్నాయి. అధిక కొవ్వుతో కూడిన ఆహారం ఎక్కువ మంది తీసుకుంటున్నారు. చాలామంది స్నేహితులతో సరదాగా ప్రారంభిస్తున్న మద్యపానం అలవాటు క్రమంగా వ్యసనంగా తయారవుతోంది. కొన్నాళ్ల తర్వాత ఆ ప్రభావం కాలేయంపై పడుతోంది. ప్రస్తుతం కాలేయ వ్యాధితో చికిత్స పొందుతున్న వారిలో 40నుంచి 50 ఏళ్ల వయస్సు ఉన్న వారే అధిక సంఖ్యలో ఉంటున్నారు.  

కాలేయ సమస్యను ప్రారంభ దశలో గుర్తిస్తే మందులతో నయమవుతుంది. కానీ, చాలామంది పరిస్థితి చేజారిన తర్వాత వైద్యులను సంప్రదిస్తున్నారు.అధిక మద్యపానం, ఆహార అలవాట్లు, శారీరక శ్రమ లేమి ఇత్యాది కారణాల వల్ల తొలుత ఫ్యాటీలివర్‌గా మారుతుంది. నిర్లక్ష్యం చేస్తే హెపటైటిస్‌ అనంతరం క్రానిక్‌ హెపటైటిస్‌ చివరి దశలో సిరోసిస్‌గా రూపాంతరం చెందుతుంది. ఈ స్థాయిలో కాలేయ మార్పిడి ఒక్కటే శరణ్యం. అవయవ దాత లభించడంతో పాటు కాలేయం మార్చాలంటే తక్కువలో తక్కువ 30 లక్షల వరకు ఖర్చు అవుతుంది. తర్వాత మందుల కోసం నెలకు మరో 20 వేల వరకు అవసరం. ప్రతి మూడు నెలలకు ఒకసారి పరీక్షలు చేయించుకోవాలి. చాలామంది ఇంత డబ్బు లేక ప్రభుత్వ ఆసుపత్రులను ఆశ్రయిస్తున్నారు.  

ఒక వ్యక్తి నిత్యం 150-180 మిల్లీలీటర్ల మద్యం తీసుకున్నారంటే అతని ఆరోగ్యం ప్రమాదంలో ఉన్నట్టే. మద్యంతో కాలేయం కచ్చితంగా దెబ్బ తింటుంది. ప్రస్తుతం వైద్యం కోసం వస్తున్న బాధితుల్లో 60 శాతం ఈ తరహా కేసులే ఉంటున్నాయి. వైరల్‌ ఇన్‌ఫెక్షన్లు, అపరిశుభ్ర నీరు, ఆహారం, హెపటైటిస్‌-బి, సి కూడా కాలేయంపై ప్రభావం చూపుతాయి. మిగతా అవయవాల కంటే కాలేయం ప్రత్యేకమైనది. కొంతభాగం కోల్పోయినా మళ్లీ పుంజుకుంటుంది. కానీ అదే పనిగా కాలేయానికి ఇబ్బంది కలిగితే మాత్రం మొరాయించి పనిచేయడం మానేస్తుంది.  

ఆల్కాహాల్‌ తీసుకొని మంచిగా భోజనం చేస్తే కాలేయానికి ఏమీ కాదనేది అపోహ మాత్రమే. మద్యపానంతో కాలేయమే కాకుండా క్లోమగ్రంథి దెబ్బ తింటుంది. శరీరంలో ఇన్సులిన్‌ ఉత్పత్తి చేయడంలో కాలేయానిదే కీలక పాత్ర. కడుపులో నొప్పి, రక్తంతో కూడిన వాంతులు, కామెర్లు, నలుపు రంగులో మలవిసర్జన, ఆకలి లేకపోవడం, ఒక్కసారిగా బరువు తగ్గడం వంటి లక్షణాలు ఉంటె కాలేయ పరీక్షలు తప్పకుండా చేయించుకోవాలి. కాలేయ సమస్యలు ఉన్న వారికి బతికున్న వ్యక్తులు కొంత భాగం దానం చేయవచ్చు. దాతల నుంచి 30 శాతం కాలేయాన్ని తీసి పాడైన వారికి అమర్చుతారు. దాతకు 3 నుంచి 6 నెలల్లో కాలేయం తిరిగి పూర్వ స్థితికి చేరుతుంది.  

అనారోగ్యం కొని తెచుకుంటున్న పద్దతులకు వెంటనే స్వస్థి పలకడం మంచిది. ఇప్పటికే కలుషిత ఆహారం, కలుషిత నీరు, కలుషిత పర్యావరణం అన్ని కాలిసి మనిషి ఆయుష్షుని వేగంగా తగించేస్తున్నాయి. దీనికి తోడు చెడు వ్యాసనాలు కూడా ఉంటే ఇంకా త్వరగా జీవితం ముగిసిపోతుంది. అందుకే ఆరోగ్యానికి కీడు చేసే చెడు అలవాట్లకు దూరంగా ఉండాలని వైద్యులు హెచ్చరిస్తున్నారు.

ఇంకా చదవండి9 Days Ago
భరత్ దాడి: మృత్యువుతో పోరాడుతున్న మధులిక

తెలుగు రాష్ట్రాల్లో ప్రేమ వ్యవహారంలో దాడులు రోజురోజుకు మితిమిరిపోతున్నాయి. బర్కత్‌పురలో ప్రేమించట్లేదనే కోపంతో యువతిపై యువకుడు కత్తితో దాడి చేశాడు. ఈ దాడితో యువతి తీవ్రంగా గాయపడి మృత్యువతో పోరాడుతోంది. ఇటు దాడి చేసిన యువకుడిని పోలీసులు అదుపులోకి తీసుకున్నారు.  

బర్కత్‌పురాలో దారుణం చోటు చేసుకుంది. ప్రేమించట్లేదనే కోపంతో మధులిక అనే యువతిపై భరత్ అనే యువకుడు కొబ్బరి బొండాలు నరికే కత్తితో దాడి చేశారు. గత కొంత కాలంగా ప్రేమించాలంటూ మధులికను భరత్ వేధింపులకు గురి చేస్తున్నాడు. అయినా మధులిక ఒప్పుకోకపోవడంతో.. తనకు కానిది మరొకరికి దక్కొద్దనే కోపంతో కత్తితో దారుణంగా దాడి చేశాడు. ఈ దాడితో యువతి తీవ్రంగా గాయపడింది. వెంటనే స్థానికులు హాస్పిటల్‌లో జాయిన్ చేశారు.  

భరత్ దాడిలో గాయపడిన యువతి యశోద ఆసుపత్రిలో చికిత్స పొందుతోంది. యువకుడి దాడిలో గాయపడిన యువతి పరిస్థితి విషమంగా ఉంది. యశోద ఆసుపత్కి డాక్టర్లు మధ్యాహ్నం హెల్త్ బులిటెన్ విడుదల చేశారు. సుమారు 14, 15 సార్లు దాడి చేసినట్లుగా గాయాలు ఉన్నాయని చెప్పారు. ప్రస్తుతం పేషెంట్‌ను వెంటిలేటర్ పై వుంచామని.. 48 నుంచి 72 గంటలు దాటితేనే ఏమైనా చెప్పగలమని యశోద ఆస్పత్రి వైద్యులు తెలిపారు.  

తన కూతురి పై దాడి చేసిన భారత్ ను కఠినంగా శిక్షించాలని మధులిక తండ్రి డిమాండ్ చేస్తున్నారు. అల్లారు ముందుగా చేసుకున్న తన కితురి పై దాడి దారుణం అని చెప్పారు. ఇలాంటి పరిస్థితి ఏ కుటుంబానికి కూడా రావొదని ఆవేదన వ్యక్తం చేశారు. ఇలాంటి ఘటనలు పునరావృతం కావొద్దు అంటే ప్రేమోన్మాది భారత్ కు కచ్చితంగా ఉరిశిక్ష వేయాలని మధులిక బంధువులు డిమాండ్ చేస్తున్నారు.  

ప్రస్తుతంఈ ఘటనకు పాల్పడ్డ భరత్ ను పోలీసులు అదుపులోకి తీసుకున్నారు. దాడి చేసి ఇంట్లో కత్తి పడేసి మూసి నది దగ్గరకి వెల్లాడు భరత్. టాస్క్ ఫోర్స్ పోలీసులు నిందితుడి కోసం గాలింపు చర్యలు చేపట్టి అదుపులోకి తీసుకున్నారు. గతంలో కూడా మధులికను భరత్ ఇదే తరహాలో వేధిస్తే షీ టీమ్స్ కు ఫిర్యాదు చేశారు యువతి బంధువులు. దీంతో పోలీసులు ఇరువురుని పిలిపించి కౌన్సిలింగ్ ఇచ్చి వదిలేశారు. ఆ తర్వాత కూడా భరత్ లో ఎలాంటి మార్పూ కనిపించలేదు. రెండు రోజుల క్రితమే మధులిక పై దాడి చేసేందుకు ప్లాన్ చేసుకుని కొబ్బరి బొండాలు నరికే కత్తితో దాడి చేసినట్లు పోలీసులు వివరాలు వెల్లడించారు. మధులిక స్పృహలోకి వచ్చాక స్టేట్‌మెంట్‌ రికార్డ్‌ చేస్తామని డీసీపీ రమేష్ రెడ్డి చెప్పారు.  

ప్రేమ పేరుతో నిత్యం అమ్మాయిలుకు వేధింపులు తప్పడం లేదు. కొంత మంది పైశాచికంగా ఆలోచించి ఇలాంటి దాడులకు పాల్పడుతున్నారని.. నిందుతులను కఠినంగా శిక్షిస్తే.. మిగిలిన వాళ్లకు భయం పుడుతుందని పోలీస్ శాఖను ప్రజలు కోరుతున్నారు.

ఇంకా చదవండి14 Days Ago
జయరాం హత్య కేసులో కొత్త మలుపు

కోస్టల్ బ్యాంకు డైరెక్టర్ జయరామ్ హత్య కేసు దర్యాప్తును పోలీసులు ముమ్మరం చేశారు. ఈ కేసులో జయరామ్ మేనకోడలు శిఖా చౌదరిని నందిగామ సీఐ కార్యాలయానికి తరలించి పోలీసులు విచారిస్తున్నారు. ఈ మేరకు సాయంత్రంలోపు శిఖా చౌదరిని పోలీసులు అరెస్ట్ చేసే అవకాశం ఉంది. శిఖా చౌదరితో పాటు ఆమె సోదరిని పోలీసులు విచారిస్తున్నారు. అయితే శిఖా చౌదరి రాకేష్ అనే వ్యక్తి నుంచి నాలుగున్నర కోట్లు అప్పు తీసుకున్నట్టు, ఆ అప్పును జయరామ్ తీరుస్తానని హామీ ఇచ్చినట్టు విచారణలో తెలిశాయి.  

జయరామ్‌ది హత్యే అని నిర్ధారించిన పోలీసులు హత్య ఎవరు చేశారు? ఎలా చేశారు..? అనే దానిపై నాలుగు పోలీస్‌ బృందాలతో దర్యాప్తు చేపట్టారు. దర్యాప్తులో భాగంగా నందిగామ పోలీసులు జూబ్లీహిల్స్‌లోని జయరామ్ ఇంటికి చేరుకుని స్థానికంగా ఉన్న సీసీ ఫుటేజీని పరిశీలించారు. కుటుంబ సభ్యులతో మాట్లాడి సమాచారాన్ని సేకరించారు.  

జయరామ్‌ను హైదరాబాద్‌లోనే హత్య చేసి మృతదేహాన్ని నందిగామ వద్దకు తరలించారని పోలీసులు అనుమానిస్తున్నారు. హత్య చేసిన వారే దీన్ని రోడ్డు ప్రమాదంలా చిత్రీకరించడానికి ప్రయత్నం చేసి ఉంటారని అనుమానిస్తున్న పోలీసులు కారు నడిపిన వ్యక్తి ఎవరన్న కోణంలో కూడా విచారణ జరుపుతున్నారు.  

జయరామ్ హత్యపై అనేక అనుమానాలు వ్యక్తం చేస్తున్న పోలీసులు హైదరాబాద్ లోని దస్పల్లా హోటల్ సీసీ పుటేజ్ లను కూడా పరిశీలించారు. జనవరి 31న ఫార్మా కంపెనీ సమావేశాన్ని ఈ హోటల్లో నిర్వహించారు. సమావేశ అనంతరం వైట్ కలర్ షర్ట్ వేసుకున్న వ్యక్తితో జయరామ్ వెళ్లినట్లు సీసీ పుటేజ్‌లో రికార్డైంది. దీంతో ఆ వైట్ కలర్ షర్ట్ వేసుకున్న వ్యక్తి ఎవరు అన్న దాని కోసం కూడా పోలీసులు ఆరా తీస్తున్నారు.  

జయరామ్ హత్యకు ఆస్తి తగాదాలు కూడా కారణమై ఉండొచ్చని పోలీసులు అనుమానిస్తున్నారు. రెండేళ్ల క్రితం జయరాం తల్లి చనిపోయింది. ఈ నేపథ్యంలో వారి కుటుంబసభ్యుల మద్య ఆస్తి గొడవలు తలెత్తాయి. ఈ తగాదాలు కూడా జయరామ్ హత్యకు కారణమని అనుమానిస్తున్న పోలీసులు అనుమానిస్తున్నారు.  

మరో వైపు జయరాం పోస్ట్‌మార్టంపై ఉత్కంఠ నెలకొంది. జయరాంపై విషప్రయోగం జరిగినట్లుగా పోలీసులు అనుమానిస్తున్నారు. జయరాం తలపై ఉన్న బ్లడ్‌ అతని ముక్కు నుంచి వచ్చినట్లుగా గుర్తించారు. శరీరం రంగుమారడంతో జయరాంపై విషప్రయోగం జరిగినట్లుగా పోలీసులు అనుమానిస్తున్నారు.

ఇంకా చదవండి19 Days Ago
వాతావరణంలో అనూహ్య మార్పులకు కారణం?

అకాల వర్షాలు తెలుగు రాష్ట్రాలపై తీవ్ర ప్రభావాన్ని చూపుతున్నాయి. ఎడతెరపి లేకుండా కురుస్తున్న వర్షాల కారణంగా ఉష్ణోగ్రతలు కనిష్ఠ స్థాయికి పడిపోయాయి. దీంతో తెలుగు రాష్ట్రాలను చలి గాలులు వణికిస్తున్నాయి.  

తెలుగు రాష్ట్రాలను చలి గాలులు వణికిస్తున్నాయి. ప్రజలు ఇటీవల కాలంలో ఎన్నడూ లేనంతగా అతిశీతల ప్రభావాన్ని చవిచూస్తున్నారు. శీతాకాలం అంటే సహజంగా రాత్రి వేళ చలి వణికిస్తుంది. పగటి ఉష్ణోగ్రతలు సాధారణంగా ఉంటాయి. కానీ కొన్నాళ్లుగా రాత్రే కాదు పగలు కూడా చలి వెంటాడుతోంది. ఇకపోతే, ఎడతెరపి లేకుండా కురిసిన అకాల వర్షం కారణంగా చలి తీవ్రత మరింత పెరిగింది. దీంతో చలికి భయపడి ప్రజలు రోడ్లపైకి రావడం లేదు. వెచ్చని వాతావరణం కోసం ప్రత్యామ్నాయ మార్గాలవైపు దృష్టి సారిస్తున్నారు.  

సాధారణంగా ఆకాశం నిర్మలంగా ఉంటే సూర్య కిరణాలు నేరుగా భూమిని తాకుతాయి. అందువల్ల పగటి వేళ ఎండ ప్రభావం ఉండడంతో చలి తీవ్రత కనిపించదు. కానీ, పగలు పొగమంచు కూడా ఏర్పడటంతో ఈ మంచు సూర్యోదయం కాగానే పైకి చేరి తేలికపాటి మేఘాలుగా ఏర్పడుతోంది. దీంతో సూర్యరశ్మి భూమికి అంతగా చేరడం లేదు. ఇలా వాతావరణంలో అనూహ్య మార్పులు చోటు చేసుకుంటున్నాయి. ఓవైపు చలి, మరోవైపు పొగమంచు, ఇంకొకవైపు వర్షంతో ప్రజలు తీవ్ర ఇబ్బందులు ఎదుర్కొంటున్నారు.  

అకాల వర్షాలతో ప్రజలు తీవ్ర ఇబ్బందులు ఎదుర్కొంటున్నారు. చలి తీవ్రత ఎక్కువగా ఉండటంతో పనులకు తీవ్ర అంతరాయం కలుగుతుందంటున్నారు. వర్షం కారణంగా రోడ్లపై నీరు చేరటంతో పాటు పోగమంచు కమ్మేయడంతో ట్రాఫిక్ జాం ఏర్పడింది.  

చలి తీవ్రత కాస్త తగ్గుముఖం పట్టే సమయంలో అకాల వర్షం కురిసి పరిస్థితి మరల మొదటికి తీసుకొచ్చింది. అయితే, చలికి వాధ్యులు కూడా త్వరగా వ్యాప్తిస్థాయని వైద్యులు చెబుతున్నారు. శరీరంలో ఏమైనా మార్పులు కనబడితే వెంటనే డాక్టరును సంప్రందించాలని సూచిస్తున్నారు.

ఇంకా చదవండి24 Days Ago
ప్రొటెం స్పీకర్‌గా ముంతాజ్ ఖాన్ ప్రమాణ స్వీకారం

ఎంఐఎం నేత ముంతాజ్ అహ్మద్ ఖాన్ తెలంగాణ ప్రొటెం స్పీకర్ గా ప్రమాణ స్వీకారం చేశారు. 1994లో తొలిసారి శాసన సభకు ఎన్నికైన ఖాన్ ఇప్పటి వరకు ఆరుసార్లు ఎమ్మెల్యేగా గెలిచి సీనియర్ల జాబితాలో చేరిపోయారు.  

ముంతాజ్ అహ్మద్ ఖాన్ తెలంగాణ ప్రొటెం స్పీకర్ గా ఎంపికకైన ఈయన వయస్సు 70ఏళ్లు. రెండు దశాబ్దాలుగా ఎంఐఎం పార్టీలో క్రియా శీలకంగా పని చేస్తున్న ముంతాజ్ అహ్మద్ ఖాన్ 1994లో యాకుత్ పుర నుంచి తొలిసారి ఎమ్మెల్యేగా ఎన్నికయ్యారు. అంతకు ముందునుంచే రాజకీయాల్లో ఉన్నా 1994లో తొలిసారి ఎంఐఎం పార్టీ నుంచి పోటీ చేసే అవకాశం లభించింది. దీంతో అహ్మద్ ఖాన్ బరిలో నిలిచి విజయం సాధించారు. అప్పటి నుంచి జరిగిన ఎన్నికల్లో వరుసగా గెలుచుకుంటూ వచ్చారు. ఇలా 1994నుంచి 2014ఎన్నికల వరకు ఖాన్ యాకుత్ పుర నుంచే బరిలో నిలిచి గెలిచారు. 2014లో తెలంగాణ రాష్ట్రంలో జరిగిన తొలి ఎన్నికల్లో ఆయన 62 వేల 3910 ఓట్లు సాధించి సమీప బీజేపీ అభ్యర్థి రూప్ రాజ్ పై విజయకేతనం ఎగురవేశారు.  

మొదట్నుంచి యాకుత్ పుర నియోజకవర్గం నుంచే ప్రాతినిధ్యం వహించిన అహ్మద్ ఖాన్ మొన్న జరిగిన అసెంబ్లీ ఎన్నికల్లో మాత్రం చార్మినార్ నుంచి బరిలో దిగారు. పార్టీ ఆదేశాల మేరకు నియోజకవర్గాన్ని మార్చుకున్న ఖాన్ 69వేల 595ఓట్లు సంపాదించి సమీప టీఆర్ఎస్ అభ్యర్థి సామ సుందర్ రెడ్డిపై విజయం సాధించారు. ఈ గెలుపుతో ఖాన్ మొత్తం ఆరుసార్లు ఎమ్మెల్యేగా ఎన్నికైన నేతగా సీనియర్ల జాబితాలో చేరిపోయారు.  

తెలంగాణ అసెంబ్లీ సమావేశాల నేపథ్యంలో ముంతాజ్ అహ్మద్ ఖాన్ ప్రొటెం స్పీకర్ గా ఎంపికకాబడ్డారు. సాధారణంగా ప్రొటెం స్పీకర్ ఎంపికకు ఒక స్పష్టమైన విధానం ఉంటుంది. అసెంబ్లీలో సభానాయకుణ్ని మినహాయించి మిగితా సభ్యుల్లో ఎవరు ఎక్కువసార్లు, వరుసగా అసెంబ్లీకి ప్రాతినిథ్యం వహించి ఉంటారో వారికే ప్రొటెం స్పీకర్‌గా అవకాశం లభిస్తుంది. ప్రస్తుత అసెంబ్లీలో సీఎం కేసీఆర్‌ను మినహాయిస్తే వరుసగా ఆరుసార్లు గెలిచిన ఎమ్మెల్యేగా, సీనియర్‌గా అహ్మద్ ఖాన్ ఉన్నారు. అందుకే ఆయనకు ప్రొటెం స్పీకర్ గా అవకాశం లభించింది.  

ప్రొటెం స్పీకర్ గా ఎంపిక కావడం పట్ల ఖాన్ ఆనందం వ్యక్తం చేశారు. అదేవిధంగా తమ పార్టీకి చెందిన ఎమ్మెల్యేను ప్రొటెం స్పీకర్‌గా ఎంపిక చేసినందుకు ఎంఐఎం అధినేత అసదుద్దీన్ ఓవైసీ సీఎం కేసీఆర్‌కు కృతజ్ఞతలు తెలిపారు.

ఇంకా చదవండి36 Days Ago
చారిత్రాత్మక బిల్లుకు పార్లమెంట్ ఆమోదం

చారిత్రాత్మక 124వ రాజ్యాంగ సవరణ బిల్లుకు రాజ్యసభ ఆమోదం తెలిపింది. విపక్షాల సూచించిన సవరణ ప్రతిపాదనలు వీగిపోవడంతో లోక్‌సభ ఆమోదం పొందిన బిల్లు రాజ్యసభలోనూ యథావిధిగా ఆమోదం పొందింది. ఈబీసీ బిల్లుకు పెద్దలసభలో మూడింట రెండొంతులపైగా సభ్యులు మద్దతిచ్చారు. సభకు మొత్తం 172 మంది సభ్యులు హాజరవగా 165 మంది బిల్లుకు మద్దతు తెలిపారు. కేవలం ఏడుగురు మాత్రమే వ్యతిరేకంగా ఓటువేశారు.  

ఆర్థికంగా బలహీన వర్గాలకు 10 శాతం రిజర్వేషన్ బిల్లు త్వరలోనే చట్టరూపం దాల్చనుంది. చారిత్రాత్మక 124వ రాజ్యాంగ సవరణ బిల్లుకు రాజ్యసభ ఆమోదం తెలిపింది. విపక్షాల సూచించిన సవరణ ప్రతిపాదనలు వీగిపోవడంతో.. లోక్‌సభ ఆమోదం పొందిన బిల్లు రాజ్యసభలోనూ యథావిధిగా ఆమోదం పొందింది. ఈబీసీ బిల్లు చట్టబద్ధత కోసం ఆర్టికల్ 15, 16లకు కేంద్రం అదనపు క్లాజ్‌లను జోడించింది. ఆర్టికల్ 15కి క్లాజ్ (6), ఆర్టికల్ 16కి క్లాజ్ (6)ని జోడించింది. ఈబీసీ బిల్లుకు పెద్దలసభలో మూడింట రెండొంతులపైగా సభ్యులు మద్దతిచ్చారు. సభకు మొత్తం 172 మంది సభ్యులు హాజరవగా 165 మంది బిల్లుకు మద్దతు తెలిపారు. కేవలం ఏడుగురు మాత్రమే వ్యతిరేకంగా ఓటువేశారు. దాంతో ఈబీసీ బిల్లు పాసైందని డిప్యూటీ చైర్మన్ హరివంశ్ నారాయణ్ ప్రకటించారు.  

ఈబీసీ బిల్లును సెలెక్ట్ కమిటీకి పంపాలని కాంగ్రెస్, డీఎంకే పార్టీలు ప్రతిపాదించాయి. ఆ ప్రతిపాదనపై సభలో డిప్యూటీ ఛైర్మన్ ఓటింగ్ చేపట్టారు. కేవలం 18 మంది మాత్రమే ఓటు వేయడంతో..ఆ ప్రతిపాదన వీగిపోయింది. ప్రైవేట్ రంగంలో రిజర్వేషన్ వర్తింపజేయాలన్న సవరణ ప్రతిపాదనను రాజ్యసభ తిరస్కరించింది. వీటితో పాటు మరికొన్ని సవరణ ప్రతిపాదనలు సైతం వీగిపోయాయి.  

సార్వత్రిక ఎన్నికలకు ముందు మోదీ సర్కార్ తీసుకున్న కీలకమైన రాజకీయ అంశానికి పార్టీలకు అతీతంగా మద్దతు లభించింది. బిల్లు ఆమోదానికి అవసరమైన మూడింట రెండొంతుల ఆధిక్యాన్ని మించిన మద్దతును ప్రభుత్వం కూడగట్టగలిగింది. బిల్లుకు పార్లమెంట్ ఆమోదం తెలపడంతో చట్టం చేసి రాష్ట్రపతి ఆమోదానికి పంపించనున్నారు. రాష్ట్రపతి ఆమోదంతో త్వరలోనే చట్టం రూపంలో అమల్లోకి రానుంది.  

న్యాయ సమీక్షలో ఈ బిల్లు నిలబడదని లోక్ సభలో మాదిరిగానే.. రాజ్యసభలోనూ పలువురు ఎంపీలు అభిప్రాయపడ్డారు. అయితే.. అగ్రవర్ణాల్లో పేదలకు రిజర్వేషన్‌ కల్పించడానికి తాము వ్యతిరేకం కాదని స్పష్టం చేశారు.  

సుప్రీంకోర్టు ఈ బిల్లును అంగీకరిస్తుందని తాము నమ్మకంతో ఉన్నట్లు అధికార బీజేపీ ఎంపీలు తెలిపారు. సంశయాలకు ఎంతమాత్రం ఆస్కారం లేదని చెప్పారు. దేశ ప్రయోజనాల దృష్ట్యా ప్రభుత్వం ఈ చరిత్రాత్మక నిర్ణయం తీసుకుందని.. మతాలకు అతీతంగా అందరికీ రిజర్వేషన్‌ ప్రయోజనం సిద్ధిస్తుందని స్పష్టం చేశారు.  

బిల్లు ఆమోదం పొందిన తర్వాత పెద్దల సభ నిరవధికంగా వాయిదా పడింది. అగ్రవర్ణాల్లో ఆర్థికంగా వెనుకబడిన వారికి విద్య, ఉద్యోగ రంగాల్లో 10% రిజర్వేషన్లు కల్పించాలని ప్రతిపాదిస్తూ కేంద్ర ప్రభుత్వం ఈ చరిత్రాత్మక బిల్లును రూపొందించింది.

ఇంకా చదవండి42 Days Ago
లోక్ సభలో ఈ బిల్లు ఆమోదం పొందుతుందా?

అగ్ర వర్ణ పేదలకు రిజర్వేషన్లపై రాజ్యాంగ సవరణకు వీలుగా లోక్ సభలో కేంద్రం బిల్లును ప్రవేశపెట్టింది. సామాజిక న్యాయశాఖ మంత్రి థావర్ చాంద్ గెహ్లాట్ లోక్‌స‌భ‌లో బిల్లును ప్ర‌వేశ‌పెట్టారు. మధ్యాహ్నం 5 గంటలకు బిల్లుపై చర్చ జరిగే అవకాశం ఉంది. జ‌న‌ర‌ల్ క్యాట‌గిరీలో అగ్ర‌కులాల‌కు మోదీ స‌ర్కార్ ప‌ది శాతం కోటా ఇవ్వాల‌ని నిర్ణయించింది. రాజ్యాంగ సవరణ బిల్లు ఆమోదం పొందాలంటే పార్లమెంటులో మూడింట రెండొంతుల మెజారిటీ అవసరం.  

అయితే, రాజ్యసభలో బీజేపీకి పూర్తి మెజారిటీ లేదు. దాంతో, అగ్రవర్ణ పేదల కోటాకు ప్రతిపక్ష పార్టీలు కూడా సహకరిస్తాయని బీజేపీ అంచనా వేస్తోంది అయితే బిల్లుకు వ్యతిరేకం కాదంటూనే విపక్షాలు ఎలాంటి అధ్యాయనం లేకుండా అంగీకరించేదిలేదంటూ తెగేసి చెతున్నాయి. ఈనేపథ్యంలో నేడు లోక్ సభలో బిల్లు ఆమోదం పొందితేనే.. బిల్లు రేపు రాజ్యసభకు వెళుతుంది. నిజానికి పార్లమెంట్ శీతాకాల సమావేశాలు ఇవాళ్టితో ముగియాల్సిఉన్నాయి. అయితే అగ్రవర్ణాలకు రిజర్వేషన్ల అంశంపై రాజ్యాంగ సవరణ బిల్లు ఆమోదం పొందాల్సి ఉన్న నేపథ్యంలో రాజ్యసభ కార్యకలాపాలను ప్రభుత్వం మరో రోజు పొడిగించింది. కాగా.. విపక్షాల ఆంక్షల నేపథ్యంలో ఇవాళ లోక్ సభలో బిల్లు ఆమోదం పొందుతుందా లేదా అన్న ఉత్కంఠ నెలకొంది. ఒకవేళ లోక్ సభ ఆమోదం పొందినా.. అధికార బీజేపీకి పూర్తి మెజారిటీలేని రాజ్యసభలో పరిస్థితి ఏంటన్నది ఆసక్తికరంగా మారింది.  

ఇప్పటివరకు ఆర్థికంగా వెనుకబడినప్పటికీ జనరల్ క్యాటగిరీ అభ్యర్థులకు ప్రభుత్వ ఉద్యోగాల్లో రిజర్వేషన్లు లేవు. దీంతో రిజర్వేషన్ల అమలు కోసం అగ్రవర్ణాల్లోని పేదలు చాలా ఏళ్లుగా డిమాండ్ చేస్తున్నారు. పార్లమెంట్ ఉభయససభల్లో రాజ్యాంగ సవరణకు బిల్లు ఆమోదం పొందితే.. అన్నీ మతాల్లో అగ్రవర్ణాలకు పదిశాతం రిజర్వేషన్లు అమలు కానున్నాయి. వార్షికాదాయం 8లక్షల లోపు ఉన్నవారు ఈ కోటా పరిధిలోకి వస్తారు. అయితే కేంద్రప్రభుత్వ ఉద్యోగులు, విద్యాసంస్థల్లో మాత్రమే రిజర్వేషన్ల అమలు ఉంటుంది. రాష్ట్ర ప్రభుత్వాల పరిధిలో రిజర్వేషన్లు అమలు కావాలంటే.. ఆయా ప్రభుత్వాలు దీనిని అడాప్ట్ చేసుకోవాల్సి ఉంటుంది.

ఇంకా చదవండి44 Days Ago
మరింత +