ఆంధ్రప్రదేశ్ వార్తలు

AP CM Chandrababu Naidu road show in Eluru in Andhrapradesh

నేడు ఏలూరులో చంద్రబాబు రోడ్ షో

నేటి నుంచి టీడీపీ అధ్యక్షుడు చంద్రబాబు నాయుడు ఎన్నికల ప్రచారం నిర్వహించనున్నారు. బహిరంగ సభలు,రోడ్ షో ల ద్వారా ప్రజల్లోకి వెళ్తున్నారు చంద్రబాబు. ఇవాళ మధ్యాహ్నం చింతలపూడి నుంచి ప్రచారం ప్రారంభించనున్నారు. సాయంత్రం నూజివీడు బహిరంగ సభలో పాల్గొంటారు. రాత్రి ఏడు గంటలకు ఏలూరులో రోడ్ షో, బహిరంగ సభలలో పాల్గొని టీడీపీ మేనిఫెస్టో విడుదల చేయనున్నారు.

మరింత +
Janasena Party Chief Pawan Kalyan to contest from Gajuvaka and Bheemavaram Assembly seats in AP Elections

ఏపీలో పవన్ పోటీ చేసే అసెంబ్లీ స్థానాలు ఇవే...

జనసేన అధినేత పవన్ కళ్యాణ్ ఏపీ అసెంబ్లీ ఎన్నికల్లో తాను ఎక్కడి నుంచి పోటీ చేస్తారో ఆ స్థానాలను అధికారికంగా ప్రకటించారు. ఆయన పశ్చిమగోదావరి జిల్లాలోని భీమవరం, అలాగే విశాఖలోని గాజువాక నియోజకవర్గాల నుంచి పవన్ పోటీ చేయనున్నట్లు ఇవాళ వెల్లడించారు. పార్టీలో విస్తృత చర్చల అనంతరం నాయకుల ఆమోదంతో మధ్యాహ్నం ఒంటి గంట సమయంలో పవన్ పోటీ చేసే స్థానాలను తెలియజేశారు. గాజువాక నియోజకవర్గాల్లో కాపు ఓటు బ్యాంకు పెద్ద సంఖ్యలో ఉండడంతో తనకు కలిసొచ్చే అంశంగా భావిస్తున్నారు పవన్. ఇటు భీమవరంలో 2004 నుంచి వరుసగా కాపు సామాజిక వర్గానికి చెందిన అభ్యర్థులే గెలుస్తూ వస్తున్న విషయం తెలిసిందే. ఇప్పటి వరకు పవన్ 77 మంది జనసేన అభ్యర్థులను ప్రకటించారు. ఇక పొత్తులో భాగంగా బీఎస్పీకి 21 అసెంబ్లీ స్థానాలు, 3 లోక్‌సభ స్థానాలను కేటాయించారు. ఇటు సీపీఐ, సీపీఎంలకు 7 చొప్పున అసెంబ్లీ, 2 లోక్‌సభ స్థానాలు కేటాయించారు.

మరింత +
AP congress Releases 132 Assembly, 25 MP Candidates for Elections

APCC: 132 అసెంబ్లీ, 25 ఎంపీ అభ్యర్థుల ఖరారు

ఏపీలో లోక్‌సభ, అసెంబ్లీ అభ్యర్థుల జాబితాను కాంగ్రెస్ పార్టీ విడుదల చేసింది. ఏపీలోని మొత్తం 25 లోక్‌సభ స్థానాలకు గాను 22 స్థానాలకు అభ్యర్థులను ఖరారు చేసింది కాంగ్రెస్ పార్టీ. మిగతా రెండు నియోజకవర్గాలకు అభ్యర్థులను ఖరారు చేయాల్సి ఉంది. అలాగే మొత్తం 175 అసెంబ్లీ స్థానాలకు గాను 132 స్థానాలకు అభ్యర్థులను ఖరారు చేసింది.  

ఏపీలో కాంగ్రెస్ లోక్‌సభ అభ్యర్థులను చూస్తే బాపట్ల నుంచి జే.డి. శీలం, ఒంగోలు నుంచి సిరివెల్ల ప్రసాద్, అమలాపురం నుంచి జంగా గౌతమ్, గుంటూరు నుంచి ఎస్.కే. మస్తాన్ వలీ, కాకినాడ నుంచి పల్లంరాజ, కర్నూల్ నుంచి అహ్మద్ అలీఖాన్, అనంతపురం నుంచి కే.రాజీవ్ రెడ్డి, హిందూపూర్ నుంచి కే.టి. శ్రీధర్, కడప నుంచి జి. శ్రీరాములు, నెల్లూరు నుంచి దేవకుమార్ రెడ్డి, తిరుపతి నుంచి చింతా మోహన్, రాజంపేట నుంచి షాజహాన్ బాషా కాంగ్రెస్ లోక్ సభ అభ్యర్థులగా ఎంపికయ్యారు.  

అలాగే చిత్తూరు నుంచి శ్రీ రంగప్ప, అరకు నుంచి శృతిదేవీ, శ్రీకాకుళం నుంచి డోలా జగన్ మోహన్ రావు, విజయనగరం నుంచి యడ్ల ఆదిరాజు, అనకాపల్లి నుంచి శ్రీ రామమూర్తి, రాజమండ్రి నుంచి ఎన్.వి. శ్రీనివాస్ రావు, ఏలూరు నుంచి జెట్టి గురునాథరావు, మచిలీపట్నం నుంచి గొల్లు కృష్ణ, నరసరావుపేట నుంచి పక్కాల సూరిబాబు, నరసాపురం నుంచి కనుమూరి బాపిరాజు కాంగ్రెస్ లోక్ సభ అభ్యర్థుల పోటీ చేయనున్నారు.

మరింత +
TDP final list for 25 Lok Sabha, 36 Assembly seats released

టీడీపీ అభ్యర్థుల తుది జాబితా విడుదల

లోక్‌సభ ఎన్నికల సంబంధించి తీవ్ర కసరత్తు చేసిన TDP అభ్యర్థుల జాబితాను విడుదల చేసింది. మొత్తం 25 పార్లమెంట్ స్థానాలకు గానూ అన్ని స్థానాల్లో అభ్యర్థులను ప్రకటించింది. అలాగే పెండింగ్‌లో ఉంచి 36 అసెంబ్లీ స్థానాలకు టీడీపీ అభ్యర్థులను ప్రకటించింది.  

టీడీపీ లోక్ సభ అభ్యర్థులను చూస్తే శ్రీకాకుళం నుంచి రామ్మోహన్‌ నాయుడు, విజయనగరం నుంచి అశోక్‌ గజపతిరాజు, అరకు నుంచి కిషోర్‌ చంద్రదేవ్‌, విశాఖ నంచి భరత్‌, అనకాపల్లి నుంచి ఆడారి ఆనంద్‌, కాకినాడ- చలమలశెట్టి సునీల్‌, అమలాపురం నుంచి గంటి హరీష్‌, రాజమండ్రి నుంచి మాగంటి రూప, నర్సాపురం నుంచి వేటుకూరి వెంకట శివరామరాజు, ఏలూరు నుంచి మాగంటి బాబు పోటీ చేయనున్నారు.  

అలాగే విజయవాడ నుంచి కేశినేని నాని, మచిలీపట్నం నుంచి కొనకళ్ల నారాయణ, గుంటూరు నుంచి గల్లా జయదేవ్‌, నర్సారావుపేట నుంచి రాయపాటి సాంబశివరావు, బాపట్ల నుంచి శ్రీరాం మాల్యాద్రి, ఒంగోలు నుంచి శిద్దా రాఘవరావు, నెల్లూరు నుంచి బీదా మస్తాన్‌రావు, కడప నుంచి ఆది నారాయణరెడ్డి, హిందూపురం నుంచి నిమ్మల కిష్టప్ప, అనంతపురం నుంచి జేసీ పవన్‌రెడ్డి, నంద్యాల నుంచి మాండ్ర శివానంద్‌రెడ్డి, కర్నూలు నుంచి కోట్ల సూర్యప్రకాశ్‌రెడ్డి, రాజంపేట నుంచి డీకే సత్యప్రభ, తిరుపతి నుంచి పనబాక లక్ష్మి, చిత్తూరు నుంచి శివప్రసాద్‌ టీడీపీ అభ్యర్థిగా లోక్ సభ పోటీ చేయనున్నారు.

మరింత +
AP CM Chandrababu Naidu Election Campaign at SVGS College in Nellore today

నేడు నెల్లూరు జిల్లాలో చంద్రబాబు పర్యటన

ఏపీ సిఎం చంద్రబాబు నేడు నెల్లూరు జిల్లాలో పర్యటించనున్నారు. నెల్లూరు నగరంలో పార్టీ కార్యకర్తలు, దిగువ స్థాయి నాయకులు, బూత్ స్థాయి కన్వీనర్లతో సమావేశం నిర్వహించనున్నారు.ఎన్నికల్లో అనుసరించాల్సిన వ్యూహాల గురించి పార్టీ శ్రేణులకు దిశానిర్థేశం చేయనున్నారు. ఉదయం 10 గంటల 30నిమిషాలకు హెలికాప్టర్‌లో నెల్లూరు పోలీసు కవాతు మైదానానికి చేరుకోనున్నారు. 10గంటల 40నిమిషాలకు SVGS కళాశాల మైదానంలో జరిగే బహిరంగ సభలో చంద్రబాబు పాల్గొననున్నారు. 11నుంచి 12గంటల వరకు నాయకులు, కార్యకర్తలు, బూత్ కన్వీనర్లతో సమీక్షనిర్వహంచనున్నారు. ప్రభుత్వం చేపట్టిన అభివృద్ది, సంక్షేమ కార్యక్రమాలను పార్టీ శ్రేణులకు వివరించనున్నారు.

మరింత +
Police fire in the air to control mob at Kagallu in Mantralayam Constituency in Kurnool, TDP Leader Tikkareddy wounded

మంత్రాలయం నియోజకవర్గంలో ఉద్రిక్తత

కర్నూలు జిల్లా మంత్రాలయం నియోజకవర్గం కాగల్లులో ఉద్రిక్తత చోటుచేసుకుంది. కాగల్లులో ప్రచారానికి వచ్చిన టీడీపీ అభ్యర్థి తిక్కారెడ్డిని వైసీపీ వర్గీయులు అడ్డుకున్నారు. పరిస్థితి ఉద్రిక్తంగా మారడంతో పోలీసులు గాల్లోకి కాల్పులు జరిపారు. కాల్పుల్లో తిక్కారెడ్డి కాలికి బుల్లెట్ తగిలి గాయం అయింది. ఎమ్మిగనూరు ప్రభుత్వాస్పత్రిలో తిక్కారెడ్డి చికిత్స పొందుతున్నారు.

మరింత +
YS Vivekananda Reddy's funeral at Pulivendula in Kadapa district

పులివెందులలో వివేకానందరెడ్డి అంత్యక్రియలు

కడపలో దారుణ హత్యకు గురైన వైఎస్‌ వివేకానందరెడ్డి అంత్యక్రియలు నేడు జరగనున్నాయి. పులివెందులలోని వైఎస్‌ రాజారెడ్డి సమాధి పక్కనే వివేకానందరెడ్డి అంత్యక్రియలు నిర్వహించేందుకు ఏర్పాట్లు చేశారు. మరోవైపు వైఎస్‌ వివేకానందరెడ్డి భౌతికకాయాన్ని చివరిసారి చూసేందుకు రాజకీయ నేతలు, అభిమానులు, వైసీపీ కార్యకర్తలు పెద్ద ఎత్తున తరలి వస్తున్నారు. వైఎస్ వివేకానందరెడ్డి హత్య కేసును రాష్ట్రేతర సంస్థకు అప్పగించాలని వైసీపీ నేతలు కోరుతున్నారు.

మరింత +
AP PCC screening committee sits to finalise AP Congress candidates list for Assembly and Lok Sabha

ఏపీ అసెంబ్లీ,లోక్‌సభ అభ్యర్థుల ఎంపికపై కసరత్తు

ఇవాళ సాయంత్రం కాంగ్రెస్ కేంద్ర ఎన్నికల కమిటీ సమావేశం జరగనుంది. మరోవైపు వార్ రూమ్ లో ఏపీ అసెంబ్లీ, లోక్ సభ అభ్యర్ధుల ఎంపిక పై రాష్ట్ర స్క్రీనింగ్ కమిటి సమావేశం కానుంది. ఈ సమావేశంలో ఏఐసిసి ప్రధాన కార్యదర్శి కే.సి. వేణుగోపాల్, పిసిసి అధ్యక్షుడు రఘువీరారెడ్డి, రాష్ట్ర ఏఐసిసి ఇంచార్జ్ జనరల్ సెక్రటరీ ఉమన్ చాందీ, ఏఐసిసి ఇంచార్జ్ సెక్రటరీ లు క్రిస్టఫర్, మేయప్పన్‌లు పాల్గొననున్నారు.

మరింత +
Mystery in YS Vivekananda Reddy's Death: PA Complaints to police about wounds on body

వైఎస్ వివేకానంద రెడ్డి తలకు గాయం ఎలా?

వైఎస్ వివేకానంద రెడ్డి మృతిపై పలు అనుమానాలు వ్యక్తం అవుతున్నాయి. వైఎస్ వివేకానంద రెడ్డి హఠాన్మరణంపై పీఏ కృష్ణారెడ్డి పోలీసులకు ఫిర్యాదు చేశారు. చనిపోయిన సమయంలో ఇంట్లో ఒంటరిగానే  వివేకానంద రెడ్డి ఉన్నారు. ఆయన తలపై గాయం ఉండటంతో అనుమానాస్పద మృతిగా పోలీసులు కేసు నమోదు చేశారు. వివేకా భౌతికాయానికి పోలీసులు పోస్టుమార్టం నిర్వహించనున్నారు. అయితే వివేకా మృతిపై లోతుగా దర్యాప్తు చేయాలని విజయసాయిరెడ్డి డిమాండ్ చేశారు. పోస్టుమార్డంలో వాస్తవాలు బయటికి వస్తాయని ఆయన చెప్పారు.

మరింత +
YSR's brother Y S Vivekananda Reddy dies of heart attack

వైఎస్ వివేకానంద రెడ్డి గుండెపోటుతో మృతి

దివంగత సీఎం వైఎస్ రాజశేఖరరెడ్డి కుటుంబంలో విషాదం చోటుచేసుకుంది. వైఎస్సార్ సోదరుడు, మాజీ మంత్రి వైఎస్ వివేకానందరెడ్డి ఈ తెల్లవారుజామున గుండెపోటుతో కన్నుమూశారు. పులివెందులలోని ఆయన సృగృహంలో మృతి చెందారు. వివేకానంద రెడ్డి గతంలో మంత్రిగా, ఎంపీగా పనిచేశారు. ఆయన మృతి వార్తతో కడప జిల్లా విషాదంలో మునిగిపోయింది. వైఎస్సార్ కాంగ్రెస్ పార్టీ అధ్యక్షులు వైఎస్ జగన్ తీవ్ర దిగ్భ్రాంతికి లోనయ్యారు. వివేకా మృతితో వైసీపీ శ్రేణులు కన్నీరు మున్నీరవుతున్నారు.  

1950 ఆగష్టు 8న పులివెందులలో వైఎస్ వివేకానందరెడ్డి జన్మించారు. 1989, 1994లో పులివెందుల నుంచి ఆయన అసెంబ్లీకి ఎన్నికయ్యారు. కిరణ్‌కుమార్ రెడ్డి మంత్రి వర్గంలో వైఎస్ వివేకానందరెడ్డి వ్యవసాయ మంత్రిగా పనిచేశారు. ఇక 1999లో తొలిసారి ఆయన పార్లమెంట్‌లో అడుగుపెట్టారు. 2009లో ఎంపీగా ఎన్నికైన వివేకానంద రెడ్డి.. గతంలో కడప నుంచి లోక్‌సభకు ప్రాతినిధ్యం వహించారు.  

పులివెందులకు జరిగిన ఉప ఎన్నికలో కాంగ్రెస్ తరపున పోటీ చేసి ఆయన వదిన విజయమ్మ చేతిలో ఓటమి పాలయ్యారు. అనంతరం విభేదాలకు స్వస్తి పలికి కుటుంబానికి దగ్గరయ్యారు. వైఎస్‌ఆర్ కాంగ్రెస్ పార్టీలో చేరారు. వైసీపీ తరపున ఆయన పులివెందులలో నిన్న ప్రచారం కూడా చేసినట్లు తెలిసింది. ఓటర్ల జాబితా నుంచి తన పేరును తొలగించారని మార్చి 3వ తేదీన వైఎస్ వివేకా పులివెందుల పోలీస్ స్టేషన్లో ఫిర్యాదు కూడా చేశారు.

మరింత +
14 TDP Sitting MLAs to loose tickets in 2019 AP Assembly elections !

టీడీపీలో 14 మంది ఎమ్మెల్యేలకు టిక్కెట్లు కట్!

టీడీపీలో 30 మంది సిట్టింగ్ ఎంఎల్ఏలకు టిక్కెట్ల కోత పడే అవకాశాలు కనిపిస్తున్నాయి. వీరిలో 16 మంది ఫిరాయింపుదారులే ఉన్నట్లు తెలుస్తోంది. ఎందుకంటే గత ఎన్నికల్లో వైసీపీ నుంచి గెలిచిన వారిలో 23 మంది టీడీపీలోకి జంప్ కొట్టారు. 2019 ఎన్నికల్లో కూడా టిక్కెట్ ఇస్తామని అప్పట్లో చంద్రబాబు వారికి హామీ ఇచ్చారు. కానీ ఇప్పుడు వీరిలో 16 మందికి టిక్కెట్లు ఇవ్వడం లేదు. సర్వేలు, మైనస్ మార్కుల పేరుతో టిక్కెట్ ఇవ్వడానికి చంద్రబాబు సుముఖంగా లేరట. దీంతో వీళ్లంతా అమరావతిలోని చంద్రబాబు ఆఫీసు ముందు పడిగాపులు కాస్తున్నారు. కొంత మంది ఏకంగా నిరసనకు దిగుతున్నారు.  

ఇటు సొంత పార్టీకి చెందిన వారిలో కూడా 14 మంది సిట్టింగ్ ఎంఎల్ఏలకు టిక్కెట్ల కోత ఉన్నట్లు తెలుస్తోంది. ఆ 14 మంది ఎమ్మెల్యేల చేష్టలతో పార్టీ పరువు పోయిందనీ, అవినీతి పెరిగి జనంలో వ్యతిరేకత ఉందన్న నియోజకవర్గ నేతలతో నివేదికలు తెప్పించుకున్నారు అధినేత. ఇప్పుడు ఆ 14 మందికి టిక్కెట్లు ఇచ్చేందుకు చంద్రబాబు సిద్ధంగా లేరనే ప్రచారం పార్టీలో జరుగుతోంది.  

ముఖ్యంగా కొవ్వూరు ఎంఎల్ఏ జవహర్, పాయకరావుపేట ఎంఎల్ఏ వంగలపూడి అనిత విజయనగరం అర్బన్ ఎంఎల్ఏ మీసాల గీత, పార్వతీపురం ఎంఎల్ఏ బొబ్బిలి చిరంజీవులు అమలాపురం ఎంఎల్ఏ అయినాబత్తుల ఆనందరావు, నిడదవోలు ఎంఎల్ఏ బూరుగుపల్లి శేషారావుతో పాటు గోపాలపురం ఎంఎల్ఏ ముప్పిడి వెంకటేశ్వరరావు, చింతలపూడి ఎంఎల్ఏ పీతల సుజాత, తాడికొండ ఎంఎల్ఏ శ్రవణ్ కుమార్, పోలవరం ఎంఎల్ఏ మొడియం శ్రీనివాసరావులకు ఈ ఎన్నికల్లో టిక్కెట్లు రావడం కష్టంగానే ఉందని టీడీపీ నేతలు జోరుగా చర్చించుకుంటున్నారు.

మరింత +
Fire accident in Vijayawada, 3 ATMS gutted

విజయవాడలో అగ్ని ప్రమాదం: 3 ఏటీఎంలు దగ్ధం

విజయవాడ బెంజ్ సర్కిల్‌ దగ్గర ఓ కాంప్లెక్స్‌లో అగ్ని ప్రమాదం జరిగింది. అగ్నిప్రమాదంలో మూడు ఏటిఎం కేంద్రాలు దగ్ధమయ్యాయి. ఘటనా స్థలంలో మంటలు భారీగా చెలరేగాయి. ఫైరింజన్లతో మంటలను ఫైర్ సిబ్బంది అదుపు చేశారు. ట్రాన్స్ ఫారం ఒక్కసారిగా పేలడంతో మంటలు వ్యాపించి ఉండొచ్చని భావిస్తున్నారు.

మరింత +
Janasena Party releases 32 Candidates names for Assembly Elections and 4 for Lok Sabha

జ‌న‌సేన పార్టీ అభ్య‌ర్థుల తొలి జాబితా విడుదల

జ‌న‌సేన పార్టీ త‌రఫున బ‌రిలోకి దిగ‌నున్న‌ లోక్‌సభ, అసెంబ్లీ అభ్య‌ర్థుల తొలి జాబితాను పార్టీ అధినేత ప‌వ‌న్‌ కల్యాణ్‌ విడుద‌ల చేశారు. మంగ‌ళ‌గిరిలోని పార్టీ కార్యాల‌యంలో అభ్య‌ర్థుల‌తో మ‌రోసారి చర్చించిన త‌ర్వాత.. 32 మంది పేర్ల‌ను శాస‌న‌స‌భ‌కు, నలుగురి పేర్ల‌ను లోక్‌సభకు ఖ‌రారు చేశారు.
జనసేన శాస‌న‌స‌భ అభ్య‌ర్థులు వీళ్లే...
 1. య‌ల‌మంచిలి- సుంద‌ర‌పు విజ‌య్‌కుమార్‌ 
 2. పాయ‌క‌రావుపేట- న‌క్కా రాజ‌బాబు 
 3. పాడేరు - ప‌సుపులేటి బాల‌రాజు 
 4. రాజాం- డాక్ట‌ర్ ముచ్చా శ్రీనివాస‌రావు 
5. శ్రీకాకుళం- కోరాడ స‌ర్వేశ్వ‌ర‌రావు 
6. ప‌లాస‌- కోత పూర్ణ‌చంద్ర‌రావు 
7. ఎచ్చెర్ల‌- బాడ‌న వెంక‌ట‌ జ‌నార్ధ‌న్‌(జ‌నా) 
8. నెల్లిమ‌ర్ల‌- లోకం నాగ‌మాధ‌వి 
9. తుని- రాజా అశోక్‌బాబు 
10. రాజ‌మండ్రి సిటీ- కందుల దుర్గేష్‌ 
11. రాజోలు- రాపాక వ‌ర‌ప్ర‌సాద్‌ 
12. పి.గ‌న్న‌వ‌రం- పాముల రాజేశ్వ‌రి 
13. కాకినాడ సిటీ- ముత్తా శ‌శిధ‌ర్‌ 
14. అన‌ప‌ర్తి- రేలంగి నాగేశ్వ‌ర‌రావు 
15. ముమ్మిడివ‌రం- పితాని బాల‌కృష్ణ‌ 
16. మండ‌పేట‌- వేగుళ్ల లీలాకృష్ణ‌ 
17. తాడేప‌ల్లిగూడెం- బొలిశెట్టి శ్రీనివాస్‌ 
18. ఉంగుటూరు- న‌వుడు వెంక‌ట‌ర‌మ‌ణ‌ 
19. ఏలూరు- రెడ్డి అప్ప‌ల‌నాయుడు 
20. తెనాలి- నాదెండ్ల మ‌నోహ‌ర్‌ 
21. గుంటూరు వెస్ట్‌ - తోట చంద్ర‌శేఖ‌ర్‌ 
22. ప‌త్తిపాడు- రావెల కిషోర్‌బాబు 
23. వేమూరు- డాక్ట‌ర్ ఎ.భ‌ర‌త్ భూష‌ణ్‌ 
24. న‌ర‌స‌రావుపేట‌- స‌య్య‌ద్‌ జిలానీ 
25. కావ‌లి- ప‌సుపులేటి సుధాక‌ర్‌ 
26. నెల్లూరు రూర‌ల్‌- చెన్నారెడ్డి మ‌నుక్రాంత్ రెడ్డి 
27. ఆదోని- మ‌ల్లిఖార్జున‌రావు(మ‌ల్ల‌ప్ప‌) 28. ధ‌
ర్మవ‌రం- మ‌ధుసూద‌న్‌రెడ్డి 
29. రాజంపేట‌- ప‌త్తిపాటి కుసుమ‌ కుమారి 
30. రైల్వే కోడూరు- డాక్ట‌ర్ బోనాసి వెంక‌ట‌సుబ్బ‌య్య‌ 
31. పుంగ‌నూరు- బోడే రామ‌చంద్ర‌ యాద‌వ్‌ 
32. మ‌చిలీప‌ట్నం- బండి రామ‌కృష్ణ‌

మరింత +
AP IT Minister Nara Lokesh contest Assembly seat from Mangalagiri in Guntur, Andhrapradesh

మంగళగిరి నుంచి ఏపీ అసెంబ్లీకి నారా లోకేష్ పోటీ!

మంత్రి నారా లోకేశ్ ఎక్కడి నుంచి పోటీ చేస్తారన్న విషయంలో క్లారిటీ వచ్చేసింది. రాబోయే అసెంబ్లీ ఎన్నికల్లో గుంటూరు జిల్లాలోని మంగళగిరి నియోజకవర్గం నుంచి పోటీ చేయించాలిని టీడీపీ అధిష్ఠానం నిర్ణయించింది. మంగళగిరిలో టీడీపీకి పట్టుఉందటుందన్న నేపథ్యంలో లోకేశ్ పోటీచేస్తే విజయం నల్లేరుపై నడకలా మారుతుందని ఆ పార్టీ భావిస్తోంది. లోకేశ్ తొలుత భీమిలి నియోజకవర్గం లేదా అనంతపురం జిల్లాలోని హిందూపురం నుంచి రంగంలోకి దిగుతారని వార్తలు వచ్చాయి. అయితే ఈ విషయంలో మనసు మార్చుకున్న లోకేశ్ రాజధానికి సమీపంలో ఉన్న మంగళగిరి నియోజకవర్గాన్ని ఎంచుకున్నట్లు సమాచారం.

మరింత +
Daggupati Venkateshwar Rao contest from Paruchuru Constituency, YCP Candidate

వైసీపీ ఎమ్మెల్యే అభ్యర్థిగా దగ్గుబాటి వెంకటేశ్వరరావు!

పరుచూరు వైసీపీ ఎమ్మెల్యే అభ్యర్థిగా దగ్గుబాటి వెంకటేశ్వరరావు పోటీ చేయనున్నట్టు తెలుస్తోంది. హితేశ్ అమెరికా పౌరసత్వం రద్దు కాని కారణంగా టికెట్‌పై పార్టీ అధ్యక్షుడు వైఎస్ జగన్ పునరాలోచించారు. ఈ నేపథ్యంలో దగ్గుబాటి వెంకటేశ్వరరావును పోటీ చేయమని వైఎస్ జగన్ సూచించినట్టు తెలుస్తోంది.

మరింత +