ముఖ్యాంశాలు

  • Congress MLC Jeevan Reddy fire on Election Commissioner over case on EVM stories

    EVMల మీద వార్తలు రాసిన రిపోర్టర్ల మీద కేసులా?

  • Major chaos at BJP presser in Delhi; shoe hurled at MP GVL Narasimha Rao; suspect detained

    బీజేపీ ఎంపీపై బూటు విసిరిన వ్యక్తి అరెస్ట్

  • Sunrisers Hyderabad beat CSK by six wickets

    సన్ రైజర్స్ ఖాతాలో నాలుగో విజయం

  • Telangana Congress preparing for Local Body polls

    స్థానిక సంస్థల ఎన్నికలకు రెఢీ అవుతున్న టీకాంగ్రెస్

  • Rajinikanth, Kamal Hassan, Nirmala Sitharaman and others cast votes in Lok Sabha polls

    ఓటు వేసిన తమిళ సెలబ్రిటీలు

తాజా వార్తలు

మరింత +
Major chaos at BJP presser in Delhi; shoe hurled at MP GVL Narasimha Rao; suspect detained బీజేపీ ఎంపీపై బూటు విసిరిన వ్యక్తి అరెస్ట్

బీజేపీ అధికార ప్రతినిధి, రాజ్యసభ సభ్యుడు జీవీఎల్‌కు చేదు అనుభవం ఎదురైంది. ఢిల్లీలోని బీజేపీ కేంద్ర కార్యాలయంలో జీవీఎల్ మీడియా సమావేశం నిర్వహిస్తుండగా, అనూహ్య సంఘటన చోటుచేసుకుంది. జీవీఎల్ మీడియాతో మాట్లాడుతుండగానే ఓ వ్యక్తి ఆయన పై చెప్పును విసిరాడు. వెంటనే అప్రమత్తమైన బీజేపీ కార్యకర్తలు, పోలీసులు అతన్ని అదుపులోకి తీసుకున్నారు. కాగా, జీవీఎల్ పై చెప్పు విసిరిన వ్యక్తిని యూపీలోని కాన్పూర్ కు చెందిన శక్తి భార్గవగా పోలీసులు గుర్తించారు.

Maoists Kill Poll Panel Official In Odisha Ahead Of Second Phase Of Polls ఒడిస్సాలో పోల్ సిబ్బంది వాహనం పేల్చివేత

ఒడిస్సాలోని కధమాల్ అటవీప్రాంతంలో మావోయిస్టులు మరోమారు రెచ్చిపోయారు. పోలింగ్ సిబ్బందే లక్ష్యంగా మావోయిస్టులు మందుపాతర పేల్చారు. ఈ దాడిలో పోలింగ్ ఏజెంట్ స్జుక్తా దిగల్ మృతి చెందగా, పలువురికి గాయాలయ్యాయి. దీంతో అప్రమత్తమైన భద్రతాబలగాలు కూంబింగ్ ఆపరేషన్‌ను విస్తృతం చేశాయి. అటవీ ప్రాంతాల్లో మావోయిస్టుల దాడులతో ప్రజలు భయాందోళనకు గురవుతున్నారు.

Police force deployed in large number at Manda Krishna Madiga house in Amberpet మందకృష్ణ మాదిగ హౌస్ అరెస్ట్

ఎమ్మార్పీఎస్ అధ్యక్షులు మందకృష్ణ మాదిగను హౌస్ అరెస్ట్ చేశారు పోలీసులు. అంబర్‌పేటలోని డీడీ కాలనీలో ఆయన నివాసం ముందు భారీగా పోలీసులు మోహరించారు. మందకృష్ణ మాదిగ అరెస్ట్‌ను ఎమ్మార్పీఎస్ నేతలు తీవ్రంగా తప్పుబడుతున్నారు. తెలంగాణలో ప్రజాస్వామ్యం ఖూనీ అవుతుందోని ఆందోళన వ్యక్తం చేస్తున్నారు. సీఎం కేసీఆర్ నియంతల వ్యవహరిస్తున్నారని మండిపడుతున్నారు. అంబేద్కర్‌ విగ్రహానికి జరిగిన అవమానికి నిరసనగా ఈ నెల 22 వరకు గ్రామపంచాయతీలు, అంబేడ్కర్‌ విగ్రహాల వద్ద నిరసన కార్యక్రమం చేపడతామని మందకృష్ణ తెలిపారు. దీంతో పోలీసులు ఆయనను ఇంటి నుంచి బయటికి రాకుండా నిర్భందించారు.

రీల్ న్యూస్

మరింత +
Rajinikanth, Kamal Hassan, Nirmala Sitharaman and others cast votes in Lok Sabha polls ఓటు వేసిన తమిళ సెలబ్రిటీలు

నేడు రెండోదశ లోకసభ ఎన్నికలు కొనసాగుతున్నాయి. 11 రాష్ట్రాలు, ఒక కేంద్ర పాలిత ప్రాంతంలోని 95 లోక్‌సభ స్థానాలకు ఎన్నికలు జరుగుతున్నాయి. ప‌లువురు రాజ‌కీయ నాయ‌కులు, సెల‌బ్రిటీలు త‌మ ఓటు హ‌క్కు వినియోగించుకుంటున్నారు. సూప‌ర్ స్టార్ ర‌జ‌నీకాంత్ చెన్నైలోని స్టెల్లా మేరిస్ కాలేజ్‌లో ఏర్పాటు చేసిన పోలింగ్ బూత్‌లో ఓటు వేశారు. అజిత్‌, అరుణ్‌ విజయ్‌, మ‌క్క‌ల్ నీది మ‌య్య‌మ్ పార్టీ అధ్యక్షుడు క‌మ‌ల్ హాస‌న్, శృతి హాస‌న్‌తో క‌లిసి ఆల్వార్ పేట కార్పోరేష‌న్ స్కూల్‌లో ఏర్పాటు చేసిన పోలింగ్ బూత్‌లో ఓటు వేశారు. తమిళనాడులోని 38 లోక్‌సభ సీట్లతోపాటు 18 అసెంబ్లీ స్థానాలకు ఉప ఎన్నికలు నిర్వహిస్తున్నారు. ఆ రాష్ట్రంలో లోక్‌సభ బరిలో 822 మంది అభ్యర్థులు ఉండగా, అసెంబ్లీలో ప్రవేశించేందుకు 269 మంది పోటీ పడుతున్నారు. సుమారు  6 కోట్ల మంది తమిళులు తమ ఓటు హక్కును వినియోగించుకోనున్నారు.

Tollywood Celebs casts vote at Jubileehills in Hyderabad ఓటు హక్కు వినియోగించుకున్న సినీ సెలబ్రిటీలు

హైదరాబాద్ లో సినీ హీరోలు అల్లు అర్జున్, జూనియర్ ఎన్టీఆర్ తమ ఓటు హక్కును వినియోగించుకున్నారు. అందరితో పాటే క్యూ లైన్లో నిలబడ్డారు. ఇటు సినీ నటుడు.. చిరంజీవి కుటుంబ సభ్యులు తమ ఓటు హక్కును వినియోగించుకున్నారు. చిరంజీవి, రామ్‌చరణ్‌, సురేఖ, ఉపాసనలు జూబ్లీహిల్స్ క్లబ్‌లో ఓటు వేశారు.

Top Court Won't Stop PM Modi Biopic Release: 'Time Wasted On Non-Issues' says SC ఏప్రిల్ 11న నరేంద్రమోడీ బయోపిక్ మూవీ రిలీజ్!

ప్రధాని నరేంద్ర మోడీ బయోపిక్ మూవీ విడుదలకు లైన్ క్లియర్ అయింది. ఈనెల 11న ఈ మూవీ విడుదల కానుంది. అయితే ఎన్నికల సమయంలో ఓటర్లను ప్రభావితం చేసే అవకాశం ఉందని కాంగ్రెస్‌, విపక్షాలు ఈసీకి ఫిర్యాదు చేశాయి. ఈ చిత్రాన్ని ఇప్పుడు విడుదల చేయడం ఎన్నికల నియమావళి ఉల్లంఘన కిందికి వస్తుందంటూ ఆరోపించాయి. నరేంద్ర మోడీ సినిమాను విడుదల చేయకుండా ఆపాలంటూ సుప్రీంలో పిటిషన్‌ దాఖలు చేశారు. సెన్సార్‌ బోర్డు నుంచి సర్టిఫికేట్‌ రానందున విడుదలను వాయిదా వేయలేమని వెల్లడించింది. సినిమా ఎన్నికల నియమావళిని ఉల్లంఘించిందా? లేదా? అన్నది కేంద్ర ఎన్నికల కమిషన్‌ చూసుకుంటుందని కోర్టు తెలిపింది. ఒమంగ్‌ కుమార్‌ దర్శకత్వం వహించిన ఈ చిత్రంలో మోడీ పాత్రలో బాలీవుడ్‌ నటుడు వివేక్‌ ఒబెరాయ్‌ నటించిన విషయం తెలిసిందే. దీనిపై జస్టిస్‌ ఎస్‌ఏ బోబ్డేతో కూడిన ధర్మాసనం ఏప్రిల్ 8న విచారణ చేపట్టి ఈరోజు తీర్పును వెలువరించింది. ఈ నెల 11న సినిమా విడుదల కానుంది.

జాతీయ వార్తలు

మరింత +
TIME's 100 most influential people is out: Mukesh Ambani is in the list ముకేశ్‌ అంబానీకి అరుదైన గౌరవం

రిలయన్స్‌ ఇండస్ట్రీస్‌ ఛైర్మన్‌ ముకేశ్‌ అంబానీకి అరుదైనా గౌరవం దక్కింది. ప్రపంచవ్యాప్తంగా టైమ్స్ మ్యాగజైన్ ప్రతిష్టాత్మకంగా వెలువరించే వందమంది అత్యంత ప్రభావశీలుర జాబితాలో చోటు దక్కించుకున్నారు. భారత్ నుంచి ఎంపికైనా ఏకైక భారతీయ పారిశ్రామికవేత్తగా ముకేశ్‌ నిలిచారు. ప్రపంచవ్యాప్తంగా అత్యంత ప్రభావశీలురైన మార్గదర్శకులు, నాయకులు, దిగ్గజాలు, కళాకారులు, ఐకాన్లతో కూడిన 2019 జాబితాను టైమ్‌ మ్యాగజైన్‌ వెల్లడించింది. ‘ఎల్‌జీబీటీక్యూ’ల హక్కుల కోసం పోరాడిన న్యాయవాదులు అరుంధతి కట్జు, మేనక గురుస్వామి కూడా జాబితాలో చోటు దక్కించుకున్నారు. ఈ జాబితాలో అమెరికా కమెడియన్‌, టీవీ వ్యాఖ్యాత హసన్‌ మిన్హాజ్‌, అమెరికా అధ్యక్షుడు డొనాల్డ్‌ ట్రంప్‌, పోప్‌ ఫ్రాన్సిస్‌, చైనా అధ్యక్షుడు జిన్‌పింగ్‌, పాక్‌ ప్రధాని ఇమ్రాన్‌ఖాన్‌, ప్రముఖ గోల్ఫ్‌ క్రీడాకారుడు టైగర్‌వుడ్స్‌, ఫేస్‌బుక్‌ వ్యవస్థాపకుడు మార్క్‌ జుకర్‌బర్గ్‌ తదితరులు జాబితాలో ఉన్నారు.

Lok Sabha polls: 11 states, 1 UT to vote in second phase today 95 నియోజకవర్గాల్లో మొదలైన రెండోదశ పోలింగ్

సార్వత్రిక ఎన్నికల రెండో దశ పోలింగ్ కొనసాగుతోంది. దేశంలోని 11 రాష్ట్రాలు, ఒక కేంద్ర పాలిత ప్రాంతంలో ఉన్న 95 నియోజకవర్గాల్లో ఓటింగ్ జరుగుతోంది. ఉదయం 7 గంటలకు ప్రారంభమైన ఈ పోలింగ్‌ సాయంత్రం 5 గంటల వరకు కొనసాగనుంది. మావోయిస్టు ప్రభావిత ప్రాంతాల్లో 4 గంటలకే ముగియనుంది. మొత్తం 1,611 మంది అభ్యర్థులు ఎన్నికల బరిలో ఉన్నారు. 15.52 కోట్ల మంది ఓటర్లు ఓటింగ్‌లో పాల్గొననున్నారు. వీరిలో పురుష ఓటర్లు 7.89 కోట్లు, మహిళా ఓటర్లు 7.63 కోట్లు.  

తమిళనాడు-38, కర్ణాటక-14, మహారాష్ట్ర-10, ఉత్తరప్రదేశ్-8, అసోం, బిహార్, ఒడిశాల్లో 5 సీట్ల చొప్పున, ఛత్తీస్‌గఢ్, పశ్చిమ బెంగాల్‌లో 3 సీట్ల చొప్పున, జమ్ముకశ్మీర్‌లో 2 సీట్లు, మణిపూర్, పుదుచ్చేరిలో ఒక్కో సీటుకు పోలింగ్ జరుగుతుంది. దీంతో పాటు ఓడిశాలో 35 శాసనసభ స్థానాలకు, తమిళనాడులో ఖాళీగా ఉన్న 18 శాసనసభ స్థానాలకు, పుదుచ్చేరిలో ఒక శాసనసభ స్థానానికి పోలింగ్ జరుగుతోంది.  

తమిళనాడులోని వేలూరు నియోజకవర్గం ఎన్నిక రద్దవడం, త్రిపురలోని త్రిపుర-తూర్పు లోక్‌సభ స్థానం ఎన్నిక మూడో దశకు వాయిదా పడడంతో రెండు స్థానాలు తగ్గాయి. కేంద్ర మంత్రులు జితేంద్రసింగ్‌, జ్యుయల్‌ ఓరం, సదానందగౌడ, పొన్‌ రాధాకృష్ణన్‌, మాజీ ప్రధానమంత్రి దేవేగౌడ, డీఎంకే నేతలు దయానిధి మారన్‌, ఎ.రాజా, కనిమొళి తదితరులు రెండో దశలో బరిలో నిలిచిన ప్రముఖుల్లో ఉన్నారు.

SC stay on ban, government asks Apple and Google to take down TikTok app టిక్‌ టాక్‌ యాప్‌ను ప్లేస్టోర్ల నుంచి తొలగించాలి

టిక్‌ టాక్‌ యాప్‌ను ప్లేస్టోర్ల నుంచి తొలగించాలని కేంద్ర ఎలక్ట్రానిక్స్‌ అండ్‌ ఇన్ఫర్మేషన్‌ టెక్నాలజీ మంత్రిత్వ శాఖ గూగుల్‌, యాపిల్‌ సంస్థలను ఆదేశించింది. చైనాకు చెందిన ఈ వీడియో షేరింగ్‌ యాప్‌పై సర్వత్రా అభ్యంతరం వ్యక్తం అవుతున్న విషయం తెలిసిందే. దీంతో దీన్ని నిషేధించేలా ఆదేశాలు జారీ చేయాలంటూ మదురైకి చెందిన సీనియర్‌ న్యాయవాది మద్రాసు హైకోర్టులో వ్యాజ్యం దాఖలు చేశారు. దీనిపై విచారణ చేపట్టిన న్యాయస్థానం టిక్‌టాక్‌పై నిషేధం విధించాలని కేంద్రాన్ని ఆదేశించింది. ఈ యాప్‌ ద్వారా రూపొందించిన వీడియోలను ప్రసారం చేయరాదని మీడియాకు సూచించింది. చిన్న పిల్లలు సైబర్‌ నేరగాళ్ల బారిన పడకుండా తీసుకోవాల్సిన చర్యలపై ఏప్రిల్‌ 16లోగా స్పందన తెలియజేయాలని కేంద్ర ప్రభుత్వానికి ఆదేశాలు జారీ చేసింది. కోర్టు తీర్పు మేరకు చర్యలకు ఉపక్రమించిన ప్రభుత్వం తాజా ఆదేశాలను జారీ చేసింది. 

మద్రాసు హైకోర్టు తీర్పుపై స్టే విధించాలంటూ టిక్‌ టాక్‌ సంస్థ సుప్రీం కోర్టును ఆశ్రయించింది. దీనిపై విచారణ చేపట్టిన కోర్టు స్టేకు నిరాకరించింది. దీనిపై తదుపరి విచారణను ఏప్రిల్‌ 22న జరుపుతామని తెలిపింది. థర్డ్‌ పార్టీ అప్‌లోడ్‌ చేసే వీడియోలకు తమల్ని బాధ్యులని చేయడం సబబు కాదని టిక్‌టాక్‌ వివరించినట్లు సమాచారం. యువతకు ఆకట్టుకునే ఫీచర్లతో మార్కెట్లోకి వచ్చిన ఈ యాప్‌ అనతి కాలంలోనే ఎంతో ఆదరణ పొందింది. దీని వల్ల పిల్లల్లో పెడధోరణులు పెరిగిపోతున్నాయని దేశవ్యాప్తంగా నిరసనలు వెల్లువెత్తుతున్న విషయం తెలిసిందే.

క్రీడా వార్తలు

మరింత +
Sunrisers Hyderabad beat CSK by six wickets సన్ రైజర్స్ ఖాతాలో నాలుగో విజయం

ఓపెనర్లు డేవిడ్‌ వార్నర్‌, జానీ బెయిర్‌స్టో అర్ధ సెంచరీలతో చెలరేగిన వేళ.. సన్‌రైజర్స్‌ మళ్లీ గెలుపు బాట పట్టింది. ఉప్పల్‌ స్టేడియంలో ఏకపక్షంగా సాగిన మ్యాచ్‌లో సన్‌రైజర్స్‌ ఏడు వికెట్ల తేడాతో చెన్నైని చిత్తు చేసింది. టాస్‌ గెలిచి మొదట బ్యాటింగ్‌ చేసిన చెన్నై 20 ఓవర్లలో 5 వికెట్లకు 132 పరుగులే చేయగలిగింది. ధోని లేని చెన్నై జట్టుకి సన్‌రైజర్స్‌ బౌలర్లు సమర్థంగా అడ్డుకట్ట వేశారు. అనంతరం సన్‌రైజర్స్‌ మరో 19 బంతులు మిగిలివుండగానే 4 వికెట్లు కోల్పోయి లక్ష్యాన్ని ఛేదించింది. 8 మ్యాచ్‌లాడిన సన్‌రైజర్స్‌కు ఇది నాలుగో విజయం కాగా.. తొమ్మిది మ్యాచ్‌ల్లో చెన్నైకిది రెండో ఓటమి మాత్రమే.

BCCI to announce India squad for ICC World Cup 2019 at 3 pm వరల్డ్ కప్ 2019: ఇండియా స్క్వాడ్ అవుట్ at 3pm

ప్రపంచకప్‌ కోసం భారత జట్టు ఎంపిక కోసం ఎమ్మెస్కే ప్రసాద్‌ నేతృత్వంలోని భారత సీనియర్‌ సెలక్షన్‌ కమిటీ కుస్తీ పడుతోంది. ముంబైలో సమావేశమై జట్టును ఎంపిక చేయనుంది. ఇవాళ రాయల్‌ ఛాలెంజర్స్‌ బెంగళూరు తరఫున ముంబైలో ఐపీఎల్‌ మ్యాచ్‌ ఆడబోతున్న టీమ్‌ఇండియా కెప్టెన్‌ విరాట్‌ కోహ్లితో పాటు కోచ్‌ రవిశాస్త్రి సైతం ఈ సమావేశంలో పాల్గొనే అవకాశాలున్నాయి. కొన్ని నెలల కిందటే ప్రపంచకప్‌ జట్టు ఖరారైనట్లుగా కనిపించింది కానీ చివరగా భారత్‌ ఆడిన రెండు మూడు సిరీస్‌ల్లో కొందరు ఆటగాళ్ల ప్రదర్శనలో నిలకడ లేకపోవడంతో మళ్లీ సందిగ్ధత నెలకొంది. వరల్డ్ కప్ భారత్ జట్టును బీసీసీఐ ఇవాళ సాయంత్రం 3 గంటలకు విడుదల చేస్తుంది.

Australia World Cup 2019 Squad: Steve Smith, David Warner Return As Big Names Miss Out ప్రపంచ కప్ జట్టును ప్రకటించిన ఆస్ట్రేలియా

ఇంగ్లండ్ అండ్ వేల్స్ వేదికగా జరగనున్న ఐసీసీ మెన్స్ వరల్డ్ కప్ కోసం ఆస్ట్రేలియా క్రికెట్ బోర్డు ఆదేశపు ప్రపంచకప్ జట్టును ఇవాళ ప్రకటించింది. మే 30 నుంచి జులై 14 వరకు అత్యంత ప్రతిష్టాత్మకంగా ప్రపంచకప్ ప్రారంభం కాబోతున్న విషయం తెలిసిందే. అందులో భాగంగా ఆస్ట్రేలియా జట్టులో మాజీ సారథి స్మిత్, వార్నర్‌లకు చోటు కల్పించారు. మార్చి 2018 నిషేధం అనంతరం వీరిద్దరిని  ఆసీస్ మేనేజ్‌మెంట్ మెగా టోర్నీకి ఎంపిక చేసింది. మొత్తం 15 మంది ఆటగాళ్ల జాబితాను ఆసీస్ ఇవాళ ప్రకటించింది. ఫాస్ట్‌బౌలర్ హేజిల్‌వుడ్‌ను పక్కన పెట్టేశారు. 

ప్రపంచకప్ పోటీలోఆడే ఆస్ట్రేలియా జట్టు ఇదే: అరోన్ ఫించ్(కెప్టెన్), డేవిడ్ వార్నర్, ఉస్మాన్ ఖవాజా, స్టీవ్ స్మిత్, షాన్ మార్ష్, అలెక్స్ కేరీ, మార్కస్ స్టాయినీస్, గ్లెన్ మాక్స్‌వెల్, మిచెల్ స్టార్క్, జే రిచర్డ్‌సన్, పాట్ కమిన్స్, బెహ్న్రెండార్ఫ్, నాథన్ కౌల్టర్ నైల్, ఆడం జంపా, నాథన్ లైయన్

అంతర్జాతీయం వార్తలు

మరింత +
PlayerUnknown’s Battlegrounds is now banned in Nepal పబ్‌జీ పై నిషేధం విధించిన నేపాల్ ప్రభుత్వం

ప్రముఖ ఆన్‌లైన్ గేమ్ పబ్‌జీ పై నేపాల్ ప్రభుత్వం నిషేధం విధించింది. ఈ మేరకు ఆ దేశ టెలికామ్ అథారిటీ డిప్యుటీ డైరెక్టర్ సందీప్ ప్రకటన విడుదల చేశారు. పబ్‌జీ వల్ల పిల్లలు, యువతపై చెడు ప్రభావం పడుతున్నట్లు గుర్తించామని ఆయన తెలిపారు. ఇక పై పబ‌్‌జీని అనుమతించకూడదని మొబైల్ ఆపరేటర్లను, ఇంటర్నెట్ సర్విస్ ప్రొవైడర్లను, నెట్‌వర్క్ ఆపరేటర్లను కోరినట్లు ఆయన వెల్లడించారు. కాగా, భారత దేశంలో కూడా గుజరాత్ సహా కొన్ని ప్రాంతాల్లో ఈ ఆటపై నిషేధం విధించారు.

16 Killed, 30 Injured In Bomb Blast At Pakistan Market పాకిస్థాన్‌లో బాంబు పేలి 16 మంది మృతి

పాకిస్థాన్‌ క్వెట్టాలో బాంబు పేలుడు కలకలం సృష్టించింది. హజార్‌గంజ్ సబ్జి మండిలో ఐఈడీ బాంబు పేలడంతో.. 16 మంది ప్రాణాలు కోల్పోయారు. పలువురికి త్రీవ గాయాలైయ్యాయి. దీంతో భయభ్రాంతులకు గురైన ప్రజలు అక్కడి నుంచి పరుగులు తీశారు. మృతులలో ఒకరు శాంతి భద్రతలు నిర్వహించే అధికారి ఉండగా.. మరో 8 మంది హజారా కమ్యూనిటీకి చెందిన వారు ఉన్నారు. సమాచారమందుకున్న భద్రతాసిబ్బంది, పోలీసులు సహాయకచర్యలు చేపట్టారు. క్షతగాత్రులను చికిత్స నిమిత్తం ఆస్పత్రికి తరలించారు. కూరగాయాలలో బాంబులు దాచి పేలుళ్లకు పాల్పడినట్లు అక్కడి పోలీసులు నిర్ధారించారు. ఈ ఘటనపై స్పందించిన పాక్ ప్రధాని ఇమ్రాన్ ఖాన్ తీవ్రంగా ఖండించారు.

Julian Assange: Wikileaks co-founder arrested in London జులియ‌న్ అసాంజేను అరెస్టు చేసిన బ్రిటీష్ కాప్

వికీలీక్స్ వ్య‌వ‌స్థాప‌కుడు జులియ‌న్ అసాంజేను బ్రిటీష్ పోలీసులు అరెస్టు చేశారు. లండ‌న్‌లోని ఈక్వెడార్ ఎంబ‌సీలో అత‌న్ని అదుపులోకి తీసుకున్నారు. అసాంజేకు ఉన్న‌ శ‌రణార్థి హోదాను వెన‌క్కి తీసుకున్నారు. దీంతో ఆయ‌న్ను అరెస్టు చేసిన‌ట్లు పోలీసులు చెప్పారు. లండ‌న్‌లోని ఈక్వెడార్ దౌత్య‌ కార్యాల‌యంలో అసాంజే 2012 నుంచి ఉంటున్నారు. అసాంజేను వెస్ట్‌మినిస్ట‌ర్ మెజిస్ట్రేట్ కోర్టు ముందు హాజ‌రుప‌ర‌చ‌నున్న‌ట్లు మెట్రోపాలిట‌న్ పోలీసులు చెప్పారు. అంత‌ర్జాతీయ నిబంధ‌న‌ల‌ను అసాంజే ఉల్లంఘించిన‌ట్లు ఆరోప‌ణ‌లు వ‌స్తున్నాయి. కాగా లైంగిక దాడి కేసులో అత‌న్ని అప్ప‌గించాల‌ని స్వీడ‌న్ డిమాండ్ చేస్తున్న‌ది.

డెస్క్ నుండి

స్థానిక సంస్థల ఎన్నికలకు రెఢీ అవుతున్న టీకాంగ్రెస్

లోకల్ వార్‌కు టీ కాంగ్ రెడీ అవుతోంది. గెలుపే లక్ష్యంగా పక్కా ప్లాన్‌తో ముందుకెళ్తోంది. అటు ఫిరాయింపులకు చెక్ పెట్టేందుకు స్కెచ్ వేస్తోంది. క్షేత్రస్థాయి నుంచి హస్తం హవా చాటాలని బావిస్తోంది.  

త్వరలో జరగనున్న స్థానిక సంస్థ‌ల ఎన్నిక‌ల‌పై చ‌ర్చించేందుకు గాంధీభ‌వ‌న్‌లో స‌మావేశ‌మైన కాంగ్రెస్ ముఖ్య‌నాయ‌కులు ప‌లు అంశాల‌పై చ‌ర్చించారు. పార్టీ రాష్ట్ర వ్య‌వ‌హారాల ఇంఛార్జి ఆర్సీ కుంతియా, పీసీసీ చీఫ్ ఉత్త‌మ్‌కుమార్ రెడ్డి, డీసీసీ అధ్య‌క్షుడు, జిల్లాల స‌మ‌న్వ‌యక‌ర్త‌లు ఈ సమవేశానికి హాజ‌ర‌య్యారు. అసలే ఫిరాయింపులతో స‌త‌మ‌త‌మవుతున్న కాంగ్రెస్ పార్టీ స్థానిక సంస్థల ఎన్నిక‌ల్లో కొత్త ఎత్తుగ‌డ‌ల‌తో ముందుకు వెళ్లాల‌ని భావిస్తోంది.  

అందుకే ఎంపీటీసీ, జ‌డ్పీటీసీ ఎన్నిక‌ల్లో హ‌స్తం గుర్తుతో గెలిచి పార్టీ ఫిరాయించ‌కుండా ఉండేందుకు పోటీ చేసే అభ్య‌ర్ధుల నుంచి ప్ర‌మాణ ప‌త్రాలు తీసుకోవాల‌న్న అంశంపై హస్తం నేతలు తీవ్రంగా చ‌ర్చిస్తున్నారు. ముఖ్యంగా అసెంబ్లీ ఎన్నికల తర్వాత పది మంది ఎమ్మెల్యేలు పార్టీ ఫిరాయించడంతో అలాంటి పరిస్థితులు పునరావృత్తం కాకుండా ముందస్తు జాగ్రత్తలు పాటించాలని పార్టీ నిర్ణయించింది. అందులో భాగంగానే ఎంపీటీసీ, ఇటు జ‌డ్పీటీసీ అభ్య‌ర్ధులు ప్రమాణ పత్రాలు ఇవ్వడంపై న్యాయపరమైన సలహాలు తీసుకోవాలని యోచిస్తున్నారు కాంగ్రెస్ నేతలు.  

స్థానిక సంస్థల ఎన్నికల్లో అభ్యర్ధుల ఎంపిక విషయంలో ప్రధానంగా సెలక్ట్, ఎలెక్ట్ విధానాన్ని పాటించనున్నట్లు కాంగ్రెస్ ప్రకటించింది. ఎంపీటీసీ, జడ్పీటీసీ అభ్యర్ధుల ఎంపిక పూర్తిక స్థానిక నేతలకే అప్పగించింది. పార్టీకి విధేయులుగా ఉండి, ప్రజాధరణ కలిగి గెలుపుకు అవకాశమున్న వారిని బరిలో దింపాలని డీసీసీలకు, జిల్లా సమన్వయకర్తలకు పీసీసీ ఆదేశించింది. స్థానిక సంస్థల ఎన్నికల్లో ప్రలోభాలను నియంత్రించేందుకు.. మండల అధ్య‌క్షుల‌ను, జిల్లా ప‌రిష‌త్తు ఛైర్మ‌న్ల‌ను నేరుగా ఎన్నుకునే విధానం ఉంటే బాగుంటుంద‌ని కాంగ్రెస్ అభిప్రాయ‌ప‌డింది. ఎన్నిక‌లు పూర్తయిన తర్వాత ఎంపీపీల‌ను, జ‌డ్పీ ఛైర్మ‌న్ల‌ను ఎన్నుకునే విధానం అమ‌లులో ఉన్నందున.. స్ప‌ష్ట‌త ఉన్న చోట్ల మాత్ర‌మే ఎంపీపీల అభ్య‌ర్దుల‌ను, జ‌డ్పీ ఛైర్మ‌న్ అభ్య‌ర్ధుల‌ను ముందస్తుగా పార్టీ ప్ర‌క‌టిస్తామ‌ని స్ప‌ష్టం చేసింది.  

ఓట‌ర్ల జాబితాలో మార్పులు, చేర్పుల‌కు రేపటి వ‌ర‌కు అవ‌కాశం ఉన్నందున పార్టీ శ్రేణులు అప్ర‌మ‌త్తంగా ఉండాలని పార్టీ రాష్ట్ర నాయకత్వం సూచించింది. ఓట్లు ఉన్నాయా..? లేవా..? అన్న‌ది తెలుసుకోవాల‌ని.. లేన‌ట్ల‌యితే ఓట్ల‌ను చేర్చుకునేందుకు అధికారుల‌ను వెంటనే సంప్ర‌దించాలన్నారు. ఈ ఎన్నిక‌ల‌ను ప్ర‌తిష్ఠాత్మ‌కంగా తీసుకున్న కాంగ్రెస్.. క్షేత్రస్థాయిలో స్థానిక నేతలను చురుగ్గా పాల్గొని పక్కా ప్రణాళికతో ముందుకు వెళ్లాలని పిలుపునిచ్చింది.  

మొత్తానికి నామినేషన్ గడవుకు రెండు, మూడు రోజుల ముందే అభ్యర్ధులను ప్రకటించి.. ప్రణాళిక బద్ధంగా ఎన్నికలకు వెళ్లాలని డీసీసీలకు పార్టీ ఆదేశించింది. గెలుపు గుర్రాలకే పార్టీ టికెట్లు కేటాయించాలని క్షేత్రస్థాయిలో పార్టీని బలోపేతం చేసి టీఆర్ఎస్‌కు స్కెచ్ పెట్టాలని సిద్ధమైంది. దీంతో స్థానిక సంస్థల ఎన్నికల్లో ఎలాంటి ఫలితాలు వస్తాయని రాజకీయ వర్గాల్లో ఆసక్తి రేపుతుంది.

ఇంకా చదవండి6 Days Ago
నివేదిక: చైనా కంటే భారత్ జనాభా పెరుగుదల రేటు అధికం

పెరుగుతున్న జనాభా ప్రపంచానికి పెనుసవాలుగా మారుతోంది. ఇబ్బడిముబ్బడిగా విస్తరిస్తున్న జనాభాకు చోటు కల్పించాలంటే మున్ముందు మరో భూగ్రహాన్ని వెదుక్కోక తప్పదని ఇటీవల ఓ అధ్యయనం హెచ్చరించింది. మరో 50ఏళ్లలో ప్రస్తుతం ఉన్న జనాభాకు మరో 300 కోట్లమంది జతపడతారన్నది తాజాగా అంచనా వేసింది. స్థలాల కొరతతోపాటు కూడు, గూడు తదితర మౌలిక సదుపాయాల కల్పన పలు దేశాలకు ఇప్పటికే తలకుమించిన భారమవుతోంది. తృతీయ ప్రపంచ దేశాల్లో కోట్ల సంఖ్యలో జనం ఆకలిబాధతో అలమటిస్తున్నారు.  

ఇక అధిక జనాభా ఉన్న దేశాలలో మొదటిస్థానంలో ఉన్న చైనాతో పోల్చితే.. గత తొమ్మిదేండ్లలో భారత జనాభా రెండింతలయ్యిందని యూనైటైడ్‌ నేషన్స్‌ పాపులేషన్‌ ఫండ్స్‌ నివేదిక వెల్లడించింది. 2010 నుంచి 2019 వరకు.. చైనాలో జనాభా 0.5 శాతం పెరిగితే, భారత్‌లో మాత్రం 1.2 శాతం పెరిగింది. ఈ అంశంలో ప్రపంచ సగటు 1.1శాతంగా ఉంది. 142 కోట్ల జనాభాతో చైనా ప్రపంచంలోనే ప్రథమస్థానంలో ఉండగా.. 136 కోట్ల మందితో భారత్ ద్వితీయస్థానంలో నిలిచింది. 1969లో 54.15 కోట్లుగా ఉన్న భారత్ జనాభా, 1994నాటికి 94.22 కోట్లుకు చేరింది. ఇదేకాలంలో చైనా జనాభా 80.36 కోట్ల నుంచి 123 కోట్లకు పెరిగింది. ప్రపంచ జనాభా 763 కోట్ల నుంచి 771 కోట్లకు పెరిగింది.  

కాగా, ఇండియాలో పెరుగుతున్న జనాభా పెరుగుదలకనుగుణంగా విద్య, యువతకు ఉద్యోగ, ఉపాధి అవకాశాలు కల్పించాలని నివేదిక సూచించింది. అలాగే వృద్ధులకు పింఛను, ప్రజలకు సంక్షేమ కార్యక్రమాలు రూపొందించకుంటే దేశంలో ఆర్థిక ఇబ్బందులు తలెత్తే అవకాశం ఉందని హెచ్చరించింది యూఎన్‌పీఎఫ్‌. ఇక భారత్‌లో 0-14, 10-24 ఏళ్ల వయస్కులు 27శాతం మంది ఉండగా.. 15-64 వయస్కులు 67శాతం మంది, 65 ఏళ్లు అంతకు మించి పైబడినవారు ఆరు శాతం ఉన్నారు. భారత్‌కు ఇది పెద్ద ఆర్ధిక భారం అనే చెబుతున్నారు విశ్లేషకులు.  

రోజూ ప్రపంచంవ్యాప్తంగా 500 మంది బాలికలు, మహిళలు గర్భధారణ, ప్రసవాల సమయంలో మృత్యువాడ పడుతున్నారు. భారత్‌లో 1994లో ప్రతి లక్ష మందిలో తల్లి మరణాల నిష్పత్తి 488 ఉండగా.. 2015 నాటికి 174కు తగ్గింది. భారత్‌లో 1976లో 'జనాభా నియంత్రణ విధానం' అమల్లోకి తీసుకువచ్చారు. కానీ ఈ విధానాల అమల్లో అక్రమాలు, నిర్లక్ష్యం, నిరాక్ష్యరాస్యత, మూఢనమ్మకాలు, బాల్య వివాహాలు, లైంగిక సంప్కరంలో అవగాహనలోపం వంటి కారణాలవల్ల జనాభా పెరుగుదలకు అడ్డుకట్ట వేయలేకపోతున్నాయి. ఈ కారణలు మహిళా సాధికారతకు కూడా ప్రధాన అడ్డంకిగా మారాయి.

ఇంకా చదవండి12 Days Ago
ఈ నెల20 తర్వాత ఎంపీటీసీ, జెడ్పీటీసీ ఎన్నికలు!

ఈ నెల 20 తర్వాత తెలంగాణ రాష్ట్రంలో ఏ క్షణమైన మండల, జిల్లా, మున్సిపాలిటీల ఎన్నికలకు నోటిఫికేషన్ విడుదలయ్యే అవకాశం ఉంది. ఇప్పటికే దాదాపు రిజర్వేషన్లను కూడా అధికారులు పూర్తి చేసారు. మే పదిహేనులోగా ఈ ఎన్నికలను పూర్తి చేయాలని రాష్ట్ర ప్రభుత్వం భావిస్తుంది. అయితే జడ్పీటీసీ,ఎంపీటిసి రిజర్వేషన్లలో తమకు అన్యాయం జరుగుతోందని బిసి సంఘాలు మండిపడుతున్నాయి. ప్రభుత్వం చేపట్టిన రిజర్వేషన్లతో కొన్ని చోట్ల వింతైన పరిస్థితులు నెలకొన్నాయి.  

తెలంగాణలో లోక్‌సభ ఎన్నికలు ముగియగానే మరో ఎన్నికలు నిర్వహించేందుకు ఏర్పాట్లు జరుగుతున్నాయి. మే పదిహేనులోగా జిల్లా పరిషత్‌, మండల పరిషత్‌, మున్సిపాలిటీల ఎన్నికలు పూర్తి చేయాలని తెలంగాణ ప్రభుత్వం భావిస్తోంది. దీనికనుగుణంగా రాష్ట్ర ఎన్నికల సంఘం అన్ని ఏర్పాట్లు చేస్తోంది. జిల్లా, మండల పరిషత్ ల రిజర్వేషన్ల ఖరారు కోసం ఇప్పటికే జీఓ 81‌ను జారీ చేసింది ప్రభుత్వం. దీని ప్రకారం జిల్లా, మండల పరిషత్ ల రిజర్వేషన్ల ప్రక్రియ పూర్తయింది. జడ్పీ చైర్మన్, మండల పరిషత్ ఛైర్మన్ ల రిజర్వేషన్లను రాష్ట్ర యూనిట్‌గా, జడ్పీటీసీలను జిల్లా యూనిట్‌గా, ఎంపీటీసీల రిజర్వేషన్లను మండల యూనిట్‌గా రిజర్వేషన్లు పూర్తి చేసింది రాష్ట్ర ఎన్నికల సంఘం.  

రిజర్వేషన్ల ప్రక్రియ పూర్తి కావడంతో లోక్‌సభ ఎన్నికలు పూర్తి కాగానే జడ్పీ, ఎంపిపి ఎన్నికల ప్రక్రియ వేగం పుంజుకుంటుందని అధికారులు చెప్తున్నారు. ఈ నెల 20 తర్వాత ఏ క్షణమైనా ఎన్నికల నోటిఫికేషన్ వస్తుందని రాష్ట్ర ఎన్నికల సంఘం అధికారులు చెప్తున్నారు. అదే సమయంలో మున్సిపల్ ఎన్నికల నోటిఫికేషన్ కూడా విడుదల చేయాలని భావిస్తున్నారు. ఒకే రోజు జడ్పీ, ఎంపిపి, మున్సిపల్ ఎన్నికల పోలింగ్ నిర్వహించే ఏర్పాట్లు చేస్తున్నారు. సిబ్బంది కొరత ఉంటుందని భావిస్తే రెండు, మూడు రోజుల వ్యవధిలో రెండు ఎన్నికలు పూర్తి చేయాలని కూడా భావిస్తున్నారు.  

జీఓ 81 ప్రకారం చేపట్టిన జిల్లా,మండల పరిషత్ రిజర్వేషన్లు వింతగా ఉన్నాయి. ముఖ్యంగా బిసి రిజర్వేషన్లు చాలా ఆశ్చర్యకరంగా ఉన్నాయి. ఆదిలాబాద్ జిల్లాలో 17 జడ్పీటీసీ స్థానాలుండగా అందులో ఒక్కటి కూడా బిసిలకు రిజర్వ్ స్థానమే లేదు. ఆదిలాబాద్ జిల్లాలోని బేల మండలంది విచిత్రమైన పరిస్థితి నెలకొంది. బేల మండల పరిషత్ చైర్‌పర్సన్ స్థానం బిసి మహిళకు రిజర్వ్ అయింది. కానీ ఆ మండలం పరిధిలోని 11 ఎంపీటీసీ స్థానాలలో ఒక్క స్థానం కూడా బిసి మహిళలకు రిజర్వ్ కాలేదు. ఆరు జనరల్ స్థానాల్లో ఎక్కడి నుంచైనా బిసి మహిళ గెలుపొందితేనే ఎంపిపిగా బిసి మహిళగా ఉండే అవకాశం ఉంటుంది. లేదంటే బిసి ఎంపిపి స్థానం ఖాళీగా ఉండక తప్పని పరిస్థితి ఏర్పడింది.  

జిల్లా, మండల పరిషత్ లలో రిజర్వేషన్ల ప్రక్రియపై బిసి సంఘాలు మండిపడుతున్నాయి. జీఓ 81తో తమకు అన్యాయం జరుగుతోందని ఆగ్రహం వ్యక్తం చేస్తున్నారు. కనీసం 23 శాతం రిజర్వేషన్లు అమలు చేయాలని డిమాండ్ చేస్తున్నారు. రాష్ట్ర యూనిట్ గా ఎంపిటీసి, జడ్పీటీసీ రిజర్వేషన్లు చేపట్టాలని కోరుతున్నారు. బిసి రిజర్వేషన్ల ఓటర్ల సంఖ్య ఆధారంగా కాకుండా, జనాభా దామాషా ప్రకారం నిర్వహించాలని కోరుతున్నారు.

ఇంకా చదవండి19 Days Ago
నిజామాబాద్ లోక్‌సభ ఎన్నికపై సర్వత్రా ఆసక్తి

నిజామాబాద్ లోక్‌సభ నియోజకవర్గ ఎన్నిక ఉత్కంఠను రేకెత్తిస్తోంది. అత్యధిక మంది బరిలో నిలిచి దేశవ్యాప్తంగా అందరి దృష్టిని ఆకర్షిస్తోంది. ఈవిఎంలకు బదులు బ్యాలెట్ పోరుకు తెరలేపింది. అయితే ఇక్కడి పోలింగ్ నిర్వహణపై అధికారులకు అనేక సవాళ్లు ఎదురవుతున్నాయి. షెడ్యూల్ ప్రకారం మొదటివిడతలోనే ఏప్రిల్ 11న పోలింగ్ జరుగుతుందా? వాయిదా వేస్తారా? అనే దానిపై సస్పెన్స్ నెలకొంది.  
నిజామాబాద్ లోక్‌సభ సెగ్మెంట్ ఎన్నిక రాజకీయవర్గాల్లో హాట్ టాపిక్ గా మారింది. ఎక్కడైనా ఎన్నికల్లో 20 మంది లేదా 30 మంది పోటీ చేస్తారు. కానీ ఇక్కడ మాత్రం ఏకంగా 185 మంది బరి లో నిలిచారు. పసుపు పంటకు మద్దతు ధర, పసువు బోర్డు ఏర్పాటు, చక్కర ఫ్యాక్టరీల మూసివేత వంటి సమస్యలు రైతులను ఆగ్రహం తెప్పించాయి. దీంతో మూకుమ్మడి నామినేషన్ల ద్వారా తమ సత్తా ఏంటో చూపుతామని సవాల్ చేశారు. దేశ వ్యాప్తంగా చర్చను లేవనెత్తారు. అయితే ఇదంతా బాగానే ఉన్నా పోలింగ్ నిర్వహణ ఎలా అనేదానిపై అధికారులు తలలు పట్టుకుంటున్నారు. రాజకీయపార్టీల అభ్యర్ధులు పోను మిగిలిన 178 మంది స్వతంత్రులు గుర్తులు కేటాయించిన అధికారులు బ్యాలెట్ పేపర్ ద్వారా ఎన్నిక నిర్వహిస్తామని ప్రకటించారు. అయితే ఈ ఎన్నిక ఏప్రిల్ 11న జరుగుతుందా లేదా పొడగిస్తారా అనేదానిపై సందిగ్ధం నెలకొంది. పోలింగ్ నిర్వహణ ఏర్పాట్లు ఎలా అనే దానిపై మల్లగుల్లాలు పడుతున్నారు అధికారులు.  

అయితే బ్యాలెట్ ముద్రణ సమస్యకాక పోయినా బ్యాలెట్ బాక్స్ లు ఎలా ఉండాలి అనేది సమస్యగా మారింది. అంతేకాకుండా 185 మంది పోలింగ్ ఏజెంట్ల ను ఎక్కడ కూర్చోపెట్టాలి అనేదానిపైనా అధికారులు తలలు పట్టుకుంటున్నారు. పోలింగ్ కు వినియోగించేందుకు ఇటీవల పంచాయతీ ఎన్నికల్లో వాడిన బ్యాలెట్ బాక్సులను అధికారులు పరిశీలించగా అవి చిన్నగా ఉన్నాయి. అభ్యర్థులు ఎక్కువ సంఖ్యలో ఉన్న దృష్ట్యా అవి సరిపోవని నిర్ణయించారు. 1996లో నల్గొండలో 480 మంది అభ్యర్థులు పోటీలో ఉన్నప్పుడు వినియోగించిన బాక్సుల గురించి ఆరా తీసినప్పటికీ స్పష్టమైన సమాచారం రాలేదని అధికారులు చెప్తున్నారు.  

అయితే నిజామాబాద్ నియోజకవర్గంలో 15 లక్షల 52 వేల 838 మంది ఓటర్లున్నారు. పోలింగ్‌కు దాదాపు 17 లక్షల వరకు బ్యాలెట్ పత్రాలను ముద్రించాలి. 185 మంది అభ్యర్థుల పేర్లు, ఫోటోలను ఒకటికి రెండు సార్లు సరి చూసుకోవటం మరో సమస్య. డిసెంబర్లో నిర్వహించిన అసెంబ్లీ ఎన్నికలో ఈవీఎంలలో అభ్యర్థి పేరు, ఫోటో ముద్రణలో కూడా పొరపాటు దొర్లినట్లు తెలుస్తోంది. నిజామాబాద్ నియోజకవర్గంలో 1788 పోలింగ్ కేంద్రాలు ఉన్నాయి. వాటిని పెంచాల్సిన అంశంపై స్పష్టత రావాల్సి ఉంది. ఇవన్నీ గడువులోగా కొలిక్కి వస్తాయా లేదా అనేదానిపై సందేహం వ్యక్తమవుతోంది. సాధ్యం కాని పక్షంలో ఎన్నిక వాయిదా పడొచ్చని తెలుస్తోంది. మొత్తానికి ఇక్కడ పోలింగ్ నిర్వహణపై ఉత్కంఠ కొనసాగుతోంది.

ఇంకా చదవండి25 Days Ago
దత్తన్న పయనమెటు..?

బీజేపీలో ఇక దత్తాత్రేయ శకం ముగిసినట్టేనా? ఎన్నో ఆటుపోట్లను ఎదుర్కొని దశాబ్దాలుగా పార్టీ సంఘ క్షేత్రాలకు సేవలందించిన దత్తన్న ఇక తెరమరుగు అయినట్టేనా? కొన్నేళ్లుగా సికింద్రాబాద్ పార్లమెంట్ నుంచి బరిలో నిలుస్తున్న దత్తాత్రేయ ఇక ప్రత్యక్ష రాజకీయాలకు దూరం అయినట్టేనా? కిషన్ రెడ్డికి టికెట్ ఇచ్చి ఆయనను పార్టీ హై కమాండ్ పక్కన పెట్టినట్టేనా?  

దత్తన్న అంటే నేనున్నాను అని పలికరించే బండారు దత్తాత్రేయ ఏపిసోడ్ బీజేపీలో ముగిసినట్టుగానే కనిపిస్తుంది. తన జీవితం అంత సంఘ పరివార క్షేత్రాలకే ఇచ్చిన ఆయన ఇక ప్రత్యక్ష రాజకీయాలకు దూరం అయినట్టేననే అభిప్రాయం వ్యక్తం అవుతోంది. తాను ప్రాతినిధ్యం వహిస్తున్న సికింద్రాబాద్ పార్లమెంట్ టికెట్‌ను ఆయనకు కాదని కిషన్ రెడ్డికి ఇవ్వడంతో ఇక పార్టీ ఆయనను పక్కన పెట్టినట్టేననే మాట పార్టీలో వినిపిస్తోంది. బండారు దత్తాత్రేయ పార్టీ టికెట్ తనకే ఇస్తుందని, తానే పోటీ చేస్తానని చెబుతూ వచ్చాడు. కానీ పార్టీ హై కమాండ్ ఆయనను కరుణించలేదు. లష్కర్ టికెట్‌ను ఆయనకు ఇవ్వలేదు. ఈ రోజు విడుదల చేసిన అబ్యర్డుల లిస్ట్ నడ్డా పీసీ వాడండి  

దత్తాత్రేయపై పార్టీ ఢిల్లీ పెద్దలు కోపంగా ఉన్నట్టు కూడా ప్రచారం జరుగుతోంది. ఏదో జరిగింది కాబట్టే ఆయనను మోడీ మంత్రి పదవి నుంచి తప్పించారనే పార్టీ వర్గాలు అంటున్నాయి. అసెంబ్లీ ఎన్నికల్లోనూ ఆయన అడిగిన వారికి టికెట్ ఇవ్వలేదని పార్టీ నేతలు చెబుతున్నారు. ఆయన సూచించిన పేర్లను పరిగణలోకి తీసుకోలేదనే మాటలు పార్టీలో వినిపించాయి.  

ఏది ఏమైనా దత్తాత్రేయకి సికింద్రాబాద్‌తో విడదీయరాని బంధమే ఉన్నట్టు చెప్పొచ్చు. అక్కడి నుంచి గెలిచే కేంద్ర మంత్రి అయ్యారు. తనకంటూ ఒక ఇమేజ్ తెచ్చుకున్నారు. గెలిచినా ఓడినా ఆయన ఆ నియోజవర్గాన్నే పట్టుకుని తిరిగారు. సికింద్రాబాద్ పార్లమెంట్ పరిధిలో కిల్లీ కొట్టు ఓపెనింగ్‌కి కూడా దత్తాత్రేయ వెళ్లేవారు. నియోజక వర్గం కలియ తిరిగే వారు. వయస్సు పై బడ్డ ఆయన నియోజకవర్గంలో తిరగడం మాన లేదు. యువ నాయకులను మించి తిరిగారు అనే పేరు ఉంది.  

తాజా పరిణామంతో దత్తాత్రేయ ఏ విదంగా స్పందిస్తారో చూడాలి? ఈ ఎన్నికల్లో పార్టీ అభ్యర్థికి మద్దతుగా ప్రచారం చేస్తారా ? లేక తనను పక్కన పెట్టిందని దూరంగా ఉంటారో చూడాలి? పార్టీ హై కమాండ్ ఆయన భవిష్యత్‌పై హామీ ఇస్తుందా? ఆయన సేవలను మరో రకంగా ఉపయోగించుకుంటుందా చూడాలి? మరోవైపు దత్తాత్రేయ టైం ఇవ్వకపోతే కిషన్ రెడ్డికి కష్టమేననే అభిప్రాయం వ్యక్తం అవుతోంది.

ఇంకా చదవండి33 Days Ago
భువనగిరిలో ఎంపీ రేసులో మాస్ లీడర్ కోమటిరెడ్డి

భువనగిరి పార్లమెంట్ స్థానం పై ఈసారి కాంగ్రెస్ జెండా ఎగిరే అవకాశాలు ఎక్కువగా కనిపిస్తున్నాయి. మాజీ మంత్రి కోమటిరెడ్డి వెంకట్ రెడ్డి ఈసారి భువనగిరి స్థానం నుండి పోటీకి రెడీ అయ్యారు. లోక్‌సభ పరిధి లోని ఏడు అసెంబ్లీ సెగ్మెంట్లలో నాలుగు అసెంబ్లీ సెగ్మెంట్లు కాంగ్రెస్ కంచుకోటగా ఉన్నాయి. ఇక మిగిలిన మూడు అసెంబ్లీ స్థానాల్లో కూడా కోమటిరెడ్డి బ్రదర్స్‌కు ఉన్న ఆదరణ కాంగ్రెస్‌ గెలుపుకు కలిసివచ్చేలా ఉన్నాయి.  

ఉమ్మడి నల్గొండ జిల్లాలోని భువనగిరి పార్లమెంట్ స్థానం కోసం పోటీ చేసే కాంగ్రెస్ అభ్యర్ధి ఖరారు అయ్యారు. పార్లమెంట్ నుంచి పోటీ చేసేందుకు మాజీ మంత్రి కోమటిరెడ్డి వెంకట్ రెడ్డి సిద్ధమయ్యారు. నియోజకవర్గాల పునర్విభజనలో భాగంగా మునుగోడు, నకిరేకల్, భువనగిరి, ఆలేరు, తుంగతుర్తి, జనగాం, ఇబ్రంహీపట్నం అసెంబ్లీ నియోజకవర్గాలను కలుపకొని 2009 లో కొత్తగా ఈ లోక్ సభ స్థానం ఏర్పడింది. మొదటి సారిగా జరిగిన ఎన్నికల్లో కాంగ్రెస్ పార్టీ విజయం సాధించింది. యువకుడైన కోమటిరెడ్డి రాజగోపాల్ రెడ్డి 2009లో భారీ మెజార్టీతో విజయం సాధించారు. ఆ తరువాత 2014 ఎన్నికల్లో స్వల్ప ఓట్ల తేడాతో టీఆర్ఎస్ అభ్యర్ధి బూర నర్సయ్య గౌడ్ చేతిలో ఓడిపోయారు.  

ఈసారి కూడా భువనగిరి నుంచి సిట్టింగ్ ఎంపీగా బూర నర్సయ్య గౌడ్ పోటీ చేస్తుండగా.. కాంగ్రెస్ నుంచి కోమటిరెడ్డి వెంకట్ రెడ్డి పోటీకి రెడీ అయ్యారు. భువనగిరి పార్లమెంట్ పరిధిలో కాంగ్రెస్ చాలా పటిష్టంగా ఉంది. ఎంపీ స్థానంలో కాంగ్రెస్ పార్టీ తరపున పోటీచేస్తున్న మాజీమంత్రి కోమటిరెడ్డికి గెలుపు అవకాశాలు ఎక్కువగా ఉన్నాయి. మాస్ లీడర్ గా జిల్లా వ్యాప్తంగా కోమటిరెడ్డి వెంకట్ రెడ్డికి అభిమానులు ఉన్నారు. దానికితోడు గతంలో ఎంపీగా పనిచేసిన తన సోదరుడు కోమటిరెడ్డి రాజగోపాల్ రెడ్డికి ప్రతి అసెంబ్లీ నియోజకవర్గంలో ఉన్న క్యాడర్ అలాగే ఉంది. ఇద్దరు సోదరులకు జిల్లా వ్యాప్తంగా బలమైన కేడర్ ఉంది.  

భువనగిరి పార్లమెంట్ నియోజకవర్గంలో కోమటిరెడ్డి బ్రదర్స్ హవా కొనసాగుతూనే ఉంది. తొలిసారి 2009 ఎన్నికల్లో భువనగిరి లోక్ సభ స్థానం నుంచి కోమటిరెడ్డి రాజగోపాల్ రెడ్డి భారీ మెజార్టీతో విజయం సాధించారు. ఆ తరువాత 2014 ఎన్నికల్లో స్వల్ప మెజార్టీతో ఓటమి చవిచూశారు. ఆ తరువాత ఎమ్మెల్సీ ఎన్నికల్లో కోమటిరెడ్డి రాజగోపాల్ రెడ్డి విజయం సాధించారు. ఇటు మొన్న జరిగిన అసెంబ్లీ ఎన్నికల్లో మునుగోడు నుంచి రాజగోపాల్ రెడ్డి భారీ విజయం సాధించగా.. నల్గొండ నుంచి పోటీ చేసిన కోమటిరెడ్డి వెంకట్ రెడ్డి స్వల్ప తేడాతో ఓటమి చవిచూశారు. నాలుగు సార్లు నల్గొండ ఎమ్మెల్యేగా గెలిచారు. సుదీర్ఘకాలం మినిస్టర్‌గా పనిచేసిన కోమటిరెడ్డి వెంకట్ రెడ్డి నల్గొండ జిల్లా అభివృద్ధి కోసం ఎంతో కృషి చేశారు. మునుగోడు, నకిరేకల్ నియోజకవర్గ ప్రజలు ఒకవైపు ఫ్లోరైడ్ తో , మరో వైపు కరువు తో అల్లాడిపోతున్న జనం గోస చూసి చలించి నాటి ఉమ్మడి రాష్ట ముఖ్యమంత్రి వైఎస్సార్ తో కొట్లాడి బ్రాహ్మణ వెల్లంల ప్రాజెక్టును తీసుకొచ్చారు. ఉదయసముద్రం నుండి ఎత్తిపోతల ద్వారా సుమారు లక్ష ఎకరాలు సస్యశ్యామలం అయ్యే అవకాశం ఉంది.  

ఇటు తెలంగాణ ఉద్యమ సమయంలో ఉద్యమ సింహంలా కోమటిరెడ్డి వెంకట్ రెడ్డి బ్రదర్స్ పోరాడారు. తెలంగాణ రాష్ట్ర సాధన కోసం మంత్రి పదవిని సైతం వెంకట్ రెడ్డి తృణప్రాయంగా వదులుకున్నారు. రాష్ట్రం కోసం పోరాటం చేశారు. కమ్యూనిస్టుల కంచుకోటగా ఉన్న నల్గొండలో కాంగ్రెస్ జెండాను రెపరెపలాడించారు. 1999 నుంచి వరుసగా కాంగ్రెస్‌ అభ్యర్థిగా కోమటిరెడ్డి గెలుస్తూ వచ్చారు. నాలుగు సార్లు ఎమ్మెల్యేగా ఎన్నికైన ఆయనకు జిల్లా వ్యాప్తంగా కాంగ్రెస్ శ్రేణులతో మంచి అనుబంధం, పెద్ద ఎత్తున అభిమానులు, కార్యకర్తలు ఉన్నారు.  

ఎదిగిన కుమారుడు ప్రమాదంలో మరణించడం వెంకట్ రెడ్డికి జీవితంలో మరిచిపోలేని బాధను విగిల్చింది. అలాంటి బాధను మరెవరూ అనుభవించరాదని ఆ తర్వాత కాలంలో ఆయన కుమారుడు ప్రతీక్ పేరుతో ఫౌండేషన్ స్థాపించారు. 2012 ప్రతీక్‌ రెడ్డి మరణానంతరం కోమటి రెడ్డి ప్రతీక్‌ మెమోరియల్‌ ప్రభుత్వ జూనియర్‌ బాలుర కళాశాలగా మార్చారు. 3.5 కోట్లను వెచ్చించి బాలికల వొకేష్‌నల్‌ జూనియర్‌ కళాశాలను పుననర్నిర్మాన పనులు చేపట్టారు. ఫౌండేషన్ తరఫున ప్రతిఏటా టాపర్స్‌కు బంగారు పతకాలు, నగదు ప్రోత్సాహకాలు, జాబ్‌ మేళాలు, నిరుద్యోగులకు ఉపాది కల్పన, రోడ్డు ప్రమాదాల బారిన పడిన వారికి వైద్య, రక్తదాన సేవలనందించటం, రోడ్డు భద్రతపై అవగాహన కార్యక్రమాల నిర్వహణ వంటివి చేపడుతున్నారు.  

భువనగిరి ఎంపీగా కోమటిరెడ్డి రాజగోపాల్ రెడ్డి పనిచేసిన కాలంలో మూసీ పరివాహక ప్రాంతానికి సాగు నీరందించడానికి బునాదిగాని కాలువ, పిలాయిపల్లి కాలువలను తీసుకొచ్చారు. ప్రభుత్వం నుండి సరైన నిదులు విడుదలకానపుడు తన సొంత నిధులతో కాలువల పనులు చేయించి రైతులను ఆదుకున్నారు. తన తల్లి సుశీలమ్మ పేరుమీద జనగామలో కార్పోరేట్ స్థాయిలో కోట్ల రూపాయలు వెచ్చించి వ్రుద్దాశ్రమం కట్టిస్తున్నారు. ఇద్దరు బ్రదర్స్ ఒక వైపు రాజకీయాలలో ఉంటూనే సామాజిక కోణంలో ఎంతో మందికి జిల్లా వ్యాప్తంగా సహాయం చేశారు చేస్తున్నారు. ప్రాంతం, నియోజకవర్గం అనే తేడా లేకుండా ఆపద ఉన్నవారిని అక్కున చేర్చుకుని సహాయం అందిస్తున్నారు.  

మొన్న జరిగిన అసెంబ్లీ ఎన్నికల్లో ఈ పార్లమెంట్ పరిదిలోని మునుగోడు, నకిరేకల్ నియోజకవర్గాలు కాంగ్రెస్ పార్టీ గెలిచింది. తుంగతుర్తి, ఇబ్రహీంపట్నం నియోజకవర్గాలలో స్వల్ప మెజారిటీతో కాంగ్రెస్ ఓడిపోయింది. అంటే నాలుగు నియోజకవర్గాలలో కాంగ్రెస్ పార్టీ చాలా బలంగా ఉండడం ఈసారి కాంగ్రెస్ కు కలిసొచ్చే అంశం. మరో వైపు టీఆర్ఎస్ తరపున పోటీచేస్తున్న సిట్టింగ్ ఎంపి డాక్టర్ బూర నర్సయ్య గౌడ్ కు స్థానికంగా ఉన్న అసెంబ్లీ నియోజకవర్గాలు ఎమ్మెల్యేలకు సరైన సఖ్యత లేకపోవడం కూడా ఈసారి కాంగ్రెస్ కు ప్లస్ పాయింట్ అయ్యే అవకాశం ఉంది.  

ఏది ఏమైనా మంత్రిగా నాలుగు సార్లు ఎమ్మెల్యేగా పనిచేసిన అనుభవం, తెలంగాణా ఉద్యమంలో ప్రత్యేక రాష్టం కోసం మంత్రి పదవిని సైతం వదలుకున్నారనే పేరును కోమటిరెడ్డి వెంకట్ రెడ్డి సొంతం చేసుకున్నారు. ప్రజలతో మమేకమై మాస్ లీడర్ గా పేరుండడం మొన్నటి అసెంబ్లీ ఎన్నికల్లో ఓడిపోయిన సానుభూతి ఇవన్నీ భువనగిరి పార్లమెంట్ అభ్యర్థిగా పోటీచేస్తున్న కోమటిరెడ్డి వెంకట్ రెడ్డికి కలిసొచ్చేఅంశాలని రాజకీయ విశ్లేషకులు అంచనా వేస్తున్నారు.

ఇంకా చదవండి36 Days Ago
ప్రజాస్వామ్య భారతంలో 17వ లోక్‌సభ నిర్మాణం

ఓట్ల పండగ వచ్చేస్తోంది. రాజకీయ పార్టీల హడావుడి, రంగురంగుల జెండాలు, హోరెత్తించే ప్రచారాలతో ఎన్నికల పండగ సంతరించుకుంది. ప్రపంచంలో మరే దేశంతోనూ పోల్చడానికి వీల్లేని విధంగా మన పార్లమెంటు ఎన్నికలు ఎప్పటికప్పుడు కొత్త పోకడలు పోతున్నాయి. స్వాతంత్య్రం వచ్చినప్పటి నుంచి ఇప్పటి వరకు నిరాటంకంగా సాగుతూ వచ్చిన ఎన్నికల ప్రక్రియ 17 లోక్‌సభ నిర్మాణం కోసం మరో అడుగు వేయబోతోంది. 130 కోట్ల జనాభా ఉన్న భారత దేశంలో తొంభై కోట్ల మంది ఓటర్లు తమ నేతలను ఎన్నుకోవడానికి రంగం సిద్ధమయింది.  
మొదటి సార్వత్రిక ఎన్నికలు..
తొలి ఎన్నికల నుంచే నిర్దిష్టమైన అవగాహనతో, ప్రజాస్వామిక స్ఫూర్తితో ముందడుగు వేసిన భారతావని ప్రపంచంలో ఏ దేశం చేయని సాహసం చేసింది. తొలి ప్రయత్నంలోనే వయసు నిండిన ప్రతి ఒక్క పౌరుడికి ఓటు వేసే హక్కును కల్పించింది. 1951లో జరిగిన తొలి ఎన్నికలతో మొదలైన ఎన్నికల ప్రస్థానం నిర్విరామంగా కొనసాగుతోంది. దేశంలో మొదటి సార్వత్రిక ఎన్నికల ప్రక్రియ 1951 అక్టోబర్‌ నుంచి 1952 ఫిబ్రవరి వరకు నాలుగు నెలల పాటు కొనసాగింది.  
ఎమర్జెన్సీ పీరియడ్ లో కూడా...
అప్పట్నుంచి 2014 వరకు మొత్తం పదహారు సార్లు దేశంలో సార్వత్రిక ఎన్నికలు జరిగాయి. పార్లమెంటుతో పాటు రాష్ట్రాల శాసన సభలకు కూడా ప్రతి ఐదేళ్లకోసారి ఎన్నికలు జరుగుతున్నాయి. ఇంత వరకు దేశంలోని 29 రాష్ట్రాల్లో మొత్తం 357 సార్లు శాసన సభ ఎన్నికలు జరిగాయి. ఈ ఎన్నికల్లో ఓటర్లు ఒక్కోసారి అత్యంత ప్రముఖులను కూడా ఓడించి ఇంటి దారి పట్టించారు. మరికొన్ని సార్లు అనామకులకు కూడా అఖండ విజయం కట్టబెట్టారు. 1975లో దేశంలో విధించిన అత్యవసర పరిస్థితి, పొరుగుదేశాలైన పాకిస్తాన్, చైనాలతో జరిగిన యుద్ధాలతోనూ కూడా ప్రజాస్వామ్య వ్యవస్థకు ఎటువంటి విఘాతం కలగలేదు.  
130 కోట్ల మంది జనాభాలో... 
ప్రజాస్వామ్య భారతంలో సార్వత్రిక ఎన్నికల నిర్వహణ బృహత్తర కార్యక్రమం. దాదాపు 130 కోట్ల జనాభాలో 90 కోట్ల మంది ఓటర్లు.. 29 రాష్ట్రాలు, ఏడు కేంద్ర పాలిత ప్రాంతాలకు చెందిన 543 నియోజకవర్గాల్లో ఎన్నికల నిర్వహణ భారీ వ్యయ ప్రయాసలు, మానవ వనరులతో కూడుకొన్నది. 1952లో మొట్టమొదటి సార్వత్రిక ఎన్నికల నుంచి ఇప్పటి వరకు ఎన్నికల ప్రక్రియలో ఎన్నో సంస్కరణలు అమలు అయ్యాయి. మొదటి ఎన్నికల సమయంలో దేశ జనాభా 36 కోట్లు. వారిలో 17.30 కోట్ల మంది ఓటు హక్కు వినియోగించుకున్నారు.  
ఒక్క భారత దేశమే...
అప్పట్లో పార్లమెంటులో 489 సీట్లు ఉండేవి. కాలక్రమంలో దేశంలో రాష్ట్రాల సంఖ్య పెరగడం, దానికి అనుగుణంగా పార్లమెంటు స్థానాల సంఖ్య పెరగడంతో ఎన్నికల సంఘం ఎప్పటికప్పుడు ఎన్నికల ప్రక్రియలో అవసరమైన మార్పులు చేస్తూ వస్తోంది. ఎలాంటి బేధం చూపకుండా నిర్దిష్ట వయస్సు వచ్చిన వారందరికీ ఒకే సారి ఓటు హక్కు కల్పించింది ప్రపంచంలో ఒక్క భారత దేశమే. చాలా దేశాలు మొదట ధనికులకు, తర్వాత విద్యావంతులకు ఇలా దశల వారీగా పౌరులకు ఓటు హక్కు కల్పించాయి. ఆయా దేశాల్లో మహిళలకయితే దశాబ్దాలు పోరాడితే కాని ఓటు హక్కు రాలేదు.  
73వ రాజ్యాంగ సవరణతో...
ప్రజలందరికీ అన్ని రంగాల్లోనూ సమాన అవకాశాలు కల్పించాలన్న ప్రజాస్వామ్య స్ఫూర్తికి అనుగుణంగా ఎస్సీ, ఎస్టీలకు, మహిళలకు కొన్ని నియోజకవర్గాలను ప్రత్యేకించడం భారత్‌లోనే జరిగింది. 73వ రాజ్యాంగ సవరణ ద్వారా ఈ రిజర్వేషన్లను స్థానిక సంస్థల ఎన్నికలకు కూడా వర్తింపచేశారు. పరాయివాళ్లకి ముఖం చూపించడానికి ఇష్టపడని, తమ పేరు చెప్పడానికి ముందుకురాని మహిళలను ఓటర్ల జాబితాలో చేర్చడం దగ్గర నుంచి ఎలక్ట్రానిక్‌ ఓటింగ్‌ మిషన్లను ప్రవేశపెట్టడం వరకు ఈ 70 ఏళ్లలో పటిష్టమైన దేశ ప్రజాస్వామిక సౌధాన్ని నిర్మిస్తూ వస్తున్నాం.  
ప్రతి ఐదేళ్లకోసారి...
అయితే రాజ్యాంగం నిర్దేశించిన ప్రకారం ప్రతి ఐదేళ్లకోసారి పార్లమెంటుకు, శాసన సభలకు ఎన్నికలు నిర్వహిస్తూ భారతదేశం ఈ విషయంలో ప్రపంచానికే ఆదర్శంగా నిలుస్తోంది. ఓటరు నమోదు నుంచి మొదలు పెట్టి ఎన్నికల అక్రమాలను గుర్తించడం, సకాలంలో నివారించడం, ఓటర్లు తమ ఓటు హక్కును స్వేచ్ఛగా వినియోగించుకునే వాతావరణం కల్పించడం, ఎన్నికల ఫలితాలు ప్రకటించే వరకు అప్రమత్తతతో వ్యవహరించడం ఎన్నికల సంఘం సామర్థ్యానికి నిదర్శనంగా నిలుస్తోంది.  
గత ఏడు దశాబ్దాలుగా... 
మనతో పాటే స్వాతంత్య్రం పొందిన పాకిస్తాన్‌ అనతి కాలంలోనే ప్రజాస్వామ్యం నుంచి సైనిక పాలనకు మళ్లిపోయింది. ప్రజాస్వామ్యం అక్కడ తీవ్ర ఆటుపోట్లను ఎదుర్కొంటోంది. అలాగే, నేపాల్, శ్రీలంక, మాల్దీవుల్లో కూడా ప్రజాస్వామ్యం నిలకడగా కొనసాగడం లేదు. మన దేశంలో గత ఏడు దశాబ్దాలుగా ప్రజాస్వామ్యం నిరాటంకంగా కొనసాగుతోంది. ప్రజాస్వామ్య బద్ధంగా ఎన్నికలు జరుగుతున్నాయి.

ఇంకా చదవండి44 Days Ago
పంచాయతీ రాజ్ చట్టం 2018: జిల్లా పరిషత్తులకు అధికారాలు

తెలంగాణలో కొత్తగా తీసుకువచ్చిన పంచాయతీ రాజ్ చట్టం -2018 పై ఆసక్తి పెరుగుతోంది. చట్టంతో కొత్త నిబంధనలను అమల్లోకి రానున్నాయి. రాష్ట్రంలో కొత్త జిల్లాల ఏర్పాటుతో జడ్పీ స్థానాల సంఖ్య 9 నుంచి 32 చేరనుంది. దీంతో త్వరలో పార్టీ ప్రాతిపదికన ఎన్నికలు కూడా జరగనున్నాయి. దీంతో కొత్త నిబంధనల ప్రకారం పాలకమండళ్లు ఏర్పాటు కానున్నాయి. అయితే కొత్త చట్టం ప్రకారం జిల్లా పరిషత్‌ సమావేశాలను ఇక ప్రతి మూడు నెలలకు కనీసం ఒకసారైనా కచ్చితంగా నిర్వహించి తీరాలి. లేదంటే జడ్పీ ఛైర్‌పర్సన్‌ పదవి ఊడినట్టేనని చట్టంలో పొందుపరిచారు. అంతేకాకుండా మరో ఏడాది పాటు ఛైర్‌పర్సన్‌గా ఎన్నిక కాకుండా అనర్హత వేటునూ ఎదుర్కొనే అవకాశం ఉంది.  

ప్రతి 90 రోజుల వ్యవధిలో ఒకసారైనా జడ్పీ సమావేశం ఏర్పాటు చేసి వివిధ అంశాలపై చర్చించాలి. ఒకవేళ సమావేశాన్ని నిర్వహించకుంటే మరో 30 రోజుల సమయం ఇస్తారు. అప్పటికీ ఛైర్‌పర్సన్‌ ఉదాసీనంగా ఉన్నట్టు తేలితే కలెక్టర్‌ చర్యలకు ఉపక్రమిస్తారు. సమావేశాన్ని నిర్వహించటంలో విఫలమైనందుకు ఛైర్‌పర్సన్‌ తన పదవిని కోల్పోవడంతో పాటు మరో ఏడాది పాటు ఆ పదవి చేపట్టేందుకు అర్హత ఉండదు. మరోవైపు జిల్లా పరిషత్‌ ఎన్నికలను పార్టీ ప్రాతిపాదిక నిర్వహిస్తారు. ఛైర్‌పర్సన్‌, వైస్‌ ఛైర్‌పర్సన్‌ ఎన్నిక సమయంలో ఆయా పార్టీలు జారీచేసే విప్‌ను ఎవరైనా సభ్యులు వ్యతిరేకిస్తే వారి పదవులు పోతాయి. అలా ఏర్పడే ఖాళీలను సాధారణ ఖాళీలుగా పరిగణించి 6 నెలల్లోగా ఎన్నికలను నిర్వహించనున్నట్టు చట్టం చెబుతోంది.  

చట్టం ప్రకారం జిల్లా పరిషత్‌లో కొత్త అధికారాలనూ అప్పగించింది. ఉపాధి హామీ కింద మండలాల వారీగా రూపొందించే బడ్జెట్ల ఆధారంగా పనులను జడ్పీ పర్యవేక్షించే అధికారం కల్పించింది. గ్రామాల్లోని స్వయం సహాయక సంఘాలకు బ్యాంకులు రుణాలను ఇస్తున్న తీరును, అక్కడి స్వయం ఉపాధి, జీవనోపాధి పథకాల అమలును పరిశీలించే అధికారం అప్పగించనున్నారు. అంకుర కంపెనీలు, మధ్య, చిన్న, సూక్ష తరహా పరిశ్రమల ఏర్పాటును పర్యవేక్షించవచ్చు. జడ్పీలకు నిధులు ఏయే మార్గాల్లో వచ్చేది పంచాయతీరాజ్‌ చట్టం వెల్లడించింది. ప్రభుత్వ అనుమతితో మండల పరిషత్‌లపై విధించే రుసుములు, ప్రభుత్వం ఏటా ఇచ్చే తలసరి గ్రాంటు జడ్పీలకు ఆదాయ వనరులుగా నిలవనున్నాయి.

ఇంకా చదవండి50 Days Ago
మరింత +