తెలంగాణ వార్తలు

Komatireddy Brothers fire on KCR and Modi over Operation Aakarsh

కేసీఆర్, మోడీని కడిగిపారేసిన కోమటిరెడ్డి బ్రదర్స్

గులాబీ బాస్ తీరును కడిగిపారేశారు మునుగోడు ఎమ్మెల్యే కోమటిరెడ్డి రాజగోపాల్ రెడ్డి. పార్టీ ఫిరాయింపులను ప్రోత్సహిస్తున్నారంటూ ఆగ్రహం వ్యక్తం చేశారు. ఐదేళ్ల పాలనలో ఒక్క ప్రాజెక్టైనా కట్టారా అంటూ ప్రశ్నించారు. సీఎం కేసీఆర్‌కు నల్గొండ ప్రజలు తగిన బుద్ధి చెప్పేందుకు సిద్ధంగా ఉన్నారని స్పష్టం చేశారు. తెలంగాణలో మెజార్టీ స్థానాలను కాంగ్రెస్ గెలుచుకుంటుందన్నారు. 16 ఎంపీ స్థానాలు రాకుంటే కేసీఆర్ ముక్కు నేలకు రాస్తారా అని సవాల్ విసిరారు. భువనగిరి గడ్డ మీద కాంగ్రెస్ జెండా ఎగురుతుందని ధీమా వ్యక్తం చేశారు.  

ఇటు కేసీఆర్ కు ఓటు వేస్తే మోడీకి వేసినట్లేనని అన్నారు భువనగిరి కాంగ్రెస్ ఎంపీ అభ్యర్థి, మాజీ మంత్రి కోమటిరెడ్డి వెంకట్ రెడ్డి. ఇవి కేసీఆర్ కు కాంగ్రెస్ కు జరుగుతున్న ఎన్నికలు కావని ఆయన తెలిపారు. మోడీ ఎన్నికలకు ముందు ఎన్నో హామీలిచ్చారనీ అవన్నీ నీటిమూటలయ్యాయని వెంకట్ రెడ్డి ఎద్దేవా చేశారు. కేవలం ధనవంతుల కోసమే మోడీ ప్రభుత్వం పని చేస్తుందని వెంకట్ రెడ్డి అన్నారు. భువనగిరికి నిమ్స్ తెచ్చింది తామేననీ ఇంతవరకు నిమ్స్ ను కూడా పూర్తి చేయలేదని అన్నారు. రాబోయే రోజుల్లో భువనగిరికి ఐటీ కంపెనీ తెస్తామని కోమటిరెడ్డి వెంకట్ రెడ్డి హామీ ఇచ్చారు.

మరింత +
Secunderabad Congress MP candidate Anjan Kumar Yadav meets TJS Chief Kodandaram over Elections

కోదండరాం మద్దతు కోరిన అంజన్ కుమార్ యాదవ్

సికింద్రాబాద్ పార్లమెంట్ కాంగ్రెస్ పార్టీ అభ్యర్ధి అంజన్ కుమార్ యాదవ్ తెలంగాణ జనసమితి అధ్యక్షులు కోదండరాంను కలిసారు. సార్వత్రిక ఎన్నికల్లో జనసమితి మద్దతు ఇవ్వాలని కోరారు. తెలంగాణ ఉద్యమాన్ని కోదండరామ్ ముందుండి నడిపించారని అంజన్ కుమార్ యాదవ్ అన్నారు. తెలంగాణ అమర వీరుల శాపం కేటీఆర్, కేసీఆర్ీల నాశనానికి దారితీస్తుందని మండిపడ్డారు. అయితే అంజన్ కుమార్ యాదవ్‌కు మద్దతిచ్చే విషయాన్ని సాయత్రం లోపు చర్చంచి తెలుపుతామని కోదండరామ్ అన్నారు.

మరింత +
AICC puts Khammam MP Seat in pending from Telangana, 16 seats announced

తెలంగాణలో 16 ఎంపీ స్థానాలకు అభ్యర్థుల ఖరారు

తెలంగాణలో పోటీ చేసే లోక్ సభ అభ్యర్థుల రెండో జాబితాను కాంగ్రెస్ అధిష్టానం విడుదల చేసింది. మొత్తం 8 లోకసభ నియోజకవర్గాలకు కాంగ్రెస్ పార్టీ అభ్యర్థులను ప్రకటించింది. అయితే ఖమ్మం నియోజక వర్గాన్ని మాత్రం పెండింగ్ లో ఉంచింది.  

తెలంగాణ కాంగ్రెస్ లోక్ సభ అభ్యర్థుల రెండు జాబితా విడుదలైంది. ఇప్పటికే మొదటి జాబితాలో 8 మంది అభ్యర్థులను ఖరారు చేసిన కాంగ్రెస్ అధిష్టానం రెండో లిస్ట్‌లో 8 మందికి చోటు కల్పించింది. అయితే ఒక్క ఖమ్మం నియోజకవర్గాన్ని మాత్రం కాంగ్రెస్ అధిష్టానం పెండింగ్‌లో పెట్టింది. దీంతో ఇప్పటి వరకు తెలంగాణ కాంగ్రెస్‌కు 16 స్థానాలు ఖరారయ్యాయి.  

ఇక రెండో జాబితాలో భువనగిరి నుంచి కోమటిరెడ్డి వెంకట్ రెడ్డి, నల్గొండ నుంచి ఉత్తమ్ కుమార్ రెడ్డి, నాగర్ కర్నూల్ నుంచి మల్లు రవి, మహబూబ్ నగర్ నుంచి వంశీచంద్ రెడ్డి, హైదరాబాద్ నుంచి ఫిరోజ్ ఖాన్, సికింద్రాబాద్ నుంచి అంజన్ కుమార్ యాదవ్, నిజామాబాద్ నుంచి మధుయాష్కీ గౌడ్, వరంగల్ నుంచి దొమ్మాటి సాంబయ్యకు స్థానం దక్కింది.  

తెలంగాణ అసెంబ్లీ అభ్యర్థుల జాబితా విడుదల చేయడంలో ఆలస్యం చేసిన కాంగ్రెస్ అధిష్టానం .. ఎంపీ అభ్యర్థుల విషయంలో మాత్రం కాస్త వేగంగానే అడుగులు వేసింది. సోనియా గాంధీ నివాసంలో జరిగిన కాంగ్రెస్ పార్టీ కేంద్ర ఎన్నికల కమిటీ సమావేశంలో ఏపీ అసెంబ్లీ, లోక్ సభ స్థానాలతో పాటు తెలంగాణలో మిగిలిన 9 లోక్ సభ స్థానాలకు అభ్యర్థుల ఖరారుపై చర్చించారు. రాత్రికి ఫైనల్‌గా ఏపీతో పాటు తెలంగాణ లిస్ట్ ను విడుదల చేశారు. అయితే తెలంగాణ కాంగ్రెస్ లోక్ సభ అభ్యర్థుల రెండో జాబితాలో ఖమ్మం నియోజకవర్గంపై మాత్రం క్లారిటీ రాలేదు.

మరింత +
Congress Senior Leader Shabbir Ali fire on KCR over offering price for Cong MLAs into TRS

ఒక్కొక్క ఎమ్మెల్యేకు 25కోట్లు,పదవి ఇస్తున్న కేసీఆర్!

టీఆర్ఎస్ ప్రభుత్వం పై కాంగ్రెస్ ఎమ్మెల్సీ షబ్బీర్ అలీ విమర్శలు చేశారు. కేసీఆర్ ప్రజలను మోసం చేస్తున్నారని ఆరోపించారు. ఉద్యోగాల ప్రకటన, డబుల్ బెడ్ రూం ఇళ్లు ఏమయ్యాయని ప్రశ్నించారు. ఒక్కొక్క ఎమ్మెల్యేకు 25 కోట్ల రూపాయలు, కార్పొరేషన్ పదవులు ఇచ్చి కొంటున్నారని ఆగ్రహం వ్యక్తం చేశారు. మీకు దమ్ముంటే ఖమ్మం నుంచి పోటీ చేయాలని కేసీఆర్‌కు సవాల్ విసిరారు.

మరింత +
Former Congress Minister Komatireddy Venkat Reddy to contest from Bhuvanagiri Lok Sabha seat

భువనగిరి లోక్ సభ బరిలో కోమటిరెడ్డి వెంకట్ రెడ్డి

భువనగిరి పార్లమెంట్ నియోజకవర్గానికి కాంగ్రెస్ తరుపున మాజీ మంత్రి కోమటిరెడ్డి వెంకట్ రెడ్డి పేరు దాదాపు ఖరారైనట్లు తెలుస్తోంది. భువనగిరిలో బలంగా ఉన్న కాంగ్రెస్‌ తరుపున కోమటిరెడ్డి వెంకట్ రెడ్డి అయితేనే విజయం సాధిస్తారనే నివేదికలు అధిష్టానానికి అందడంతో ఆయన పేరుపు ఏఐసీసీ పెద్దలు ఓకే చేశారు. ఇవాళ సాయంత్రం జరగనున్న కాంగ్రెస్ కేంద్ర ఎన్నికల కమిటీ సమావేశంలో ప్రకటించనున్నారు.  
భువనగిరి పార్లమెంట్ నియోజకవర్గంలో కోమటిరెడ్డి బ్రదర్స్ హవా కొనసాగుతూనే ఉంది. తొలిసారి 2009 ఎన్నికల్లో భువనగిరి లోక్ సభ స్థానం నుంచి కోమటిరెడ్డి రాజగోపాల్ రెడ్డి భారీ మెజార్టీతో విజయం సాధించారు. ఆ తరువాత 2014 ఎన్నికల్లో స్వల్ప మెజార్టీతో ఓటమి చవిచూశారు. ఆ తరువాత ఎమ్మెల్సీ ఎన్నికల్లో కోమటిరెడ్డి రాజగోపాల్ రెడ్డి విజయం సాధించారు. ఇటు మొన్న జరిగిన అసెంబ్లీ ఎన్నికల్లో మునుగోడు నుంచి రాజగోపాల్ రెడ్డి భారీ విజయం సాధించగా నల్గొండ నుంచి పోటీ చేసిన కోమటిరెడ్డి వెంకట్ రెడ్డి స్వల్ప తేడాతో ఓటమి చవిచూశారు. నాలుగు సార్లు నల్గొండ ఎమ్మెల్యేగా గెలిచారు. సుదీర్ఘకాలం మినిస్టర్‌గా పనిచేసిన కోమటిరెడ్డి వెంకట్ రెడ్డి నల్గొండ జిల్లా అభివృద్ధి కోసం ఎంతో కృషి చేశారు. బునాది కాల్వ, ఉదయ సముద్రం, బ్రహ్మణ వెల్లంల ప్రాజెక్టులను జిల్లాకు తీసుకురావడంలో ఎంతో కృషి చేశారు.   

ఇటు తెలంగాణ ఉద్యమ సమయంలో ఉద్యమ సింహంలా కోమటిరెడ్డి వెంకట్ రెడ్డి బ్రదర్స్ పోరాడారు. తెలంగాణ రాష్ట్ర సాధన కోసం మంత్రి పదవిని సైతం వెంకట్ రెడ్డి తృణప్రాయంగా వదులుకున్నారు. రాష్ట్రం కోసం పోరాటం చేశారు. కమ్యూనిస్టుల కంచుకోటగా ఉన్న నల్గొండలో కాంగ్రెస్ జెండాను రెపరెపలాడించారు. 1999 నుంచి వరుసగా కాంగ్రెస్‌ అభ్యర్థిగా కోమటిరెడ్డి గెలుస్తూ వచ్చారు. నాలుగు సార్లు ఎమ్మెల్యేగా ఎన్నికైన ఆయనకు జిల్లా వ్యాప్తంగా కాంగ్రెస్ శ్రేణులతో మంచి అనుబంధం, పెద్ద ఎత్తున అభిమానులు, కార్యకర్తలు ఉన్నారు.  

ఎదిగిన కుమారుడు ప్రమాదంలో మరణించడం వెంకట్ రెడ్డికి జీవితంలో మరిచిపోలేని బాధను విగిల్చింది. అలాంటి బాధను మరెవరూ అనుభవించరాదని ఆ తర్వాత కాలంలో ఆయన కుమారుడు ప్రతీక్ పేరుతో ఫౌండేషన్ స్థాపించారు. 2012 ప్రతీక్‌ రెడ్డి మరణానంతరం కోమటి రెడ్డి ప్రతీక్‌ మెమోరియల్‌ ప్రభుత్వ జూనియర్‌ బాలుర కళాశాలగా మార్చారు. 3.5 కోట్లను వెచ్చించి బాలికల వొకేష్‌నల్‌ జూనియర్‌ కళాశాలను పుననర్నిర్మాన పనులు చేపట్టారు. ఫౌండేషన్ తరఫున ప్రతిఏటా టాపర్స్‌కు బంగారు పతకాలు, నగదు ప్రోత్సాహకాలు, జాబ్‌ మేళాలు, నిరుద్యోగులకు ఉపాది కల్పన, రోడ్డు ప్రమాదాల బారిన పడిన వారికి వైద్య, రక్తదాన సేవలనందించటం, రోడ్డు భద్రతపై అవగాహన కార్యక్రమాల నిర్వహణ వంటివి చేపడుతున్నారు.

మరింత +
SSC Exam in Telangana from Mar 16

ఈనె 16 నుంచి పదో తరగతి వార్షిక పరీక్షలు

పదో తరగతి పరీక్షలు ఈనెల 16 నుంచి ప్రారంభం కానున్నాయి. దాని కోసం అధికారులు అన్ని ఏర్పాట్లు పూర్తి చేశారు. నిమిషం నిబంధన లేకున్నా విద్యార్థులు పరీక్ష సమయం కంటే ముందే సెంటర్ కు చేరుకోవాలని అధికారులు చెబుతున్నారు. పరీక్షల్లో ఎలాంటి మాస్ కాపీయింగ్ కు పాల్పడ్డా చర్యలు తప్పవని అంటున్నారు స్కూల్ ఎడ్యుకేషన్ డైరెక్టర్ విజయ్ కుమార్.

మరింత +
Former Minister Sabitha Indra Reddy gets Promise from KCR for Chevella MP seat  her Son Karthik

కారెక్కిన సబిత కొడుకు కార్తిక్‌కే చెవేళ్ల ఎంపీ స్థానం

కాంగ్రెస్ మాజీ మంత్రి సబితా ఇంద్రారెడ్డి కారెక్కేందుకు ప్రయత్నాలు ముమ్మరం చేసింది. అందుకు అనుగుణంగా బుధవారం టీఆర్‌ఎస్ అధినేత, సీఎం కేసీఆర్‌ను తన కుమారుడితో కలిసి సబితాఇంద్రారెడ్డి. అనంతరం జరిగిన సుదీర్ఘంగా భేటీ అయ్యారు. చేవెళ్ల ఎంపీ స్థానాన్ని కుమారుడు కార్తీక్‌ రెడ్డికి కేటాయించడంతో పాటు తనకు మంత్రి పదవి ఇవ్వాలని సీఎంను కోరినట్టు తెలుస్తోంది. చేవెళ్ల ఎంపీ స్థానం ఇచ్చేందుకు కేసీఆర్ గ్రీన్‌ సిగ్నల్‌ ఇచ్చినట్లు సమాచారం త్వరలో చేవెళ్లలో జరిగే టీఆర్‌ఎస్ భారీ బహిరంగ సభలో కారెక్కనున్నట్టు సబితా ఇంద్రారెడ్డి కుటుంబం తెలిపింది. సీఎం కేసీఆర్‌ను మర్యాద పూర్వకంగానే కలిశామని కార్తీక్‌రెడ్డి చెప్పారు. తాము అడగాల్సినవి అడిగామని సీఎం చెప్పాల్సినవి చెప్పారని తెలిపారు. చేవెళ్లలో భారీ బహిరంగ సభలో తెరాసలో చేరతామని కార్తీక్ రెడ్డి వెల్లడించారు.

మరింత +
TRS won 4 MLCs and MIM 1, Congress, BJP walked out

ఫలితాలు: టీఆర్ఎస్ 4, ఎంఐఎం 1 ఎమ్మెల్సీల గెలుపు

తెలంగాణలో ఎమ్మెల్యే కోటా ఎమ్మెల్సీ ఎన్నికల ఓట్ల లెక్కింపు ప్రక్రియ పూర్తయింది. ఈ ఎన్నికల్లో తెరాస నుంచి నలుగురు, ఎంఐఎం నుంచి ఒకరు గెలుపొందారు. ఓటింగ్‌కు కాంగ్రెస్‌ సహా విపక్షాలు దూరంగా ఉండటంతో ఐదుగురు అభ్యర్థుల ఎన్నిక లాంఛనమైంది. ఐదు స్థానాలకు ఆరుగురు అభ్యర్థులు బరిలో నిలవగా వీరిలో టీఆర్ఎస్ నుంచి శేరి సుభాష్‌ రెడ్డి, సత్యవతి రాథోడ్‌, మహమూద్‌ అలీ, ఎగ్గె మల్లేశం గెలుపొందగా మజ్లిస్‌ నుంచి మీర్జా రియాజ్‌ హసన్‌ విజయం సాధించారు. ఎన్నికల పోలింగ్‌లో టీఆర్ఎస్ కు చెందిన 91 మంది, ఎంఐఎంకు చెందిన ఏడుగురు ఎమ్మెల్యేలు ఓటు హక్కు వినియోగించుకున్నారు. పార్టీ ఫిరాయింపులకు నిరసనగా కాంగ్రెస్ ఈ ఎన్నికలను బైకాట్ చేయగా బీజేపీ కూడా దూరంగా ఉంది. ఈ ఎన్నికలకు శశాంక్‌ గోయల్‌ ఎన్నికల పరిశీలకుడిగా వ్యవహరించారు. టీఆర్ఎస్ ముందస్తుగా అనుకున్నట్లుగానే ఫలితం రావడంతో ఆ పార్టీ నేతలు సంబురాలు చేసుకుంటున్నారు.

మరింత +
Telangana CM KCR to meet TRS sitting MPs on March 15th and 16th to release the list of Parliament candidates for General elections

ఈ నెల 15,16న సిట్టింగ్ ఎంపీలతో కేసీఆర్ భేటీ

లోక్‌సభ ఎన్నికల్లో అభ్యర్థుల టికెట్ల విషయంలో తొందరేమి లేదని టీఆర్ఎస్ అధినేత కేసీఆర్ అభిప్రాయపడ్డారు. అన్ని అంశాలను చర్చించి, ఆలోచించిన తరువాతే అభ్యర్థులకు టికెట్లు కేటాయించనున్నట్టు తెలిసింది. ఈ నెల 15,16వ తేదీల్లో సిట్టింగ్ ఎంపీలతో కేసీఆర్ భేటీ కానున్నారు. సిట్టింగ్ ఎంపీలతో చర్చించిన తరువాతే కేసీఆర్ నిర్ణయం తీసుకోనున్నట్లు సమాచారం.

మరింత +
Telangana Jana Samithi will contest from Nizamabad, Karimnagar, Malkajagiri and one more says Prof Kodandaram

4 లోక్ సభ స్థానాల్లో తెలంగాణ జన సమితి పోటీ

లోక్ సభ ఎన్నికల్లో నాలుగు చోట్ల పోటీ చేయాలని నిర్ణయించినట్లు టీజేఎస్ అధ్యక్షులు కోదండరాం తెలిపారు. పోటీలో లేని చోట్ల కాంగ్రెస్ కు బయటి నుంచి మద్దతిస్తామన్నారు. పార్టీ నిర్మాణానికి దోహదపడే చోటనే పోటీ చేస్తామని కోదండరాం ప్రకటించారు. నిజామాబాద్, కరీంనగర్, మల్కాజ్ గిరి స్థానాల్లో టీజేఎస్ సొంతంగా పోటీలో ఉంటుందని స్పష్టం చేశారు.

మరింత +
eBIZ.com uses MLM route to dupe students with IT package offer

ఇబిజ్ స్కాం నిర్వాహకుడు హితిక్ మల్హాన్ అరెస్ట్

విద్యార్థుల్ని టార్గెట్ చేసుకొని దేశ వ్యాప్తంగా నడిపిస్తున్న ఇబిజ్ మల్టీ లెవల్ మార్కెటింగ్ సంస్థను సీజ్ చేశామని అన్నారు సైబరాబాద్ సీపీ సజ్జనార్. కంప్యూటర్ కోర్సుల పేరుతో దేశ వ్యాప్తంగా వేల కోట్ల మోసానికి ఇబిజ్ పాల్పడిందని ఆయన తెలిపారు. జగిత్యాలకు చెందిన సామల్ల వివేక్ ఇచ్చిన ఫిర్యాదుతో ఇబిజ్ స్కాం వెలుగులోకి వచ్చిందనీ దాని నిర్వాహకుడు హితిక్ మల్హాన్ ను అరెస్ట్ చేశామని సజ్జనార్ తెలిపారు.

మరింత +
Former Minister Sabitha Indra Reddy set back to Congress after long debate in TPCC

కాంగ్రెస్‌లోనే కొనసాగనున్న సబితా ఇంద్రారెడ్డి

కాంగ్రెస్ పార్టీ సీనియర్ నాయకురాలు, మాజీ మంత్రి సబితా ఇంద్రారెడ్డిని పార్టీ మారకుండా టీ కాంగ్రెస్ నేతలు బుజ్జగించారు. దీంతో టీఆర్ఎస్ లోకి వెళ్లాలన్న ఆలోచన నుంచి ఆమె విరమించినట్టు తెలుస్తోంది. ఇందుకోసం పీసీసీ అధ్యక్షుడు ఉత్తమ్ కుమార్ రెడ్డి, ప్రతి పక్ష నేత భట్టి విక్రమార్క, జానారెడ్డి, సుధీర్ రెడ్డిలు సబితా ఇంద్రారెడ్డితో చర్చలు జరిపారు. అనంతరం రేవంత్ రెడ్డి, సబితా ఇంద్రారెడ్డి కలిసి సుధీర్ఘంగా చర్చించారు. కాంగ్రెస్ పార్టీలో ఎన్నో కీలక పదవులను అనుభవించింది సబితా. ఆమెను పార్టీ వీడకుండా ఉండేందుకు ఏఐసీసీ అధ్యక్షుడు రాహుల్ గాంధీతో ఫోన్లో మాట్లాడించారు. అమెను దిల్లీ రావాలని రాహుల్ ఆహ్వానించారు. దీంతో సబితా ఇంద్రారెడ్డి మెత్తబడినట్టు సమాచారం.

మరింత +
Telangana Police caught Rs. 90.50 Lakhs in search operation for Election Code

రాష్ట్రంలో ఎన్నికల కోడ్: 90.50 లక్షల నగదు స్వాధీనం

రాష్ట్రంలో ఎన్నికల కోడ్ అమలులో ఉన్నందున విసృత తనిఖీలు చేపట్టినట్టు సీపీ అంజనీకుమార్ తెలిపారు. తనిఖీల్లో భాగంగా దాదాపు 90.50 లక్షల నగదును స్వాధీనం చేసుకున్నమన్నారు. సరైన ఆధారాలు లేని నలుగురు వ్యక్తులను అదుపులోకి తీసుకున్నట్లు ఆయన చెప్పారు. రైడ్‌లో లభించిన నగదును ఐటీ శాఖకు అప్పజెబుతున్నట్లు తెలిపారు. ఎన్నికల నిబంధనలు అమలులో ఉన్నందున్న ప్రతి రూపాయికి పేపర్ వర్క్ ఉండాలని సూచించారు. గత ఎన్నికల్లో 29 కోట్ల నగదు, 3 కోట్ల బంగారం లభించిందని చెప్పారు. ఎన్నికల ప్రచారం ఎన్నికల సంఘం అనుమతితో నిర్వహించాలన్నారు.

మరింత +
KCR to Launch Lok Sabha Campaign From February 17, TRS Candidate List to be Finalised by Weekend

లోక్ సభ ఎన్నికల ప్రచారానికి సిద్దమైన కేసీఆర్

పార్లమెంటు ఎన్నిక ప్రచార వేగాన్ని మరింత పెంచాలని భావిస్తోంది అధికార టీఆర్ఎస్ పార్టీ. ఇప్పటికే ఆ పార్టీ వర్కింగ్ ప్రెసిటెండ్ కేటీఆర్ బహిరంగ సభలు నిర్వహిస్తున్నారు. దానికి తోడు ఇప్పుడు సీఎం కేసీఆర్ కూడా రంగంలోకి దిగుతున్నారు. ఈ నెల 17న కరీంనగర్, 19న నిజామాబాద్ లో జరిగే బహిరంగ సభల్లో కేసీఆర్ పాల్గొననున్నారు. అలా మొత్తం 16పార్లమెంటు సెగ్మెంట్లలో కేసీఆర్ సభలను రోజు విడిచి రోజు నిర్వహిస్తారని పార్టీ వర్గాల సమాచారం.

మరింత +
CLP Leader Bhatti Vikramarka fire on KCR over encouraging migration of leaders

కేసీఆర్ తీరు ప్రజాస్వామ్యానికే ప్రమాదకరం

గులాబీ బాస్ తీరును సీఎల్పీ నేత భట్టి విక్రమార్క కడిగిపారేశారు. పార్టీ ఫిరాయింపులను ప్రోత్సహిస్తున్న సీఎం కేసీఆర్‌పై మండిపడ్డారు. ప్రతిపక్షం లేకుండా చేయాలని అధికార పార్టీ అధినేత చూస్తున్నారంటూ ఆగ్రహం వ్యక్తం చేశారు. కేసీఆర్ తీరు ప్రజాస్వామ్యానికే ప్రమాదకరమని భట్టి ఫైర్ అయ్యారు. పార్టీ మారిన ఎమ్మెల్యేలను ప్రజలు తీవ్రంగా వ్యతిరేకిస్తున్నారంటూ స్పష్టం చేశారు.

మరింత +