క్రీడా వార్తలు

As Sreesanth gets reprieve from SC, here’s what happened in 2013 IPL spot-fixing scandal

క్రికెటర్‌ శ్రీశాంత్‌కు సుప్రీంకోర్టులో ఊరట

స్పాట్‌ ఫిక్సింగ్‌ కేసులో జీవితకాల నిషేధం ఎదుర్కొంటున్న క్రికెటర్‌ శ్రీశాంత్‌కు సుప్రీంకోర్టులో ఊరట లభించింది. బీసీసీఐ విధించిన జీవితకాల నిషేధాన్ని సర్వోన్నత న్యాయస్థానం తోసిపుచ్చింది. శ్రీశాంత్‌పై విధించిన బ్యాన్‌ను బీసీసీఐ పునఃసమీక్షించాలని ఆదేశించింది. స్పాట్‌ ఫిక్సింగ్‌ కేసును మరోసారి విచారించి మూడు నెలల్లో సమాధానం చెప్పాలని జస్టిస్‌ అశోక్‌భూషణ్‌, కేఎం జోసెఫ్‌ల ధర్మాసనం బీసీసీఐ క్రమశిక్షణ కమిటీని ఆదేశించింది. ఇటు కోర్టు తీర్పుపై శ్రీశాంత్ సంతోషం వ్యక్తం చేశాడు. తాను 30 ఏళ్ల వయస్సులో కూడా ఇంకా ఫిట్‌నెస్‌గా ఉన్నానని.. బీసీసీఐపై తనకు నమ్మకం ఉందన్నాడు. తనకు మళ్లీ క్రికెట్ ఆడే అవకాశాన్ని బీసీసీఐ కల్పించాలని శ్రీశాంత్ కోరాడు.

మరింత +
India vs Australia | India Suffer Series Loss Against Australia

5వ వన్డేలో ఓడి సిరీస్ చేజార్చుకున్న టీమ్ ఇండియా

ఐదు వన్డేల సిరీస్ ను 3-2తో ఆసీస్ కైవసం చేసుకుంది. పిరోజ్ షా కోట్లా మైదానంలో జరిగిన చివరి వన్డేలో భారత్ పరాజయం పాలైంది. మొదట బ్యాటింగ్ చేసిన ఆసీస్ నిర్ణీత 50ఓవర్లలో 9వికెట్లకు 272పరుగులు చేసింది. ఖవాజా సెంచరీ, హ్యాండ్స్ కాంబ్ అర్థ సెంచరీతో రాణించారు. అనంతరం 273పరుగుల లక్ష్యంగా బ్యాటింగ్ కు దిగిన భారత్ కు ఆదిలోనే ఎదురుదెబ్బ తాకింది. ధావన్, కోహ్లీ, రిషబ్ పంత్, జడేజా తక్కువ స్కోర్లకే వెనుదిరిగారు. రోహిత్ శర్మ అర్ధ సెంచరీతో రాణించినప్పటికీ చివరి వరకు నిలవలేకపోయాడు. ఇక చివర్లో భువనేశ్వర్ 46, కేదార్ జాదవ్ 44పరుగులతో రాణించినప్పటికీ విజయాన్ని అందించలేకపోయారు. దీంతో 50ఓవర్లలో భారత్ 237పరుగులకు ఆలౌట్ అయింది. సిరీస్ లో మొదటి రెండు మ్యాచ్ ల్లో భారత్ గెలవగా చివరి మూడు వన్డేల్లో ఆసీస్ విజయం సాధించింది. దీంతో సీరిస్ ఆసీస్ సొంతమైంది.

మరింత +
India vs Australia, 5th ODI : Australia won toss and choose to Bat

టాస్ గెలిచి బ్యాటింగ్ కు దిగిన ఆస్ట్రేలియా

భారత్, ఆస్ట్రేలియాల మధ్య జరుగుతున్న ఐదో వన్డే మొదలైంది. ఈ చివరి వన్డేలో టాస్ గెలిచి బ్యాటింగ్ ఎంచుకుంది ఆస్ట్రేలియా. ఐదు వన్డేల సిరీస్‌లో ఇప్పటికే రెండు దేశాల జట్లు 2-2 పాయింట్లతో సమ ఉజ్జీగా ఉన్నా విషయం తెలిసిందే. సిరీస్ ను ఎలాగైనా దక్కించుకోవాలని ఈ మ్యాచ్‌లో ఆస్ట్రేలియా రెండు మార్పులతో బరిలోకి దిగుతున్నది. షాన్ మార్ష్ స్థానంలో స్టాయినిస్, బెహ్రండార్ఫ్ స్థానంలో నేథన్ లయన్ లను టీమ్‌లోకి తీసుకుంది. ఇటు టీమిండియా కూడా చాహల్ స్థానంలో జడేజా, రాహుల్ స్థానంలో షమిని టీమ్‌లోకి తీసుకుంది జట్టు.

మరింత +
India vs Australia, 5th ODI: India's last chance to fix structure for World Cup

భారత్-ఆస్ట్రేలియా మధ్య నేడు ఐదవ వన్డే

మరో ఉత్కంఠ పోరుకు రంగం సిద్దమైంది. రెండు జట్లు ఢీ అంటే ఢీ అనడానికి మరో సారి సన్నద్దమయ్యాయి. ఢిల్లీలో ఫిరోజ్ షా కోట్ల వేదికగా నేడు భారత్ ఆస్ట్రేలియా మధ్య చివరి ఐదో వన్డే జరగనుంది. ఐదు మ్యాచ్‌ల సిరీస్ ప్రస్తుతం 2-2తో సమంగా ఉండటంతో ఇరుజట్లు గెలుపే లక్ష్యంగా బరిలోకి దిగుతున్నాయి. మొహాలీ మ్యాచ్ తర్వాత చావో రేవో పరిస్థితిని కొని తెచ్చుకున్న భారత్ ఆఖరి పోరాటానికి సిద్ధమైంది. ఎలాగైన ఈ మ్యాచ్‌లో నెగ్గి సిరీస్ కైవసం చేసుకొని వరల్డ్ ముందు ఆత్మవిశ్వాసంతో కూడగట్టుకోవాలని గట్టి పట్టుదలతో ఉంది. మరో వైపు సిరీస్‌ను గెలువాలనే లక్ష్యంతో కంగారూలు బరిలోకి దిగుతున్నారు.  

అటు ప్రపంచకప్ కూర్పును సరి చూసుకునేందుకు చివరి మ్యాచ్ కావటంతో పాటు ఆస్ట్రేలియాపై సిరీస్ గెలిచేందుకు మిగిలిన చివరి మ్యాచ్ కావడంతో సెలెక్టర్లు ఈ మ్యాచ్‌ను నిశితంగా పరీశీలించనున్నారు.అయితే నాలుగో వన్డేలో కంగారుల దూకుడు చూసాక ఐదో వన్డేలో గెలుపు గుర్రాలనే బరిలోకి దించాలని టీమ్‌ఇండియా భావిస్తోంది. లేనిపోని ప్రయోగాలకు వెళ్లి వరల్డ్‌కప్ ముందు ఆత్మవిశ్వాసాన్ని దెబ్బతీసుకోవడం కంటే సిరీస్ గెలువడమే లక్ష్యంగా ప్రణాళికలు రచిస్తోంది.  

అయితే ప్రపంచకప్ ముందు భారత్ సమీక్షించు కోవాల్సిన అంశాలు చాలా ఉన్నాయి. ముఖ్యంగా నాలుగో స్థానానికి ఇప్పటికి సరైన ఆటగాడు దొరకక పోవటం కలవరపెడుతోంది. ఈ స్థానానకి రాయుడు, రాహుల్ మధ్య పోటీ నెలకొంది. నాలుగో స్థానంలో రాయుడికి కావల్సినన్ని అవకాశాలు ఇచ్చిన వాటిని అందిపుచ్చుకోవటంలో విఫలం చెందాడు. దీంతో నాలుగో వన్డేలో రాయున్ని తప్పించి రాహుల్‌కు చోటిచ్చారు సెలక్టర్లు. మరోవైపు రిజర్వ్ వికెట్ కీపర్‌గా ప్రపంచకప్ ప్రణాళికలో ఉన్న రిషబ్ పంత్ బ్యాటింగ్‌లో ఫర్వాలేదనిపించిన కీపింగ్‌లో ఘెరంగా విఫలమవుతున్నాడు. ధోనీ గైర్హాజరీతో నాలుగో వన్డేలో విరాట్ నాయకత్వ లోపాలు బయటపడ్డాయి. ఒత్తిడిలో ధోనీ ఇచ్చే సలహాలు, సూచనలే ఇప్పటివరకు కోహ్లీని నడిపించాయి. మరి ఈ లోపాలను టీమ్‌ఇండియా ఈ మ్యా చ్‌లో అధిగమిస్తుందా? లేదా అన్నది కూడా ఆసక్తికరంగా మారింది.  

ఈ మ్యాచ్‌లో భారత్ కొన్ని మార్పులతో బరిలోకి దిగే అవకాశాలు ఉన్నాయి. తుది జట్లులో ఇద్దరు స్పెషలిస్ట్ స్పిన్నర్లు కావాలనుకుంటే చాహల్, కుల్దీప్‌లను జట్టులో చోటు దక్కే అవకాశాలు ఉన్నాయి. ఎక్స్‌ట్రా బ్యాట్స్‌మన్‌‌ను బరిలోకి దించాలనుకుంటే ఆల్ రౌండర్ జడేజాకు చోటు కల్పించే అవకాశం ఉంది. మరోవైపు నాలుగో వన్డేలో భారీ స్కోరును ఛేదించిన ఆసీస్ ఇప్పుడు పూర్తి ఆత్మవిశ్వాసంతో ఉంది.జట్టులో ఏలాంటి మార్పులు లేకుండా బరిలోకి దిగే అవకాశం ఉంది.

మరింత +
The incredible story of Poorna Malavath, the girl who climbed Mt Everest at 13

ఎవరెస్టు ఎక్కిన యంగెస్ట్ గర్ల్: పాకాల టూ ఎవరెస్టు

ఎందరో కలలు కంటుంటారు. కొందరు మాత్రమే సాకారం చేసుకుంటారు. ఎందరో లక్ష్యాలను పెట్టుకుంటారు కానీ కొందరే సాధిస్తారు. ఈ కోవలోనే సంకల్పబలం, ఆత్మవిశ్వాసం, సాధించగలనన్న నమ్మకంతో ఉన్నత శిఖరాన్ని అధిరోహించింది నిజామాబాద్ బాలిక మలావత్ పూర్ణ. సాధారణ బాలికల్లానే పల్లెల్లోనే పెరిగినా ఏదో సాధించాలన్న మనస్తత్వమే ఆమెను విజేతగా నిలిపింది. కుగ్రామం నుంచి బాలీవుడ్ సినిమా దాకా పూర్ణ ప్రయాణం భేష్.  

నిజామాబాద్ జిల్లాలో ఎక్కడో మారుమూల గ్రామానికి చెందిన మలావత్ పూర్ణ చిన్ని వయస్సులోనే అద్భుతం చేసింది. అతి చిన్న వయస్సులోనే ఎవరెస్టు, కిలిమంజరో శిఖరాలను అధిరోహించిన బాలికగా రికార్డు నెలకొల్పింది. పాకాల గ్రామానికి చెందిన దేవిదాస్, లక్ష్మిల చిన్నకూతురు మలావత్ పూర్ణ. పెదరికం తమను వెంటాడుతున్నా సరైన విద్యావసతులు లేకున్నా అందుబాటులో ఉన్న అవకాశాలతో చదువు చెప్పించేందుకు మాత్రం పూర్ణ తల్లిదండ్రులు వెనుకాడలేదు.  

మలావత్ పూర్ణను ఆరో తరగతిలో ప్రభుత్వ గురుకుల పాఠశాలలో చేర్పించడం ఆ కుటుంబ స్వరూపాన్నే మార్చేసింది. పూర్ణ అద్భుతం చేసి ఇటు గ్రామంతోపాటు దేశానికే వన్నె తెచ్చిన బాలికగా ఘనత సాధించింది. ప్రపంచంలో అతి ఎత్తైన శిఖరమైన ఎవరెస్టును అధిరోహించి ఔరా అనిపించింది. ఆడపిల్లనే కదా అన్నవాళ్ల నోళ్లతోనే శెభాష్ అనిపించింది. అతి చిన్న వయసులోనే ఎవరెస్టు అధిరోహించిన బాలికగా గిన్నిస్ రికార్డును బద్దలు కొట్టింది.  

ఆరో తరగతి నుంచి తొమ్మిదో తరగతి వరకు పూర్ణ ఆటలు, చదువుల్లో ముందంజలో ఉంది. తొమ్మిదో తరగతిలో ఉండగా పాఠశాల నుంచి కొండలు ఎక్కేందుకు పూర్ణకు అవకాశం వచ్చింది. ఆమెతోపాటు రాష్ట్రంలో ఉన్న సాంఘిక సంక్షేమ పాఠశాలలు, కళాశాలల నుంచి చాలా మంది ముందుకొచ్చారు. ఈ క్రమంలో తాడ్వాయి పాఠశాల నుంచి ఇద్దరు ఎంపికయ్యారు. మొత్తం 110 మంది విద్యార్థులకు భువనగిరిలో ఐదు రోజులపాటు కొండలు ఎక్కే శిక్షణ ఇచ్చారు. ఇక్కడ 20మందిని ఎంపిక చేసి డార్జిలింగ్‌లో శిక్షణ ఇచ్చారు. కొండలు ఎక్కడంతో పాటు మంచు వాతావరణానికి అలవాటు పడటం, మంచులో నడవటం వంటి అంశాల్లో శిక్షణ ఇచ్చారు. ఇక్కడ 9 మందిని ఎంపిక చేయగా.. ఆరుగురు అబ్బాయిలు, ముగ్గురు బాలికలు ఉన్నారు. ఇందులో పూర్ణ స్థానం సంపాదించింది. చివరికి ఇద్దరిని మాత్రమే ఎవరెస్టు ఎక్కేందుకు ఎంపిక చేశారు.  

ఖమ్మం జిల్లా నుంచి ఆనంద్ కుమార్, నిజామాబాద్ జిల్లా నుంచి పూర్ణకు మూడు నెలలపాటు ఎవరెస్టు ఎక్కేందుకు శిక్షణ ఇచ్చారు. గౌలిదొడ్డి సాంఘిక సంక్షేమ పాఠశాలలో శిక్షణ కొనసాగింది. మూడునెలల తర్వాత పూర్ణ ఎవరెస్టు యాత్ర ప్రారంభమైంది. యాత్ర ప్రారంభంలోనే పూర్ణకు వాతావరణం, ఆహారం పడక వాంతులు అయ్యాయి. దీంతో 6400మీటర్ల దూరం నుంచి పూర్ణమను తిరిగి బేస్ క్యాంపుకు పంపించారు.  

మే 19న మళ్లీ బేస్ క్యాంపు నుంచి వీరి యాత్ర ప్రారంభమైంది. 7100 మీటర్ల వద్ద ఆక్సిజన్ సిలిండర్ సాయంతో శ్వాస తీసుకుంటూ వెళ్లారు. ఒకవైపు లోయ మరోవైపు మంచు.. ఈ రెండింటినీ తట్టుకుంటూ ముందుకు సాగారు. మే 24న 8300 మీటర్లున్న క్యాంప్ 3కు చేరుకున్నారు. దీన్ని డెత్ జోన్ అంటారు. వాతావరణ నివేదికను బట్టి మే 25కల్లా ఎవరెస్టు పైకి చేరాల్సి ఉండటంతో రాత్రంతా పూర్ణ, ఆనంద్ లు ఎవరెస్టు యాత్ర కొనసాగించారు. చివరకి 8వేల 848 మీటర్ల అతి ఎత్తైన ఎవరెస్టు శిఖరంపై జాతీయ పతాకాన్ని రెపరెపలాడించింది. మొత్తం 52 రోజుల ఎవరెస్టు యాత్రను ధైర్య సాహసాలతో ముగించారు. ఇంతటితో ఆగకుండా తాజాగా మలావత్ దక్షిణాఫ్రికాలోని అర్జెంటీనా పర్వంతం ఎక్కింది.  

తెలంగాణ రాష్ట్రంతో పాటు కుగ్రామమైన పాకాలను ప్రపంచ పటంలో నిలబెట్టింది పూర్ణ. ఎలాంటి అవకాశాలు లేని స్థితి నుంచి ఎవరెస్టును ఎక్కి గిన్నిస్ రికార్డు బద్దలు కొట్టింది. అతి చిన్న వయసులోనే ఎవరెస్టును అధిరోహించిన బాలికగా రికార్డు నమోదు చేసుకుంది. ఎవరికీ సాధ్యం కాని ఘనతను అందుకున్న పూర్ణ జీవిత కథ ఆధారంగా ఏకంగా సినిమాను తీశారు. గతేడాది మార్చి 31న పూర్ణ పేరుతో బాలీవుడ్ సినిమాను దర్శకుడు రాహుల్ బోస్ తెరకెక్కించారు. పూర్ణ పాత్రలో హైదరాబాద్ కు చెందిన అదితి నటించింది. పూర్ణ స్వగ్రామం పాకాలలో ఏడు రోజులపాటు సినిమాను చిత్రీకరించారు. మేరీకోమ్, ఎంఎస్ ధోనీ వంటి కొంతమంది జీవిత కథల ఆధారంగా సినిమాలు రాగా చిన్న వయసున్న పూర్ణ జీవితం తెరమీద ఆవిష్కృతం కావటం మరో అద్భుతంగా నిలిచింది.  

చిన్న వయసులోనే ఎన్నో ఘనతలు సాధించిన పూర్ణ వనితావనికి ఆదర్శంగా నిలుస్తోంది. బాలికలతో పాటు మహిళాలోకానికే స్ఫూర్తిగా నిలుస్తోంది. అరుదైన ఘనతలు సాధించిన పూర్ణ భవిష్యత్ పై దృష్టి పెట్టింది. మరికొన్ని శిఖరాలను అధిరోహించడం లక్ష్యంగా పెట్టుకున్న పూర్ణ ఐపీఎస్ ఆఫీసర్ కావాలని ముందుకు సాగుతోంది. పదిమందికి ఉపయోగపడేలా ఉండాలని కోరుకుంటోంది.

మరింత +
India vs Australia, 2nd ODI: Virat Kohli, Vijay Shankar star as India notch up 500th ODI victory

ఉత్కంఠగా సాగిన 2వ వన్డేలో భారత్ ఘన విజయం

భారత్-ఆస్ట్రేలియా మధ్య నాగ్‌పూర్‌లో జరిగిన రెండో వన్డేలో భారత్ ఘన విజయం సాధించింది. 251 పరుగుల లక్ష్యం చేరుకోలేక ఆస్ట్రేలియా ఓటమి పాలైంది. చివరి వరకు ఉత్కంఠగా సాగిన మ్యాచ్‌లో భారత్ ఘన విజయం సాధించింది. 8 పరుగుల తేడా రెండో వన్డేను కోహ్లీ సేన దక్కించుకుంది. టాస్ గెలిచిన ఆస్ట్రేలియా ఇండియాను బ్యాటింగ్‌కు ఆహ్వనించింది. యధావిధిగా భారత ఓపెనర్లు మరోసారి నిరాశపర్చారు. రోహిత్ శర్మ డకౌట్‌కాగా, శిఖర్ ధవన్ 21 పరుగులకే వెనుదిగాడు. దీంతో 32 పరుగులకే టీమిండియా ఓపెనర్లును కోల్పోయింది. ఈ సమయంలో కెప్టెన్ విరాట్ కోహ్లీ, ఆల్ రౌండర్ విజయ్ శంకర్‌తో కలిసి జట్టును నడింపించాడు. వీరిద్దరు నాలుగో వికెట్‌కు 81 పరుగుల భాగస్వామ్యాన్ని నెలకోల్పారు. విజయ్ శంకర్ వెనుదిరిగిన అనంతరం భారత బ్యాట్స్‌మెన్ పెవిలియన్‌కు క్యూ కట్టారు. కెప్టెన్ కోహ్లీ ఒక్కడే ఒంటరి పోరాటం చేశాడు. 120 బంతుల్లో 116 పరుగులు చేసిన కోహ్లీ జట్టు స్కోరు 248 పరుగుల వద్ద వెనుదిరిగాడు. దీంతో భారత్ 48.2 ఓవర్లలో 250 పరుగులకు ఆలౌట్ అయ్యింది. ఆస్ట్రేలియా బౌలర్లలో కమ్మిన్స్ 4, అడమ్ జంపా 2 వికెట్లతో రాణించారు.  

251 పరుగుల విజయలక్ష్యంతో బరిలోకి దిగిన ఆసిస్‌కు ఓపెనర్లు శుభారంభాన్ని అందించారు. మొదటి వికెట్‌కు 81 పరుగుల భాగస్వామ్యాన్ని నెలకొల్పారు. వీరద్దరి జోడి ప్రమాదకరంగా మారుతున్న తరుణంలో స్పిన్నర్ కుల్ధీప్ యాదవ్ ఫించ్‌ను ఔట్ చేశాడు. ఆ తర్వాత వచ్చిన ఆస్ట్రేలియా బ్యాట్స్‌మెన్‌ను భారత బౌలర్లు కుదురుకోనివ్వకుండ వెంటవెంటనే వికెట్లు తీసారు. అయితే ఆసీస్ బ్యాట్స్‌మెన్ స్టాయినోస్ చివరి వరకు తన పోరాటం కొనసాగించటంతో మ్యాచ్ ఉత్కంఠగా మారింది. చివరి ఓవర్లో ఆసీస్ విజయానికి 10 పరుగులు అవసరమవగా విజయ్ శంకర్ మొదటి బంతికే స్టాయినోస్‌ను ఔట్ చేసి ఉత్కంఠకు తెరిదించాడు. దీంతో స్టాయినోస్ 240 పరుగుల వద్ద 9 వికెట్ రూపంలో వెనుదిరిగాడు. మరో రెండు పరుగులు జోడించిన తర్వాత ఆసీస్ చివరి బ్యాట్స్‌మెన్ అడమ్ జంపాను.. విజయ్ శంకర్ బౌల్డ్ చేయటంతో భారత్ 8 పరుగుల తేడాతో విజయం సాధించింది. భారత బౌలర్లలో కుల్ధీప్ యాదవ్ 3 వికెట్లు దక్కించుకోగా విజయ్ శంక్, బుమ్రా చెరో రెండు వికెట్లతో రాణించారు.

మరింత +
India vs Australia 2nd ODI: World Cup auditions continue as India aim to carry on winning momentum

ఆస్ట్రేలియాతో రెండో వన్డేకు టీమిండియా రెడీ

ఆస్ట్రేలియాతో రెండో వన్డేకు టీమిండియా రెడీ అయింది. ఉప్పల్ వన్డేలో అదరగొట్టిన కొహ్లీ సేన అదే ఉత్సాహంతో మరో మ్యాచ్‌కు రెడీ అయింది. ఇరు జట్ల మధ్య నాగపూర్‌లో నేడు రెండో వన్డే జరగనుంది. తొలి వన్డేలో గెలుపుతో ఐదు మ్యాచుల సిరీస్‌లో 1-0 ఆధిక్యంలో ఉన్న భారత్ రెండో వన్డేలోను గెలిచి తన అధిక్యాన్ని పెంచుకోవాలని పట్టుదలతో ఉంది. వరల్డ్‌కప్ ముందట జరుగుతున్న చివరి సిరీస్‌ కావడంతో ఇందులోని ప్రతీ మ్యాచ్‌‌ను భారత్ కీలకం కానుంది. జట్టులో అందరూ ప్రతి ఒక్క ఆటగాడు సత్తాచాటి ఏ స్థానం విషయంలోనూ గందరగోళానికి ఆస్కారం లేకుండా ప్రపంచకప్‌ వైపు అడుగులు వేయాలని మెన్ ఇన్ బ్లూ కోరుకుంటోంది.  

ఐతే గత కొన్ని సిరీస్‌ల నుండి టీమిండీయాను ఓపెనర్ల వైఫల్యం కంగారు పెడుతోంది. కొన్నేళ్లుగా పరిమిత ఓవర్ల క్రికెట్లో భారత్ సాధించిన విజయాల్లో తొలి ముగ్గురు బ్యాట్స్‌మెన్‌ది కీలక పాత్ర. ఓపెనర్లు రోహిత్‌ శర్మ, శిఖర్‌ ధావన్‌ మంచి పునాది వేస్తే.. ఆ తర్వాత కోహ్లి తనదైన శైలిలో చెలరేగి ఆడి జట్టును విజయ తీరాల వైపు నడిపిపేవాడు. రోహిత్‌, ధావన్‌ల్లో ఒకరు విఫలమైనా ఇంకొకరు నిలబడి భారీ ఇన్నింగ్స్‌లు ఆడుతున్నారు. ఐతే ఈ మధ్య వీరద్దరు స్థాయికి తగ్గ ప్రదర్శన చేయలేకపోతున్నారు. భారీ ఇన్నింగ్స్‌లు ఆడటంలో విఫలమవుతున్నారు. ప్రస్తుత ఆస్ట్రేలియా సిరీస్‌లోనూ వీరి వైఫల్యం కొనసాగుతోంది. తొలి వన్డేలో ఇద్దరూ తేలిపోయారు. ఈ నేపథ్యంలో రెండో వన్డేలో అందరి దృష్టీ ఓపెనర్లపైనే మీదే నిలిచింది.  

ఇక ఆస్ట్రేలియా బ్యాట్స్‌మెన్‌లో గ్లెన్‌ మాక్స్‌వెల్‌ భారత్‌కు తలనొప్పిగా మారుతున్నాడు. ప్రస్తుత పర్యటనలో ఆడిన మూడు మ్యాచ్‌ల్లోనూ మాక్స్‌వెల్ సత్తా చాటాడు. టీమిండీయా బౌలర్లు అతన్ని కట్టడి చేయపోతే విజయంపై ఆశలను వదుకోవాల్సి వస్తుంది.ఇక బౌలింగ్ విషయంలో ఆస్ట్రేలియా పేస్ బౌలర్లు భారత బ్యాట్స్‌మెన్‌ను ఇబ్బంది పెడుతున్నారు. కట్టుదిట్టమైన బౌలింగ్‌తో పరుగులను కట్టడి చేస్తున్నారు. ఈ ముగ్గురినీ సమర్థవంతంగా ఎదుర్కోకాపోతే భారత్‌కు కష్టాలు తప్పవు. అయితే భారత్ ఈ మ్యాచ్‌‌లో ఎలాంటి మార్పులు లేకుండానే బరిలోకి దిగే అవకాశాలు కన్పిస్తున్నాయి.అటు ఆసీస్‌ మాత్రం టర్నర్‌ స్థానంలో షాన్‌ మార్ష్‌ను ఆడించే అవకాశం ఉంది.

మరింత +
India vs Australia 1st ODI: Dhoni, Jadhav and bowlers star as India take 1-0 lead

ఆసీస్‌పై భారత్ ప్రతీకారం: తొలి వన్డేలో గెలుపు

టి20 సిరీస్ లో ఎదురైన వరుస ఓటములకు టీమిండియా ప్రతీకారం తీర్చుకుంది. శనివారం హైదరాబాద్ లో జరిగిన తొలి వన్డే మ్యాచ్ లో ఆస్ట్రేలియాను 6 వికెట్ల తేడాతో ఓడించింది. ఆసీస్ విధించిన 237 పరుగుల లక్ష్యాన్ని భారత్ 48.2 ఓవర్లలో 4 వికెట్లు కోల్పోయి ఛేదించింది. మిడిలార్డర్ లో ప్లేయర్ ఆఫ్ ద మ్యాచ్ కేదార్ జాదవ్ 81, మహేంద్ర సింగ్ ధోనీ 59 పరుగులతో అజేయంగా నిలిచి జట్టును గెలుపు తీరాలకు చేర్చారు. కెప్టెన్ కోహ్లీ 44 పరుగులు సాధించాడు. భారత్ 99 పరుగులకే 4 వికెట్లు కోల్పోయినా జాదవ్, ధోనీ జోడీ అజేయమైన ఐదో వికెట్ కు 100కు పైగా పరుగులు జోడించి జట్టుకు విజయాన్నందించింది. 

అంతకుముందు టాస్ గెలిచిన బ్యాటింగ్ ఎంచుకున్న ఆస్ట్రేలియా 50 ఓవర్లలో 7 వికెట్లకు 236 పరుగులే చేయగలిగింది. ఓపెనర్ ఖవాజా 50, స్టోయినిస్ 37, మ్యాక్స్ వెల్ 40 పరుగులు సాధించారు. వికెట్ కీపర్ క్యారీ 36 పరుగులు చేశాడు. భారత బౌలర్లలో షమీ, బుమ్రా, కుల్దీప్ యాదవ్ తలో రెండు వికెట్లతో ఆసీస్ ను కట్టడి చేశారు. ఈ మ్యాచ్ లో గెలవడం ద్వారా భారత్ ఐదు వన్డేల సిరీస్ లో 1-0తో ఆధిక్యంలో నిలిచింది. ఇక రెండో వన్డే మార్చి 5న నాగ్ పూర్ లో జరగనుంది.

మరింత +
Ind vs Aus, 1st ODI in Hyderabad: Final test for India’s ‘potential contenders’ for World Cup

ఆస్ట్రేలియా భారత్‌ల మధ్య నేడు తొలి వన్డే

ఆస్ట్రేలియా భారత్‌ల మధ్య తొలి వన్డే నేడు ఉప్పల్ స్టేడియంలో జరగనుంది. ఇప్పటికే  టీట్వంటీ సీరీస్‌లో విజయం సాధించి ఆసీస్ మంచి జోరుమీద ఉంది. మరోవైపు భారత్ వన్డే సీరిస్‌లో ఆసీస్‌కు రివర్స్ పంచ్ ఇచ్చేందుకు కసరత్తు చేస్తోంది. మధ్యాహ్నం ఒంటి గంట 30 నిమిషాలకు రెండు జట్లు హోరాహోరీ పోరుకు సిద్ధం అవుతున్నాయి.

మరింత +
Australia wins a last-ball thriller over India in the opening T20 International

ఆసీస్‌తో తొలి టీ20లో 3 వికెట్లతో ఓడిన భారత్‌

ఆఖరి బంతి వరకు ఊపిరి బిగపట్టేలా చేసిన తొలి టీ20లో చివరకు భారత్‌కు నిరాశే ఎదురైంది. బిగ్‌ బాష్‌ లీగ్‌ జోష్‌లో ఉన్న ఆస్ట్రేలియా బ్యాట్స్‌మెన్‌ కడవరకు పోరాడి తమ జట్టుకు థ్రిల్లింగ్‌ విజయాన్ని అందించారు. ఫలితంగా ఆదివారం జరిగిన ఈ మ్యాచ్‌లో ఆసీస్ జట్టు 3 వికెట్ల తేడాతో నెగ్గింది. దీంతో పాటు రెండు టీ20ల సిరీస్‌లో 1-0తో ఆధిక్యంలో నిలిచింది. చివరి మ్యాచ్‌ బుధవారం బెంగళూరులో జరగనుంది. ముందుగా బ్యాటింగ్‌కు దిగిన భారత్‌ 20 ఓవర్లలో 7 వికెట్లకు 126 పరుగులు చేసింది. ఓపెనర్‌ రాహుల్‌ 36 బంతుల్లో 6 ఫోర్లు, 1 సిక్స్‌తో 50పరుగులు చేశాడు. కోహ్లీ 17 బంతుల్లో 3 ఫోర్లతో 24 పరుగలు చేయగా.. ధోనీ 37 బంతుల్లో 1 సిక్స్‌తో 29 పరుగులు మాత్రమే రాణించగా ఐదుగురు బ్యాట్స్‌మెన్‌ సింగిల్‌ డిజిట్‌కే పరిమితమయ్యారు. కల్టర్‌ నైల్‌కు మూడు వికెట్లు దక్కాయి. ఆ తర్వాత ఆసీస్‌ 20 ఓవర్లలో 7 వికెట్లకు 127 పరుగులు చేసి విజయం సాధించింది. మాక్స్‌వెల్‌ 43 బంతుల్లో 6 ఫోర్లు, 2 సిక్సర్లతో 56 పరుగులు చేశాడు. షార్ట్‌ 37 బంతుల్లో 5 ఫోర్లతో 37 పరుగులు చేసి కీలక ఇన్నింగ్స్‌ ఆడగా.. ఆఖర్లో కమిన్స్‌ 7 అదుర్స్‌ అనిపించారు. బుమ్రాకు మూడు వికెట్లు దక్కాయి. మ్యాన్‌ ఆఫ్‌ ద మ్యాచ్‌గా కల్టర్‌ నైల్‌ నిలిచాడు.

మరింత +
Instead of boycotting Pakistan, play and defeat them in World Cup 2019, says Sunil Gavaskar

పాక్‌ను బహిష్కరించే నిర్ణయం భారత్‌కు లేదు

వరల్డ్ కప్‌లో ఇండియా పాల్గొన కూడదన్న బీసీసీఐ నిర్ణయంపై మాజీ భారత కెప్టెన్ సునీల్ గవాస్కర్ స్పందించారు. వరల్డ్‌కప్ నుండి పాక్‌ను బహింష్కరించే నిర్ణయం భారత్‌కు లేదన్నారు. ఇతర దేశాలు పాక్‌ బహిష్కరణకు అంగీకరించపోవచ్చన్నారు. వరల్డ్‌కప్‌ను బహిష్కరిస్తే అది భారత్‌కే నష్టమని వెల్లడించారు. భారత్ వరల్డ్‌కప్‌లో పాకిస్థాన్‌తో తలపడి ఓడించాలన్నారు.

మరింత +
India will not play Pakistan in World Cup if government says so, ICC has nothing to do with it: BCCI source

వరల్డ్‌కప్‌లో భారత్ పాక్ మ్యాచ్‌పై అనుమానాలు

పుల్వామా దాడి నేపథ్యంలో వరల్డ్‌కప్‌లో భారత్ పాక్ మ్యాచ్ పై అనుమానాలు ఏర్పడుతున్నాయి. పాకిస్థాన్‌తో ద్వైపాక్షిక సిరీస్ ఆడే ప్రసక్తి లేదని ఇప్పటికే ఐపీఎల్ ఛైర్మన్ రాజీవ్ శుక్లా ప్రకటించించారు. అయితే వరల్డ్ కప్ లోనూ పాక్ తో మ్యాచ్ ఆడే ప్రసక్తి లేదని బీసీసీఐ స్పష్టతనిచ్చింది. ప్రపంచకప్‌లో మ్యాచ్ పై భారత ప్రభుత్వం నో చెబితే ఎట్టి పరిస్థితుల్లోనూ పాకిస్థాన్ తో మ్యాచ్ ఆడేది లేదని బీసీసీఐ తేల్చి చెప్పింది. ఈ విషయంపై ఐసీసీకి సంబంధం లేదన్న బీసీసీఐ అధికారులు తాము ఐసీసీని ఇప్పటివరకు సంప్రదించలేదని తెలిపారు. పుల్వామా దాడిలో చనిపోయిన జవాన్లకు నివాళులు అర్పించిన ఐసీసీ, వరల్డ్‌కప్ షెడ్యూల్‌లో ఎటువంటి మార్పు ఉండబోదని స్పష్టం చేసింది. రెండు దేశాల మధ్య ఆట మనుషులను దగ్గర చేస్తుందని అభిప్రాయం వ్యక్తం చేసింది. ఇక పాక్ తో మ్యాచ్‌కు భారత్ నో చెబితే పాకిస్థాన్ కు పాయింట్లు లభించే అవకాశం ఉంది. ఒకవేళ ఫైనల్ లో భారత్ తో పాక్ తలపడాల్సి వస్తే ప్రపంచకప్ పాకిస్థాన్ నే వరించనుంది.

మరింత +
Pulwama Attack: World Cup Is Far Away, Says IPL Chairman Rajiv Shukla On India vs Pakistan Match

పాక్‌తో భారత్ ఇక మ్యాచ్‌లు ఆడదు

భారత్‌, పాకిస్థాన్‌ ల మధ్య ధ్వైపాక్షిక సిరీస్‌ జరిగే అవకాశం లేదని ఇండియన్‌ ప్రీమియర్‌ లీగ్‌ (ఐపీఎల్) ఛైర్మన్‌ రాజీవ్‌ శుక్లా తెలిపారు. రానున్న ప్రపంచ కప్‌లో భారత్‌-పాక్‌ల మధ్య జరగాల్సిన మ్యాచుల గురించి తాను ఇప్పట్లో ఏమీ చెప్పలేనని వ్యాఖ్యానించారు. జమ్ముకశ్మీర్‌లోని పుల్వామాలో ఉగ్రదాడిని ఖండిస్తూ.. భారత్-పాక్‌ ధైపాక్షిక మ్యాచులపై భారత్ తీరు స్పష్టంగా ఉందన్నారు. ప్రభుత్వం ఒప్పుకునే వరకు పాక్‌తో టీమిండియా ఆడదని ఖరాకండిగా చెప్పారు. పాక్ ఉగ్రవాదాన్ని ప్రోత్సహిస్తుంటే ఆ ప్రభావం క్రీడలపైన కూడా పడుతుందన్నారు.  

ఇటు పుల్వామా ఉగ్రదాడి నేపథ్యంలో పాకిస్థాన్‌ సూపర్‌ లీగ్‌(పీఎస్‌ఎల్‌) క్రికెట్‌ ప్రసారాల నుంచి వైదొలుగుతున్నట్లు ఐఎంజీ రిలయన్స్‌ ప్రకటించింది. ఈ మేరకు ఐఎంజీ రిలయన్స్‌ పాకిస్థాన్‌ క్రికెట్‌ బోర్డుకు తెలియజేసింది. దాడిని తీవ్రంగా ఖండించిన సంస్థ తక్షణమే పీఎస్‌ఎల్‌ ప్రసారాల నుంచి వైదొలుగుతున్నట్లు తెలిపింది. పాకిస్థాన్‌ సూపర్‌ లీగ్‌ మ్యాచ్‌లను ప్రసారం చేసేందుకు ఐఎంజీ రిలయన్స్‌ గతంలో పాకిస్థాన్‌ క్రికెట్‌ బోర్డుతో ఒప్పందం కుదుర్చుకుంది. అటు ప్రసారాల నుంచి రిలయన్స్‌ తప్పుకున్నట్లు అధికారికంగా ధ్రువీకరించిన పాకిస్థాన్‌ క్రికెట్‌ బోర్డు మరో సంస్థ కోసం అన్వేషిస్తున్నట్లు సమాచారం.

మరింత +
Badminton Nationals 2019: Saina Nehwal sets up women's singles final vs PV Sindhu

జాతీయ బ్యాడ్మింటన్‌ టోర్నీలో సింధు, సైనా ఢీ

జాతీయ సీనియర్‌ బ్యాడ్మింటన్‌ టోర్నీలో మరో ఉత్కంఠ పోరుకు రంగం సిద్ధమైంది. మహిళల సింగిల్స్‌ ఫైనల్లో భారత టాప్‌ షట్లర్లు పి.వి.సింధు, సైనా నెహ్వాల్‌ టైటిల్‌ సమరానికి సిద్దమయ్యారు. అస్సాం రాజధాని గౌహతిలో ఈ మ్యాచ్ జరగనుంది . గతేడాది ఫైనల్లో వీరిద్దరే తలపడగా సైనా విజేతగా నిలిచింది. దీంతో ఈ సారి టైటిల్ నెగ్గి సైనాపై ప్రతీకారం తీర్చుకోవాలని సిందు గట్టి పట్టుదలతో ఉంది. సైనా ఇప్పటి వరకు మూడు సార్లు జాతీయ టైటిల్‌ నెగ్గగా.. సింధు రెండు సార్లు సొంతం చేసుకుంది. పురుషుల సింగిల్స్‌లో లక్ష్యసేన్‌, సౌరభ్‌ వర్మ ఫైనల్లో ప్రవేశించారు.

మరింత +
Australia tour of India, 2019: India Squad To Be Announced today

ఆస్ట్రేలియాతో వన్డే, టెస్టు సిరీస్‌కు నేడు జట్టు ఎంపిక

ఆస్ట్రేలియాతో వన్డే, టెస్టు సిరీస్ ఆడనున్న భారత జట్టును బీసీసీఐ ఇవాళ ప్రకటించనుంది. ప్రపంచకప్‌కు ముందు జరగనున్న కీలక ఫైట్ కావడంతో జట్టు ఎంపికలో సెలక్టర్లు జట్టు ఎంపికను ప్రతిష్టాత్మకంగా తీసుకున్నారు. వరల్డ్ కప్ లో ఆడే జట్టునే ఎంపిక చేస్తారని తెలుస్తోంది. ఇక జట్టులో ఇప్పటికే 13 మంది ఆటగాళ్ల ఎంపిక పూర్తయినట్లు తెలుస్తోంది. మిగిలిన రెండు స్ధానాల కోసం సెలక్షన్ కమిటీ ఇవాళ భేటీ కానుంది. ఈనెల 24 నుంచి ఆస్ట్రేలియా జట్టు భారత్ లో పర్యటించనుంది.  

ఆస్ట్రేలియాతో వన్డే, టెస్టు సిరీస్ జట్టు కూర్పును పరీక్షించేందుకు చివరి అవకాశం కావడంతో రెండు బెర్తులపై సెలక్టర్లు తీవ్ర కసరత్తు చేస్తున్నారు. వీటిలో రెండో వికెట్ కీపర్ తో పాటు లెఫ్టార్మ పేసర్ బెర్తుపై నిర్ణయ తీసుకోనున్నారు. ఈ రెండు స్థానాల కోసం రిషబ్ పంత్, కేఎల్ రాహుల్ పోటీ పడుతున్నారు. రెండో వికెట్ కీపర్ కోసం రిషబ్ పంత్, దినేష్ కార్తీక్ మధ్య తీవ్ర పోటీ నెలకొంది. ఇక పేసర్ ఖలీల్ అహ్మద్ నిలకడలేమి కారణంగా సెలక్టర్లు అనుభవజ్ఞుడిగా పేరున్న ఉనద్కత్ వైపే మొగ్గు చూపుతున్నారు. ఇక ఇప్పటి వరకు లిస్టులోనే లేని కేఎల్ రాహుల్ పేరు తెరపైకి వచ్చింది.  

ఇక మూడో ఓపెనర్ గా సీనియర్ బ్యాట్స్‌మెన్ ఆజింక్య రహాన్ పేరు కూడా వినిపిస్తోంది. పరిమిత క్రికెట్ లో సెలక్టర్లు రహానేను పక్కనబెట్టడంతో కేఎల్ రాహుల్ జట్టులోకి వచ్చే అవకాశం ఉన్నట్లు తెలుస్తోంది. ఇక ఆసీస్ సిరీస్ లో రోహిత్ కు విశ్రాంతి ఇచ్చి ధావన్ కు జోడిగా కేఎల్ రాహుల్ ను పరిక్షించే అవకాశం ఉన్నట్లు తెలుస్తోంది.ఇక సెలక్టర్లు నలుగురు పేసర్లు ,ఇద్దరు ఆలౌరౌండర్లను ఎంపిక చేస్తారా ఎంతమందిని జట్టులోకి తీసుకుంటారనే చర్చ నడుస్తోంది.ఇక బుమ్రా, మహ్మద్ షమీ బెర్తులు ఖాయమైనట్లు తెలుస్తోంది. ఖలీల్ అహ్మద్, ఉనద్కత్, విజయ్ శంకర్ పేర్లను సెలక్టర్లు పరిశీలించనున్నారు. ఇక సీనియర్లు కూడా రిషబ్ కోసమే పట్టుబడుతుండటంతో రిషబ్ వైపే బీసీసీఐ సెలక్షన్ కమిటీ మొగ్గు చూపునున్నట్లు తెలుస్తోంది.

మరింత +