తెలంగాణ వార్తలు

If people gives power to Mahakutami, Pragathi Bhavan will be changed to People's Health Care Centre

'ప్రగతి భవన్‌‌ను ప్రజాసుపత్రిగా మార్చుతాం'

కేసీఆర్ కుటుంబ అక్రమ ఆస్తుల చిట్టాను ప్రజల ముందు పెట్టబోతున్నామని తెలిపారు టీటీడీపీ అధ్యక్షుడు రమణ. కేసీఆర్ నియంత పాలనకు చరమగీతం పాడేవరకు నిద్రపోమని తెలిపారు. తాము అధికారంలోకి వస్తే అక్రమ డబ్బుతో నిర్మించిన ప్రగతి భవన్‌‌ను ప్రజాసుపత్రిగా మార్చుతామన్నారు.ఐదేళ్ళ పరిపాలనను పూర్తి చేయకుండానే కేసీఆర్ బాధ్యతల నుండి తప్పుకున్నారని విమర్శించారు. థర్డ్ ఫ్రంట్ ఏర్పాటు చేస్తానన్న కేసీఆర్ ఇంట్లో కూర్చున్నాడని మండిపడ్డారు.

మరింత +
KCR fears, May be loss in Telangana Elections over Congress Strong Alliance

టీఆర్ఎస్‌కు ఓటమి భయం: 12 మంది ఇంఛార్జుల నియామకం

ఇవాళ్టి నుంచి నామినేషన్ల ప్రక్రియ ప్రారంభం కానున్న నేపథ్యంలో పార్టీ అభ్యర్థులకు కేసీఆర్ భీ ఫామ్‌లు అందజేశారు. తొలి బీ ఫామ్ సిర్పూరు అభ్యర్థి కోనేరు కోనప్పకు ఇవ్వగా చివరి బీ ఫామ్‌ను కేసీఆరే తీసుకున్నారు. అనంతరం నామినేషన్‌లు జాగ్రత్తగా దాఖలు చేయడంపై అభ్యర్థులకు కేసీఆర్ అవగాహన కల్పించారు. నామినేషన్ దాఖలుపై ఏమైనా అనుమానాలు ఉంటే పార్టీ సీనియర్ నేతలను సంప్రదించాలని సూచించారు. ప్రత్యర్థులు ఎవరు అనేది ముఖ్యం కాదని, ప్రజలు తమ వెంటే ఉన్నారని అభ్యర్థుల్లో కేసీఆర్ ఆత్మస్థైర్యం నింపారు.  
106 మందికి బీఫామ్‌లు..
తొలిజాబితాలో 107 మంది అభ్యర్థులను ప్రకటించిన కేసీఆర్ 106 మంది అభ్యర్థులకు మాత్రమే బీఫామ్ లు అందజేశారు. నాంపల్లి అభ్యర్థి ఆనంద్‌కుమార్‌ కు పార్టీ బీఫామ్ ఇవ్వలేదు. దీనిపై ఇవాళ మాట్లాడుదామని ఆనంద్‌ కుమార్‌తో పార్టీ ముఖ్య నేతలు చెప్పినట్లు తెలుస్తోంది.  
కేటీఆర్‌కు గ్రేటర్,హరీష్‌కు పాలమూరు..
కాగా, అభ్యర్థులకు ఎప్పటికప్పుడు సలహాలు, సూచనలు ఇచ్చేందుకు కో ఆర్డినేషన్ కమిటీ ఏర్పాటు చేయడంతో పాటు గట్టి పోటీ ఉన్న 20 నియోజకవర్గాలకు 12 మంది ఇంచార్జీలను నియమించారు కేసీఆర్‌. కేటీఆర్ కు గ్రేటర్ హైదరాబాద్ ప్రచార బాధ్యతలు ఇవ్వగా హరీష్‌రావుకు ఉమ్మడి మహబూబ్‌నగర్‌ జిల్లా అప్పగించారు. కోదాడ- గుత్తా సుఖేందర్‌రెడ్డికి, హుజూర్‌నగర్‌-లింగయ్య యాదవ్‌ కి, తుంగతుర్తి- బూర నర్సయ్యగౌడ్‌ కి, ములుగు-పల్లా రారజేశ్వర్‌రెడ్డికి ఇల్లందు నుంచి -టాటా మధుకి, ఆదిలాబాద్‌ బాధ్యతల్ని- శ్రావణ్‌కుమార్‌రెడ్డికి, నల్గొండ కు-రవీందర్‌ ను ఇంచార్జీలుగా నియమించారు.  
ఈనెల 15 నుంచి కేసీఆర్ ప్రచారం..
మరోవైపు రెండో విడత ఎన్నికల ప్రచారాన్ని ఈనెల 15 నుంచి కేసీఆర్ ప్రారంభించనున్నారు. కేసీఆర్ ఏ నియోజకవర్గానికి వస్తారనే విషయాన్ని ఆయా నేతలకు మూడు రోజుల ముందు సమాచారం అందించనున్నట్లు సమాచారం.

మరింత +
Election Commission to release State Assembly Election notification Gazette in Telangana today

తెలంగాణలో మొదలుకానున్న నామినేషన్ల పర్వం

తెలంగాణ శాసనసభ ఎన్నికలకు నేడు నగారా మోగనుంది. ఎన్నికలకు సంబంధించి కేంద్ర ఎన్నికల సంఘం గెజిట్‌ నోటిఫికేషన్‌ విడుదల చేయనుంది. రాష్ట్ర శాసనసభ పరిధిలోని 19 ఎస్సీ, 12 ఎస్టీ రిజర్వ్‌డ్‌ స్థానాలతో సహా మొత్తం 119 నియోజకవర్గాలకు ఎన్నికలు జరగనున్నాయి. ఎన్నికల నోటిఫికేషన్‌ విడుదలైన మరుక్షణం నుంచి నామినేషన్ల పర్వం ప్రారంభం కానుంది.  
ఇవాళ్టి నుంచి ఈనెల 19 వరకు..
ఉదయం 11 గంటల నుంచి మధ్యాహ్నం 3 గంటల వరకు నియోజకవర్గ ఎన్నికల రిటర్నింగ్‌ అధికారులు అభ్యర్థుల నుంచి నామినేషన్లను స్వీకరించనున్నారు. ఈ నెల 19తో నామినేషన్ల స్వీకరణ గడువు ముగియనుంది. 20న నామినేషన్లను పరిశీలించనున్నారు. నామినేషన్ల ఉపసంహరణ గడువు 22తో ముగియనుంది. ఎన్నికల బరిలో మిగిలిన అభ్యర్థుల తుది జాబితా అదే రోజు వెల్లడికానుంది.  
డిసెంబర్ 7న తెలంగాణలో ఎన్నికలు..
డిసెంబర్‌ 7న ఉదయం 7 గంటల నుంచి సాయంత్రం 5 గంటల వరకు రాష్ట్రంలోని 32 వేల 791 పోలింగ్‌ కేంద్రాల్లో పోలింగ్‌ జరగనుంది. డిసెంబర్‌ 11న ఓట్ల లెక్కింపు నిర్వహించి ఫలితాలను ప్రకటించనున్నారు. శాసనసభ ఎన్నికల ప్రక్రియ 13తో ముగియనుంది. రాష్ట్ర వ్యాప్తంగా 2 కోట్ల 73 లక్షల 18 వేల 603 మంది ఓటర్లు ఓటు హక్కును వినియోగించుకోనున్నారు. ఈ నెల 19న ఓటర్ల జాబితా రెండో అనుబంధాన్ని ప్రచురించిన అనంతరం మొత్తం ఓటర్ల సంఖ్య 2.75 కోట్లకు పెరిగే అవకాశాలున్నాయి.  
ఈ ఎన్నికలను స్వేచ్ఛగా, నిష్పక్షపాతంగా జరపాలని.. 
ఎన్నికల కోడ్‌ను పటిష్టంగా అమలు చేసేందుకు అన్ని జిల్లాల్లో ప్రత్యేక ఏర్పాట్లు చేశారు. ఎన్నికలను స్వేచ్ఛగా, నిష్పక్షపాతంగా నిర్వహించేందుకు 68 మంది సాధారణ పరిశీలకులను నియమించారు. అభ్యర్థుల ఎన్నికల ఖర్చులపై నిఘా ఉంచేందుకు కేంద్ర ప్రభుత్వ సర్వీసులో పనిచేస్తున్న 53 మంది అధికారులను వ్యయ పరిశీలకులను కేంద్ర ఎన్నికల సంఘం నియమించింది.శాంతిభద్రతల పర్యవేక్షణ, బందోబస్తు ఏర్పాట్లు, పరిపాలన, పోలీసు విభాగల మధ్య సమన్వయం కోసం 10 మంది ఐపీఎస్‌ అధికారులను సైతం పోలీస్‌ అబ్జర్వర్లుగా నియమించింది. పోలింగ్‌ రోజు అన్ని పోలింగ్‌ కేంద్రాల్లో వెబ్‌ కాస్టింగ్‌ సదుపాయం కల్పించేందుకు ఏర్పాట్లు చేస్తోంది.  
నామినేషన్‌ దరఖాస్తులో కొత్త నిబంధనలు..
మరోవైపు ఎన్నికల నిబంధనలు అభ్యర్థులకు చుక్కలు చూపిస్తున్నాయి. నిబంధనల్లోని పలు అంశాలు అభ్యర్థులను తికమక పెడుతున్నాయి. గతంతో పోలిస్తే నామినేషన్‌ దరఖాస్తు నిబంధనల్లో చాలా మార్పులు జరిగాయి. ప్రధాన పార్టీలతో పాటు స్వతంత్ర అభ్యర్థులుగా పోటీచేసే వారికీ కొత్త నిబంధనలు ఇబ్బందిగా మారాయి. గత ఎన్నికల్లో అభ్యర్థి బ్యాంకు ఖాతాను నామినేషన్‌కు 15 రోజుల ముందు తెరిచినదైనా అంగీకరించేవారు. ఇప్పుడు నామినేషన్‌కు 48 గంటల లోపు తెరిచిన కొత్త ఖాతా అయి ఉండాలని నిబంధన పెట్టారు. సోమవారం మంచి ముహూర్తం కావడంతో చాలా మంది నామినేషన్‌ వేసేందుకు సిద్ధమయ్యారు. సోమవారం నామినేషన్‌ అంటే, శని, ఆదివారాల్లోపు తెరిచిన బ్యాంకు ఖాతాలై ఉండాలి. రెండు రోజులూ సెలవుదినాలు కావడంతో చాలామంది సోమవారమే ఖాతాలు తెరిచి తర్వాత నామినేషన్లు వేయాల్సి వస్తోంది. ఈ 48 గంటల నిబంధన కారణంగా చాలామంది నామినేషన్లను వాయిదా వేసుకున్నారు.  
అభ్యర్థి ఎన్నికల ఖర్చు..
ఇక ప్రతీ అభ్యర్థి ఎన్నికల ఖర్చు 28 లక్షల రూపాయలకు మించడానికి వీల్లేదు. ప్రతీ పైసా ఎన్నికల కోసం తెరిచిన బ్యాంకు ఖాతా ద్వారానే చూపించాలి. రోజుకు లక్షకు మించి తీయకూడదు. రోజూ 20 వేల రూపాయల నగదు మాత్రమే విత్‌డ్రా చేయాల్సి ఉంటుంది. మిగతా 80 వేల రూపాయలకు ఆన్‌లైన్‌లో లావాదేవీలు జరపాలి.

మరింత +
Group-2 selected candidates stage dharna in front of TSPSC office over delay in recruitment

TSPSC ఆఫీసు ఎదుట గ్రూప్2 అభ్యర్థుల ధర్నా

గ్రూప్-2 ఇంటర్వ్యూ షెడ్యూల్‌ను తక్షణమే ప్రకటించాలని డిమాండ్ చేస్తూ గ్రూప్-2 సెలక్టడ్ అభ్యర్థులు నాంపల్లిలోని తెలంగాణ పబ్లిక్ సర్వీస్ కమిషన్ ముందు ధర్నాచేశారు. గ్రూప్-2 జడ్జిమెంట్ వచ్చి నెలరోజులు గడిచినప్పటికీ TSPSC నుంచి ఎలాంటి కదలిక లేదని రెండేళ్ల నుంచి 3 వేల మంది అభ్యర్థులు మానసిక వేదనకు గురవుతున్నారని ఆవేదన వ్యక్తం చేశారు. కాలయాపన చేయకుండా ఇంటర్వ్యూ షెడ్యూల్ తేదీలు ప్రకటించాలని వారు డిమాండ్ చేశారు.

మరింత +
CPI state committee to meet today over Congress alliance in Telangana

కూటమిలో కొనసాగాలా.. వద్దా?

సీపీఐ రాష్ట్ర కార్యవర్గ సమావేశం నేడు జరగనుంది. ఈ అత్యవసర సమావేశంలో సీపీఐ నేతలు మహా కూటమి సీట్లపై ప్రధానంగా చర్చించనున్నారు. ఈ సందర్భంగా సీపీఐ పార్టీకి కాంగ్రెస్ కేటాయించిన సీట్లపై తుది నిర్ణయం తీసుకోనున్నారు. మొదట నుంచి సీపీఐ ఐదు సీట్లు కోసం పట్టుబడుతుండగా కాంగ్రెస్ ఆ పార్టీకి 3 సీట్లను కేటాయించింది. దీనిపట్ల సీపీఐ నేతలు అసంతృప్తిగా ఉన్నారు. కూటమిలో తమకు ప్రాధాన్యత గల సీట్లు ఇవ్వకపోతే కూటమిలో ఉండటంపై పునరాలోచించుకుంటామని గతంలోనే ఆ పార్టీ నేతలు స్పష్టం చేశారు. దీంతో ఈరోజు జరగబోయే సమావేశంలో సీపీఐ తీసుకునే నిర్ణయం కీలకంగా మారింది.

మరింత +
TRS Leader Harish Rao open letter to AP CM Chandrababu Naidu over Telangana disputes

చంద్రబాబుకు 19 ప్రశ్నలు సంధించిన హరీష్ రావు

ఏపీ సీఎం చంద్రబాబుకు హరీష్ రావు 19 ప్రశ్నలతో కూడిన బహిరంగ లేఖను రాశారు. తెలంగాణలో టీడీపీ పోటీపై ప్రజలకు తీవ్ర అభ్యంతరాలు ఉన్నాయన్నారు. చివరి నిమిషం వరకు తెలంగాణ ఏర్పాటును చంద్రబాబు అడ్డుకున్నది నిజం కాదా అంటూ ప్రశ్నించారు. రాష్ట్రంలో రాజకీయ అస్ధిరత కోసం పనిచేస్తున్నారంటూ విమర్శించారు. తెలంగాణలో ఓట్లు అడిగే హక్కు చంద్రబాబుకు లేదన్నారు హరీష్ రావు.

మరింత +
TDP Leader Revuri Prakash Reddy fire at KTR over neglecting Harish Rao in TRS politics

కేసీఆర్ రాజకీయ వారసుడిగా హరీష్‌ను ప్రకటించే దమ్ముందా?

హరీష్ రావును కేసీఆర్ రాజకీయ వారసుడిగా ప్రకటించాలని డిమాండ్ చేశారు టీడీపీ నేత రేవూరి ప్రకాశ్ రెడ్డి. కేటీఆర్ కంటే ముందు హరీష్ రావు రాజకీయాల్లోకి వచ్చారని అందుకే హరీష్ రావును రాజకీయ వారసుడుగా ప్రకటించాలన్నారు. డైరెక్ట్‌‌‌‌‌‌‌గా అమెరికా నుంచి ఊడిపడ్డ కేటీఆర్ కు చరిత్ర తెలియదని ఎద్దేవ చేశారు. అమెరికాలో చదివి ఉద్యోగం చేసి నువ్వు నేర్చిన సంస్కృతి ఇదేనా అని ప్రశ్నించారు.

మరింత +
AICC calls Telangana Senior Congress Leaders to finalise assembly candidates

70 సీట్లకు అభ్యర్థులు ఖరారు: TDP-14, TJS -11, CPI- 4

కాంగ్రెస్‌ అభ్యర్థుల ఎంపిక ప్రక్రియ చివరి దశకు చేరుకుంది. ఢిల్లీకి రావాల్సిందిగా కాంగ్రెస్‌ పార్టీ సీనియర్‌ నాయకులకు పిలుపు వచ్చింది. డీకే అరుణ, సబితా ఇంద్రారెడ్డి, దామోదర రాజనర్సింహా కోమటిరెడ్డి రాజగోపాల్‌ రెడ్డి సహా పలువురు ముఖ్య నేతలకు కాంగ్రెస్‌ హైకమాండ్‌ ఢిల్లీకి రావాల్సిందిగా ఆహ్వానించింది. ఉదయం 9.30 నుంచి సాయంత్రం 5.30 వరకు నేతలతో భేటీ కానుంది. ఒక్కో జిల్లాకు గంట సమయం కేటాయించిన స్క్రీనింగ్ కమిటీ.. సంప్రదింపులు పూర్తయిన తరువాతే అభ్యర్థుల జాబితా విడుదల చేయనుంది. ఇప్పటి వరకు తెలంగాణలో కాంగ్రెస్ పార్టీ పోటీ చేసే 70 సీట్లకు అభ్యర్థులను ఖరారు చేసినట్లు తెలుస్తోంది. ఇంకా 20 స్థానాలకు చెందిన అభ్యర్థులను ఢిల్లీకి రావాల్సిందిగా పిలువు వచ్చింది. టికెట్లు దక్కని అభ్యర్థులకు కాంగ్రెస్ అధిష్టానం బుజ్జగింపులు మొదలు పెట్టింది. సూర్యాపేట, ములుగు, ఇబ్రహీంపట్నం, ధర్మపురి, స్టేషన్ ఘనపూర్, తుంగతుర్తి, రాజేంద్రనగర్, దుబ్బాక, మెదక్, పెద్దపల్లి, కోరుట్ల, వరంగల్ ఈస్ట్, కొత్తగూడెం, నిజామాబాద్ అర్బన్, నిజామాబాద్ రూరల్, మేడ్చల్, పఠాన్ చెరువు, జుక్కల్ స్థానాలకు చెందిన ఆశవాహులతో కాంగ్రెస్ స్క్రీనింగ్ కమిటీ చర్చించనుంది. ఒక్కో జిల్లాకు దాదాపు గంట సమయం కేటాయించిన స్క్రీనింగ్ కమిటీ సీట్ల సర్దుబాటుపై ప్రధానంగా చర్చించనుంది. కాంగ్రెస్ పార్టీ మిత్రపక్షాలకు 29 సీట్లు కేటాయించే అవకాశం ఉంది. టీడీపీకి 14, TJSకి 11, సీపీఐకి 4 స్థానాలు ఇచ్చే ఆలోచనలో కాంగ్రెస్ ఉన్నట్లు తెలుస్తోంది. మిత్రపక్షాలకు కేటాయించగా మిగిలిన 90 స్థానాల్లో కాంగ్రెస్ పోటీ చేయనుంది. సంప్రదింపులు కొలిక్కి వచ్చిన తర్వాతే జాబితా విడుదల చేయనున్నట్లు తెలుస్తోంది.

మరింత +
Telangana Congress releasing first list on November 1st for pre polls

కాంగ్రెస్ జాబితా ఇదేనంటూ నెట్‌లో హల్ చల్!

కాంగ్రెస్ అభ్యర్థుల ఎంపిక ప్రక్రియ హస్తినకు చేరింది. అభ్యర్థుల జాబితాతో ఢిల్లీకి వెళ్లిన భక్త చరణ్ దాస్ కమిటీ ఈ మధ్యాహ్నం ఏకే అంటోని కమిటీకి జాబితా సమర్పించనుంది. ఇప్పటికే తుది జాబితా కసరత్తుపై పీసీసీ చీఫ్, కుంతియా ఢిల్లీకి చేరుకున్నారు. మరి కాసేపట్లో పార్టీ సీనియర్ నేత జానా రెడ్డి కూడా వీరితో జాయిన్ కానున్నారు. రేపు రాహుల్ తో ఎన్నికల కమిటీ సమావేశం అనంతరం సాయంత్రం కాంగ్రెస్ అభ్యర్థుల తొలి జాబితా విడుదలయ్యే అవకాశం ఉంది. అయితే రేపు విడుదల కానున్న కాంగ్రెస్ తొలి జాబితాలో ఎక్కువ శాతం సిట్టింగ్ లకే సీట్లు ఉంటాయంటున్నారు పార్టీ నేతలు. ప్రస్తుతం 40 మంది ఊహా జనిత పేర్లు బయటకు వచ్చాయి. రేపు విడుదలయ్యే తొలి జాబితాలో ఇదే పేర్లు ఉంటాయని సోషల్ మీడియాలో కొన్ని పేర్లు చక్కర్లు కొడుతున్నాయి.
 హైదరాబాద్ జిల్లా 
 గోషామహల్ – ముకేష్ గౌడ్ 
 సనత్ నగర్ – మర్రి శశిధర్ రెడ్డి 
 నాంపల్లి – ఫిరోజ్ ఖాన్ 
 జూబ్లిహిల్స్ – విష్ణు 
 రంగారెడ్డి జిల్లా
మహేశ్వరం – సబితా ఇంద్రారెడ్డి 
పరిగి – రామ్మోహన్ రెడ్డి 
 మెదక్ జిల్లా జహీరాబాద్ – గీతారెడ్డి 
అందోల్ – దామోదర రాజనర్సింహ 
సంగారెడ్డి – జగ్గారెడ్డి 
నర్సాపూర్ – సునీత లక్ష్మారెడ్డి 
గజ్వేల్ – ప్రతాప్ రెడ్డి 
ఖమ్మం జిల్లా 
 మథిర – భట్టి విక్రమార్క 
నల్గొండ జిల్లా 
 హుజూర్ నగర్ – ఉత్తమ్ కుమార్ రెడ్డి 
 నాగార్జున్ సాగర్ – జానారెడ్డి 
ఆలేరు – బూడిద భిక్షమయ్యగౌడ్ 
నల్గొండ – కోమటిరెడ్డి వెంకట్ రెడ్డి 
నకిరేకల్ – చిరుమర్తి లింగయ్య 
తుంగతుర్తి – అద్దంకి దయాకర్ 
మహబూబ్ నగర్ జిల్లా 
కొడంగల్ – రేవంత్ రెడ్డి 
గద్వాల్ – డీకే అరుణ 
వనపర్తి – చిన్నారెడ్డి 
కల్వకుర్తి – వంశీచంద్ రెడ్డి 
ఆలంపూర్ – సంపత్ 
నాగర్ కర్నూల్ – నాగం జనార్థన్ రెడ్డి 
నిజామాబాద్ జిల్లా 
 కామారెడ్డి – షబ్బీర్ అలీ 
 బోధన్ – సుదర్శన్ రెడ్డి 
బాల్కొండు – ఇరావత్రి అనిల్ 
 ఆదిలాబాద్ జిల్లా 
 నిర్మల్ – మహేశర్వర్ రెడ్డి 
 ఖానాపూర్ – రమేశ్ రాథోడ్ 
 బోధ్ – సోయం బాబూరావు 
 ఆసిఫాబాద్ – ఆత్రం సక్కు 
 కరీంనగర్ జిల్లా 
జగిత్యాల – జీవన్ రెడ్డి 
మంథని – శ్రీధర్ బాబు 
 కరీంనగర్ – పొన్నం ప్రభాకర్ 
 సిరిసిల్ల – కె.కె. మహేందర్ రెడ్డి 
పెద్దపల్లి – విజయరామారావు 
 వరంగల్ జిల్లా 
 భూపాల్ పలి – గండ్ర వెంకటరమణారెడ్డి 
 నర్సంపేట – దొంతి మాధవరెడ్డి 
 ములుగు – సీతక్క 
 జనగాం – పొన్నాల లక్ష్మయ్య
మెదక్ జిల్లా
దుబ్బాక- విజయశాంతి

మరింత +
No clarity yet on Mahakutami alliance over assembly seats distribution in Telangana between TDP, TJS and Congress

సీట్ల పొత్తుపై కూటమి నేతల మధ్య వాడీవేడీ చర్చ

సీట్ల సర్దుబాటుపై మహాకూటమి నేతల మధ్య చర్చలు హాట్ హాట్ గా కొనసాగుతున్నాయి. సీపీఐ తెలంగాణ కార్యదర్శి చాడ వెంకట్‌రెడ్డి నివాసంలో టీజేఎస్ అధ్యక్షుడు కోదండరాం, టీటీడీపీ అధ్యక్షుడు ఎల్‌ రమణ భేటీ అయ్యారు. రేపు కాంగ్రెస్ తొలి అభ్యర్థుల జాబితా ప్రకటించనున్న నేపథ్యంలో సీట్ల సర్దుబాటు, ఎన్నికల వ్యూహాలపై నేతలు చర్చించారు. ఇప్పటికే కూటమి ఆలస్యమైందన్న ఆయన సీట్ల సర్దుబాటు లెక్కలు ఇప్పటి వరకు బయటకు వెల్లడించలేదని తెలంగాణ జన సమితి అధ్యక్షుడు కోదండరాం తెలిపారు. మహా కూటమిలో కాంగ్రెస్ పెద్దన్న పాత్ర పోషిస్తుందని కూటమి ఏర్పాటులో అందరం భాగస్వామ్యులమేనని కోదండరాం స్పష్టం చేశారు.

మరింత +
Rythu Bandhu Scheme useful only for Big farmers not small farmers said TRS Leaders in Mahabubnagar district

రైతు బంధు పేదల కంటే పెద్దలకే ఉపయోగపడింది

కేసీఆర్ ప్రభుత్వం ప్రతిష్టాత్మకంగా ప్రవేశపెట్టిన రైతు బంధు పథకంపై ఆ పార్టీలో ఉన్న కొంత మంది నేతలు హాట్ కామెంట్స్ చేశారు. పథకం బడారైతులకే మేలు చేసిందని టీఆర్ఎస్ నేతలు అభిప్రాయ పడుతున్నారు. వందల ఎకరాలు ఉన్న భూస్వాములు లక్షలు తీసుకుంటే బక్కచిక్కిన రైతులకు వెయ్యి,రెండు వేలు నాలుగు వేలు మాత్రమే వచ్చాయని ఆవేదన వ్యక్తం చేశారు. పేదల కంటే పెద్దలకే ఉపయోగపడిందన్నారు. రెండు రోజుల క్రితం ఉమ్మడి మహబూబ్‌నగర్ జిల్లా పరిధిలోని తలకొండపల్లి మండలంలో టీఆర్ఎస్ కు చెందిన నేతలు ఎమ్మెల్సీ కసిరెడ్డి నారాయణరెడ్డికి అనుకూలంగా ముఖ్యనేతల సమావేశం నిర్వహించారు. అందులో ఆ పార్టీకి చెందిన నాయకుడు ఉప్పల వెంకటేశ్ రైతుబంధు పథకం పెద్దలకు ఎలా మేలు చేసిందో వివరించిన తీరు ఇప్పుడు సోషల్ మీడియాలో వైరల్ గా మారింది.

మరింత +
MP Boora Narasaiah Goud, Srinivas Goud, Gongidi Sunitha questioned by Village Goud Community Association over not fulfilling promises

గౌడ ఆశీర్వాద సభలో టీఆర్ఎస్ నేతలకు పరాభవం

యాదాద్రి జిల్లా ఆత్మకూరులో టీఆర్ఎస్ నేతలకు చుక్కెదురయ్యింది. గౌడల ఆశీర్వాద సభకు వెళ్తున్న ఎంపీ బూర నర్సయ్యతో పాటు తాజా మాజీ ఎమ్మెల్యేలు గొంగిడ సునీత, శ్రీనివాస్‌ను గౌడ సంఘం నేతలు అడ్డుకున్నారు. ఓ గౌడ కుటుంబాన్ని గ్రామ బహిష్కరణ చేసినప్పుడు పట్టించుకోని మీరు ఇప్పుడెందుకు వచ్చారంటూ ఆగ్రహం వ్యక్తం చేశారు. నిరసన వ్యక్తం చేసిన ఓ యువకుడిపై స్థానిక ఎస్‌ఐ దాడి చేశాడు. ఎంపీ బూర నర్సయ్యగౌడ్, శ్రీనివాస్‌ దిష్టిబొమ్మ దగ్ధం చేశారు.

మరింత +
Telangana Congress first list preparations on last page, on Nov 3 or 4 Candidates names will be out

చివరి అంకంలో టీ కాంగ్రెస్ ఫస్ట్ లిస్టు

తెలంగాణ కాంగ్రెస్ నేతలు ఎప్పుడెప్పుడా అని ఎదురు చూస్తున్న అభ్యర్దుల లిస్టు ఎంపిక ప్రక్రియ చివరి అంకానికి చేరుకుంది. అభ్యర్దుల ఎంపిక కోసం చివరి పర్యటనకు వచ్చిన స్క్రీనింగ్ కమిటి తుది భేటిని రహస్యంగా నిర్వహిస్తోంది. పీసీసీ చీఫ్, వర్కింగ్ కమిటీ ప్రెసిడెంట్లతో పాటు ముఖ్యనేతలతో కలిసి స్క్రీనింగ్ కమిటి చైర్మెన్ భక్తచరన్ దాస్ గోల్కొండ రిసార్టులో రహస్య భేటి నిర్వహించారు. ఒక్కో నియోజకవర్గానికి ఒక అభ్యర్ధి పేరుతో అభిప్రాయన్ని తీసుకుంటూ లిస్టును స్క్రీనింగ్ కమిటి ఫైనల్ చేయనున్నట్లు తెలుస్తోంది. అయితే కాంగ్రెస్ తొంబై స్థానాలకు ఒక్కో పేరుతో లిస్టును ఏఐసిసి స్క్రీనింగ్ కమిటి అందజేయడానికి సిద్దమైనట్లు తెలుస్తోంది. సాధ్యమైనంత త్వరగా అభ్యర్దుల లిస్టును పూర్తి చేసి సెంట్రల్ స్క్రినింగ్ కమిటీకి అందచేయాలని భక్తచరన్ దాస్ కమిటి కసరత్తు చేస్తున్నట్లు సమాచారం. నవంబర్ రెండున సెంట్రల్ స్క్రీనింగ్ కమిటి మీటింగ్ జరగనుంది. ఆ సమావేశం అనంతరం రాహుల్ గాంధీ, సోనియాగాంధీల అనుమతి తీసుకొని మొత్తం ఒకేసారి కాంగ్రెస్ అభ్యర్థుల లిస్ట్ ను ఖరారు చేయనున్నట్లు తెలుస్తుంది. మొత్తం మీద అన్ని అనకున్నట్లు జరిగితే నవంబర్ మూడో తేదీ లేదా నాల్గో తేదీన అభ్యర్థుల ప్రకటన ఉండే అవకాశం ఉందని గాంధీభవన్ వర్గాల్లో చర్చజరుగుతుంది.

మరింత +
Ladies stops Etela Rajendar Election Campaign in Hujurabad

ఈటెల రాజేందర్‌‌ను అడ్డుకున్న మహిళలు

హుజూరాబాద్‌లోని ఎన్నికల ప్రచారంలో ఆపద్దర్మ మంత్రి ఈటెల రాజేందర్ కి చుక్కెదురైంది. తన ప్రచారంలో భాగంగా డీసీఎంఎస్‌ కాలనీకి వెళ్లిన మంత్రిని అక్కడి కాలనీ వాసులు ఏం అభివృద్ధి చేశారంటూ నిలదీశారు.ఈటలను మహిళలు, స్థానికులు అడ్డుకోవడంతో టీఆర్ఎస్‌ కార్యకర్తలకు, స్థానికులకు మధ్య వాగ్వాదం చోటు చేసుకుంది.ఈటల సర్దిచెప్పే ప్రయత్నం చేయగా పరిస్థితి ఉద్రిక్తంగా మారడంతో చేసేదేమీ లేక ఆయన అక్కడినుంచి వెంటనే వెనుదిరిగి వెళ్లిపోయారు.

మరింత +
TRS General Secretary K Keshava Rao gets EC notices over using office for election meetings

టీఆర్ఎస్ కు ఎన్నికల సంఘం నోటీసులు

కు రాష్ట్ర ఎన్నికల ప్రధానాధికారి రజత్‌కుమార్‌ నోటీసులు జారీచేశారు. మహాకూటమి నేతల ఫిర్యాదు ఆధారంగా ఈ నోటీసులు జారీ అయ్యాయి. మంత్రుల నివాస ప్రాంగణం, అధికారిక భవనాల్లో పార్టీ ఎన్నికల భేటీలు నిర్వహిస్తున్నారని మహాకూటమి నేతలు ఈసీకి ఫిర్యాదు చేశారు. ఈ ఫిర్యాదుపై స్పందించిన రాష్ట్ర ఎన్నికల సంఘం టీఆర్ఎస్ సెక్రటరీ జనరల్‌ కేశవరావుకు నోటీసులు జారీ చేసింది.

మరింత +