ముఖ్యాంశాలు

No Leadership in Congress says BJP Leader DK Aruna

హస్తంలో ప్రశ్నించే గొంతు లేకుండా పోయింది

తెలంగాణలో ప్రజాస్వామ్యాన్ని ఖూనీ చేస్తున్నారని సీఎం కేసీఆర్‌పై డీకే అరుణ ఫైర్ అయ్యారు. మాయమాటలతో ప్రజలను మభ్యపెడుతున్నారంటూ ఆగ్రహం వ్యక్తం చేశారు. రాష్ట్రంలో కాంగ్రెస్ పార్టీ క్షీణించిపోయందని తెలిపారు. హస్తంలో ప్రశ్నించే గొంతు లేకుండా పోతుందని ఆవేదన వ్యక్తం చేశారు. ప్రస్తుత పరిస్థితుల్లో దేశానికి రక్షణ కల్పించే సత్తా ఒక్క బీజేపీకే ఉందన్నారు. తెలంగాణలో బీజేపీని మరింత బలోపేతం చేస్తామని చెప్పారు.

మరింత +
Priest's shower colorful Holi water on revelers during Holi in Mathura

బృందావన్‌లో హోలీ సంబరం: 6రోజుల ఉత్సవం

ఉత్తర ప్రదేశ్‌లోని శ్రీకృష్ణుడి జన్మస్థానమైన మథుర బృందావన్‌లో హోలీ సంబరాలు అంబరాన్నిఅంటాయి. బృందావన్‌లో ప్రముఖ దేవాలయం బన్కే-బీహారి దేవాలయంలో జరిగిన హోలీ ఉత్సవాల్లో భక్తులు పెద్ద సంఖ్యలో పాల్లొన్నారు. ఒకరపై మరొకరు రంగులు చల్లుకుంటు హోలీ సంబరాల్లో మునిగి తేలారు. హోలీ పురష్కరించుకొని మథురలో ఆరు రోజుల పాటు ప్రత్యేక ఉత్సవాలు నిర్వహిస్తారు.

మరింత +
Hi-Tech City Metro Rail on tracks from 4 PM today

హైటెక్ సిటీ మెట్రో రైల్‌ను ప్రారంభించిన గవర్నర్

హైదరాబాద్ నగర వాసులకు నేటితో ట్రాఫిక్ కష్టాలు తీరనున్నాయి. అమీర్ పేట్-హైటెక్ సిటీ‌ మెట్రో రైల్‌ మార్గాన్ని గవర్నర్ నరసింహన్‌ అమీర్ పేట స్టేషన్‌లో జెండా ఊపి ప్రారంభించారు. ప్రస్తుతం ఎన్నికల కోడ్ అమల్లో ఉన్నందున ఎలాంటి హడావుడి లేకుండా ప్రారంభోత్సవ కార్యక్రమం జరిగింది. దీంతో నాగోల్ నుండి శిల్పారామం వరకు ఉన్న కారిడార్ 3 మొత్తం 27 కిలో మీటర్లు అందుబాటులోకి రానుంది.  

అమీర్ పేట-హైటెక్ సిటీ మధ్య 10 కిలో మీటర్ల మార్గంలో మొత్తం 8 మెట్రో స్టేషన్లు ఉన్నాయి. ప్రస్తుతానికి జూబ్లీ హిల్స్ చెక్ పోస్టు, పెద్దమ్మగుడి, మాదాపూర్ మెట్రో స్టేషన్ల మెట్రో రైలు ఆగదని, కొన్ని వారాల తర్వాత ఈ స్టేషన్ల లో మెట్రో ఆగుతుందని అధికారులు తెలిపారు. ప్రతి 9 నుంచి 12 నిమిషాలకు ఓ మెట్రో రైలు అందుబాటులో ఉంటుందని, ఇవాళ సాయంత్రం 4 గంటల నుంచి ప్రయాణికులకు అనుమతి ఇవ్వనున్నట్లు అధికారులు స్పష్టం చేశారు.

మరింత +
Dharmapuri Laxmi Narasimha's Brahmotsava Celebrations

3 రోజులపాటు ధర్మపురి నర్సన్న బ్రహ్మోత్సవాలు

ధర్మపురి లక్ష్మీనరసింహుని సన్నిధానం ఆధ్యాత్మిక శోభను సంతరించుకుంది. ఈ నెల 17న వరాహతీర్థం, పుట్టబంగారం కార్యక్రమంతో ప్రారంభమైన ధర్మపురి నర్సన్న జాతర బ్రహ్మోత్సవాలు అంగరంగ వైభవంగా జరుగుతున్నాయి. నేటి నుంచి మూడు రోజుల పాటు జరగనున్న తెప్పోత్సవం ధర్మపురిలో ప్రత్యేక ఆకర్షణగా నిలవనుంది. ఇక ఈ నెల 25న లక్ష్మీనరసింహుడిని రథోత్సవం పై ఊరేగించనున్నారు. ఈనెల 29న జరిగే స్వామివార్ల ఏకాంతోత్సవాలతో ధర్మపురిలో బ్రహ్మోత్సవాలు ముగియనున్నాయి. స్వామివారి జాతరకు సంబంధించి పాలకవర్గం సకల ఏర్పాట్లు పూర్తి చేసింది. శేషప్ప కళావేదికపై నిర్వహించే సాంస్కృతిక కార్యక్రమాలు ఆహూతులను అలరించనున్నాయి. ధర్మపురి జాతరకు వచ్చే భక్తులకు ఆర్టీసీ ప్రత్యేక బస్సులను ఏర్పాటు చేసింది. స్వామివారి జాతరకు మహారాష్ట్రతో పాటు ఇతర ప్రాంతాల నుంచి కూడా భక్తులు పెద్ద ఎత్తున తరలిరానున్నారు.

మరింత +
Telangana Congress suffers another blow: Former Minister DK Aruna joins BJP

టీఆర్ఎస్‌‌ కంటే బలమైన శక్తి బీజేపీ: డీకే అరుణ

తెలంగాణలో బీజేపీ గెలుపు కోసం కృషి చేస్తానని మాజీ మంత్రి డీకే అరుణ తెలిపారు. ఆ పార్టీ జాతీయ అధ్యక్షుడు అమిత్ షా సమక్షంలో గులాబీ కండువా కప్పుకున్న ఆమె మోడీ నాయకత్వం దేశానికి ఎంతో అవసరమన్నారు. తెలంగాణలో టీఆర్ఎస్‌ను ఎదుర్కొనేందుకు బలమైన శక్తిగా బీజేపీని నిలబెడుతామన్నారు డీకే అరుణ.

మరింత +
The Much awaited Hitech City - Ameerpet metro stretch to be flagged off on March 20

టెకీ జాబర్స్‌కు ఊరట: హైటెక్‌ సిటీ మెట్రో షురూ

సాఫ్ట్‌వేర్ ఉద్యోగులు ఎప్పుడెప్పుడా అని ఎదురుచూస్తున్న మెట్రో సేవలు బుధవారం( మార్చి 20) నుంచి అమీర్‌పేట - హైటెక్‌సిటీ మధ్య ప్రారంభం కానున్నాయి. అమీర్‌పేట-హైటెక్‌సిటీ మార్గంలో మెట్రోరైలు కోసం ప్రజలు ఎంతోకాలంగా ఎదురుచూస్తున్నారు. మాదాపూర్, హైటెక్‌సిటీ, జూబ్లీహిల్స్, బంజారాహిల్స్ ప్రాంతాల్లోని సాఫ్ట్‌వేర్ కంపెనీలు, ఇతర సంస్థల్లో పెద్ద సంఖ్యలో ఉద్యోగులు పనిచేస్తుంటారు. వీరు రోజూ తమ కార్యాలయాలకు వచ్చివెళ్లేందుకు ట్రాఫిక్‌లో తీవ్ర ఇబ్బందులు పడుతున్నారు. మరికొన్ని గంటల్లో వారి ట్రాఫిక్ కష్టాలు తీరనున్నాయి.  

ఈ కారిడార్‌లో మెట్రో రైళ్లు నడపడానికి గత నవంబరు నాటికే నిర్మాణాలు పూర్తయ్యాయి. నాలుగు నెలలుగా ఈ కారిడార్‌లో ట్రయల్‌ రన్‌ నిర్వహిస్తున్నారు. ప్రయాణికుల కోసం రైళ్లు నడపడానికి సీఎంఆర్‌ఎస్‌ అనుమతి తప్పనిసరి కావడంతో మెట్రో రైలు ప్రాజెక్టు అధికారులు ఇంతకాలం వేచి చూశారు. తాజాగా అనుమతి రావడంతో ఈ మార్గంలో ప్రయాణికులకు మెట్రో రైలు అందుబాటులోకి రానుంది. ప్రస్తుతం ఎన్నికల కోడ్‌ అమల్లో ఉన్నందున హడావుడి, ప్రచార ఆర్భాటం లేకుండా ఈ మార్గంలో మెట్రో రైలు సేవలను ప్రజలకు అందుబాటులోకి తేవాలని హైదరాబాద్‌ మెట్రో రైలు ప్రాజెక్టు అధికారులు నిర్ణయించారు.  

ఈ మార్గంలో అమీర్‌పేట్‌, మధురానగర్‌, యూసఫ్‌గూడ, జూబ్లీహిల్స్‌రోడ్‌ నంబర్‌-5, జూబ్లీహిల్స్‌ చెక్‌పోస్ట్‌, పెద్దమ్మగుడి, మాదాపూర్‌, దుర్గంచెరువు, హైటెక్‌సిటీ స్టేషన్‌లుంటాయి. ఈ మార్గం కూడా అందుబాటులోకి రానుండటంతో ఇప్పుడు హైదరాబాద్‌లో మూడు కారిడార్లలో సేవలు అందుతున్నట్లు లెక్క. 29 కిలోమీటర్ల మియాపూర్‌-ఎల్‌బీనగర్‌ లైను, 17 కిలోమీటర్ల నాగోల్‌-అమీర్‌పేట్‌ లైను ఇప్పటికే ప్రారంభమైంది. 10 కిలోమీటర్ల అమీర్‌పేట్‌-హైటెక్‌సిటీ మార్గం మొదలవుతుడటంతో మొత్తం 56 కిలోమీటర్ల నిడివి కలిగిన మెట్రో మార్గం అందుబాటులోకి వస్తోంది.  

మొత్తానికి అమీర్‌పేట్‌-హైటెక్‌సిటీ మెట్రో మార్గం ప్రారంభంతో సాఫ్ట్ వేర్ ఉద్యోగల ప్రయాణ సమస్యలతో పాటు ట్రాఫిక్ కూడా తగ్గుతుందని భావిస్తున్నారు.

మరింత +
Nama Nageshwar Rao resigns TDP party, likely to join in TRS to contest in Lok Sabha polls from Khammam

టీడీపీకి నామా నాగేశ్వర్‌రావు రాజీనామా

టీడీపీకి నామా నాగేశ్వర్‌రావు రాజీనామా చేశారు. తన రాజీనామా లేఖను ఇప్పటికే చంద్రబాబుకు పంపినట్లు తెలుస్తోంది. ఉమ్మడి ఖమ్మం జిల్లాలో బలమైన నేతగా ఎదిగిన నామా నాగేశ్వర్ రావు 2018 అసెంబ్లీ ఎన్నికల్లో ఖమ్మం నియోజకవర్గం నుంచి టీడీపీ తరపున పోటీ చేసి ఓటమి పాలయ్యారు. ఇక నిన్న టీఆర్‌ఎస్ అధినేత కేసీఆర్ తో నామా సమావేశమయ్యారు. లోక్‌సభ ఎన్నికల్లో భాగంగా ఆయన ఖమ్మం నుంచి టీఆర్ఎస్ అభ్యర్థిగా పోటీ చేసే అవకాశం ఉందని తెలుస్తోంది.

మరింత +
Farmers protest at Kalwakurthy in Nagarkurnool over fake cotton seeds production

నకిలీ పత్తి విత్తనాల తయారీలో అధికారుల హస్తం

నాగర్ కర్నూల్ జిల్లా కల్వకుర్తిలో జోరుగా నకిలీ పత్తి విత్తనాల తయారీ ముఠాను ఎన్‌ఫోర్స్ మెంట్ అధికారులు పట్టుకున్నారు. ఓ ఇంట్లో విత్తనాలను తయారీ చేస్తున్న సామాగ్రితో పాటు 65 పత్తి విత్తనాల బ్యాగులు, కెమికల్స్ ను స్వాధీనం చేసుకున్నారు. అయితే విత్తనాల తయారీ వెనుక ప్రభుత్వ అధికారుల హస్తముందని రైతులు ఆందోళనకు దిగారు.

మరింత +
Election race between Father and Daughter in Araku MP elections in Vishakapatnam

అరకు ఎంపీ రేసులో తండ్రికి, కూతురు సవాల్

విశాఖపట్నం అరకు రాజకీయాల్లో ఆసక్తి పరిణామం చోటు చేసుకుంది. టీడీపీ తరుపున మాజీ కేంద్ర మంత్రి కిశోర్ చంద్రదేవ్ పోటీ చేస్తున్నారు. ఆయన పోటీ చేసేందుకు కాంగ్రెస్ పార్టీ చంద్రదేవ్ కూతురును బరిలోకి దింపుతోంది. కుమార్తె శృతి దేవీకి కాంగ్రెస్ పార్టీ అరకు ఎంపీ సీటు కేటాయించింది. దీంతో ఎన్నికల ప్రచారంలో తండ్రిని కూతురు సవాల్ చేయనుంది. ఇక ఇదే నియోజకవర్గం నుంచి వైఎస్ఆర్ కాంగ్రెస్ తరఫున గొడ్డేటి మాధవి బరిలో ఉన్నప్పటికి అందరి దృష్టి మాత్రం తండ్రి - కూతురు పోరాటంపైనే ఉంది.

మరింత +
Farmers files nominations for Lok Sabha against Kalvakuntla Kavitha in Nizamabad over MSP issue

నిజామాబాద్‌లో రైతుల మూకుమ్మడి నామినేషన్లు

పసువు, ఎర్రజొన్న పంటలకు మద్దతు ధర కోసం నిజామాబాద్ జిల్లాలో రైతులు వినూత్న నిరసనకు సిద్ధమయ్యారు. నిజామాబాద్ లోక్‌సభ స్థానానికి మూకుమ్మడిగా నామినేషన్లు దాఖలు చేయాలని రైతులు నిర్ణయించుకున్నారు. 10 మండలాల నుంచి గ్రామానికి ఐదుగురు చొప్పును నామినేషన్లు వేయాలని రైతులు నిర్ణయించుకున్నారు. జగిత్యా, కోరుట్ల మెట్ పల్లి రైతులు ముందుకు వచ్చారు. కేంద్ర, రాష్ట్ర ప్రభుత్వాలు తమ సమస్యను పరిష్కారించకపోవడంతో దేశ వ్యాప్తంగా చర్చ జరగాలని తాము పోటీకి దిగుతున్నట్లు రైతులు వెల్లడించారు. వందపైగా నామినేషన్లు దాఖలు అయితే ఈవిఎం బదులు బ్యాలెట్ ద్వారా ఎన్నిక జరిపే అవకాశం ఉందని అధికారులు తెలిపారు.

మరింత +
TDP Chief Nara Chandrababu Naidu fire on YCP Chief Jagan and TRS Chief KCR over Data theft

జగన్, కేసీఆర్‌లపై విరుచుకుపడ్డ చంద్రబాబు

వైఎస్ జగన్‌పై ఏపీ సీఎం చంద్రబాబు విరుచుకుపడ్డారు. టీడీపీ కార్యకర్తల డేటాను చోరి చేసి నాటకాలాడుతున్నారని మండిపడ్డారు. అవినీతి కేసులతో వైఎస్ జగన్ తెలంగాణ సీఎం కేసీఆర్ దగ్గర ఇరుకున్నారని కేసులకు బయపడే కేసీఆర్ చెప్పినట్టుగా చేస్తున్నాడని ఆగ్రహం వ్యక్తం చేశారు. కేసులకు బయపడే తెలంగాణ సీఎం ఏపీకి రావడానికి బయపడుతున్నారని అందుకే జగన్‌ను అడ్డుపెట్టుకొని రాజకీయాలు చేస్తున్నారని ఏపీ సీఎం చంద్రబాబు మండిపడ్డారు. పోలవరం ప్రాజెక్ట్‌ను ఆపడానికే తెలంగాణ ప్రభుత్వం సుప్రీం కోర్టులో కేసు వేసిందని ఆగ్రహం వ్యక్తంచేశారు. కేసీఆర్ ఎక్కడి నుంచో రాలేదని ఒకప్పుడు తన కిందే పనిచేశారన్నారు. తెలంగాణ ప్రభుత్వ పథకాల కన్నా మన పథకాలే మెరగని చంద్రబాబు తెలిపారు.

మరింత +
YS Jagan Promised to stand with poor in Election Campaign at Panyam in Andhrapradesh

ప్రజలకు జగన్ భరోసా: నేను విన్నాను..నేను ఉన్నాను

ఎన్నికల ప్రచారం వైఎస్సార్ సీపీ అధినేత వైఎస్ జగన్ దూసుకెళ్తున్నారు. పాణ్యం నియోజకవర్గం ఓర్వకల్లు లో ఎన్నికల ప్రచారంలో పాల్గొన్న వైఎస్ జగన్ సీఎం చంద్రబాబు పై విమర్శలు గుప్పించారు. ఎన్నికల్లో విజయం కోసం అడ్డదారులు తొక్కుతున్నారని ఎద్దేవా చేశారు. హత్యా రాజకీయాలకు సైతం దిగజారుతున్నారని ఆరోపించారు. ఎన్నికలకు ముందు మూడు నెలల ముందు పెన్షన్లు పెంచారని ఆగ్రహం వ్యక్తం చేశారు. డ్వాక్రా మహిళా సంఘాలను, యువతను, రైతులను చంద్రబాబు మోసం చేశారని విమర్శించారు. పాదయాత్రలో ప్రజల బాధలను కల్లారా చూశానని విన్నానన్నారు. ప్రజల కోసం తాను ఉన్నానని భరోసా ఇచ్చారు వైఎస్ జగన్.

మరింత +
C-VIGIL App becomes live again from today

ఎన్నికల్లో ఫిర్యాదుకు సి-విజిల్‌ యాప్‌

ఎన్నికల నియమావళిని ఉల్లంఘించే వారిపై నేరుగా ఎన్నికల సంఘానికి ఫిర్యాదు చేయడానికి రూపొందించిన సి-విజిల్‌ యాప్‌ నేటి నుంచి అందుబాటులోకి రానుంది. ఉల్లంఘనకు పాల్పడిన ఘటనకు సంబంధించిన ఫొటో, వీడియోను ఈ యాప్‌లో అప్‌లోడ్‌ చేయడం ద్వారా ఫిర్యాదు చేయవచ్చు. యాప్‌ ద్వారా వచ్చే ఫిర్యాదుల్ని ఎన్నికల సంఘం సుమోటోగా స్వీకరించి ఇందుకు సంబంధించిన వారిపై చర్యలు తీసుకునేందుకు రెడీగా ఉందని ఈసీ ప్రకటించింది. ఫిర్యాదులపై 100 నిమిషాల్లోపు స్పందించాలని, నిఘా బృందాలు క్షేత్రస్థాయిలో పరిశీలించిన తర్వాతే కేసు నమోదు చేయాలని ఈసీ అధికారులు స్పష్టం చేశారు. అనుమతి లేకుండా ప్రచార పోస్టర్లను ఏర్పాటు చేస్తే సంబంధిత వ్యక్తులకు తెలియజేయాలని సూచించారు. వారు స్పందించకపోతే ఆయా నియోజకవర్గాల రిటర్నింగ్‌ అధికారుల ఆధ్వర్యంలో వాటిని తొలగించి అపరాధ రుసుము విధించాలని ఆదేశించారు.  

ఎన్నికల్లో పోటీ చేసే అభ్యర్థులు వివిధ అనుమతుల కోసం న్యూ సువిధా యాప్‌ ద్వారా దరఖాస్తు చేసుకునే వెసులుబాటును కూడా ఎన్నికల కమిషన్ రెడీ చేసింది. దరఖాస్తులు ఏ స్థాయిలో ఉన్నాయో మొబైల్‌ ద్వారా తెలుసుకోవచ్చని అధికారులు తెలిపారు. ఈ దరఖాస్తులను రవాణా, పోలీసు, అగ్నిమాపక శాఖల అధికారులు సమన్వయం చేసుకొని అనుమతులు ఇవ్వాల్సి ఉంటుందని చెప్పారు. నామినేషన్లు, ప్రచారానికి సంబంధించిన అనుమతులు, ఓట్ల లెక్కింపు, ఫలితాల నిర్వహణ వంటి అంశాలకు సంబంధించిన వివరాల్ని శాసనసభ, లోక్‌సభ నియోజకవర్గాల రిటర్నింగ్‌ అధికారులు ఎప్పటికప్పుడు న్యూ సువిధా యాప్‌కు అనుసంధానించాలన్నారు అధికారులు.

మరింత +
The Christchurch Mosque Massacre: One Hyderabadi, Faraz dead

న్యూజిలాండ్‌ మసీదు కాల్పుల్లో నగర యువకుడు హతం

న్యూజిలాండ్‌లో జరిగిన కాల్పుల్లో 40 మంది మృతి చెందారు. ఈ సంఘటనలో హైదరాబాద్‌లోని టోలిచౌకి నదీమ్ కాలనీకి చెందిన ఫరాజ్ తీవ్రంగా గాయపడ్డారు. సమాచారం అందడంతో కుటుంబసభ్యులు శోకసంద్రంలో మునిగిపోయారు. నగర మేయర్ బొంతు రామ్మోహన్, కార్వాన్ ఎమ్మెల్యే కౌసర్ మొయినుద్దీన్ ఫరాజ్ కుటుంబ సభ్యులను పరామర్శించారు. ప్రభుత్వం తరపున వారికి సహాయం అందిస్తామని మేయర్ బొంతు రామ్మోహన్ హామీ ఇచ్చారు.

మరింత +
Chandrababu Naidu suspects YS Vivekananda Reddy's family’s role in murder

ఈ హత్యతో ఎవరికి సంబంధం ఉందో తెలియాలి?

వైఎస్ వివేకానంద రెడ్డి హత్యపై రాజకీయం చేస్తున్నారని ఏపీ సీఎం చంద్రబాబు నాయుడు ఆరోపించారు. ఆసుపత్రికి వెళ్లిన తర్వాత గుండె పోటు అని చెప్పి ఇప్పుడు హత్య అంటున్నారనీ ఇంతలా చేయాల్సిన అవసరమేంటని చంద్రబాబు ప్రశ్నించారు. మృతదేహం పడిన తీరు చూస్తుంటే అది మర్డర్ అని స్పష్టంగా తెలిసిపోతుందన్నారు. ఆసుపత్రికి తీసుకెళ్లేదాక హత్య అన్న విషయాన్ని ఎందుకు దాచారని చంద్రబాబు అన్నారు. ఈ హత్యతో ఎవరికి సంబంధం ఉందో తెలియాలని అన్నారు చంద్రబాబు నాయుడు.

మరింత +