రీల్ న్యూస్

Akkineni Nagarjuna likes Rajni's Robo 2.0 Movie song composed by A R Rahman

రజనీ మూవీ గురించి అక్కినేని నాగ్ ఏమన్నారంటే?

ప్రముఖ త‌మిళ‌ దర్శకుడు శంకర్‌ ప్రతిష్ఠాత్మకంగా తెరకెక్కించిన ‘2.0’ సినిమాలోని ఓ పాట త‌న‌కు బాగా నచ్చిందన్నారు అక్కినేని నాగార్జున. ఈ విషయాన్ని ఆయన ట్విటర్‌ ద్వారా వెల్లడించారు. 2.0 లోని బుల్లిగువ్వా అనే పాట త‌న‌కెంతో నచ్చిందన్నారు. ఎం.ఎం కీరవాణి చాలా అద్భుతంగా ఈ పాటను ఆలపించారన్నారు. ఇక ఏ.ఆర్‌ రెహమాన్‌ సంగీతం అదుర్స్ అని చెప్పారు. సూప‌ర్ స్టార్ ర‌జ‌నీకాంత్ హీరోగా , అమీ జాక్సన్‌ జంటగా రోబో 2.0 మూవీలో నటించిన విష‌యం తెలిసిందే. 600 కోట్లతో ఈ చిత్రాన్ని లైకా ప్రొడ‌క్ష‌న్స్ సంస్థ‌ నిర్మించింది. ఇటీవల విడుదల చేసిన ఈ చిత్ర ట్రైలర్‌కు భారీ స్పందన లభించింది. ఇందులో బాలీవుడ్‌ నటుడు అక్షయ్‌ కుమార్ విల‌న్ గా క‌నిపించ‌నున్నారు. ఈ చిత్ర తమిళ ట్రైలర్‌ను సుమారు రెండు కోట్ల మందికి పైగా వీక్షించారు. తెలుగు, హిందీ, తమిళంలో ఈ చిత్రం నవంబర్‌ 29న ప్రపంచవ్యాప్తంగా విడుదల అవుతోంది. శంక‌ర్, ర‌జ‌నీ కాంబినేష‌న్ లో వ‌స్తున్న ఈ సినిమా కోసం అభిమానులు ఆస‌క్తిగా ఎదురు చూస్తున్నారు.

మరింత +
Sarkar Movie Row: Movie Makers Reportedly Agree To Drop Scenes

వెనక్కు తగ్గిన సర్కార్ మూవీ బృందం

వివాదాలకు కేంద్ర బిందువుగా మారిన సర్కార్ సినిమాకు స్టార్స్ మద్దతు లభిస్తోంది. డివైడ్‌ టాక్‌ తెచ్చుకున్న ఈ సినిమా కలెక్షన్ల పరంగా మాత్రం విజయ్‌ స్టామినాను మరోసారి ప్రూవ్ చేసుకుంది. పొలిటికల్‌ థ్రిల్లర్‌ కావటంతో సినిమా రిలీజ్‌ అయిన దగ్గర నుంచి వివాదాలు చుట్టుముట్టాయి. తమిళనాట అధికార పార్టీ అన్నా డీఎంకేకు వ్యతిరేకంగా సన్నివేశాలున్నాయంటూ విమర్శలు రావడంతో ఆ పార్టీ నేతలు ఆందోళనలు తీవ్రతరం చేశారు. అదే సమయంలో దివంగత నేత జయలలితను కించపరిచే విధంగా సన్నివేశాలున్నాయంటూ అభ్యంతరం వ్యక్తం చేశారు. కొన్ని సీన్లను తొలగించాలంటూ ఆందోళన చేశారు.  
ఇది చట్ట వ్యతిరేకం...
సర్కార్ మూవీ వివాదంలో సర్కార్‌ సినిమాకుకు అండగా స్టార్‌ హీరోలు మద్ధుతు తెలుపుతున్నారు. సినిమాపై వస్తున్న ఆరోపణలను సూపర్ స్టార్ రజనీ కాంత్ ఖండించారు. సెన్సార్ బోర్డ్‌ అన్ని రకాల క్లియరెన్స్‌ ఇచ్చిన తరువాతే సినిమా ప్రేక్షకుల ముందుకు వచ్చింది. అయినా కొన్ని సీన్స్‌ తొలగించాలంటూ రాద్ధాంతం చేయటం, ప్రదర్శనలు అడ్డుకోవటం చట్ట వ్యతికేరం అన్నారు. మరో టాప్‌ స్టార్‌ కమల్‌ హాసన్‌ కూడా మద్దతు తెలిపారు. సినిమా విడుదలైన సమయంలో తమిళనాట ఇలాంటి పరిస్థితి కొత్తేం కాదు. రాజకీయ క్రీడలో ఇది ఆనవాయితీగా వస్తోంది అంటూ ట్వీట్ చేశారు.  
తమిళ స్టార్స్ మద్దతు ...
మరో స్టార్ విశాల్‌ కూడా విజయ్‌ సినిమా మద్దతు పలికారు. దర్శకుడు మురుగదాస్‌ ఇంట్లో పోలీసులు..? ఎందుకోసం..? ఎలాంటి అవాంఛనీయ సంఘటనలు జరగవనే ఆశిస్తున్నా. సినిమాకు సెన్సార్‌ క్లియరెన్స్ వచ్చింది. ఇప్పటికే చాలా మంది ప్రజలు సినిమా చూశారు. అయినా ఈ గొడవ, ఏడుపు ఎందుకు అంటూ ట్వీట్ చేశారు.  
వెనక్కి తగ్గిన మూవీ నిర్మాతలు...
ఇటు వివాదాల నేపధ్యంలో చిత్ర నిర్మాతలు వెనక్కి తగ్గినట్లు తెలుస్తోంది. కొన్ని సన్నివేశాలు దివంగత సీఎం జయలలితను కించపరిచేలా ఉన్నాయంటూ ఆరోపణలు వచ్చాయి. దీంతో పాటు ప్రభుత్వ పథకాలపై సినిమాలో ఉన్న కామెంట్లను తొలగించాలని అన్నాడీఎంకే నేతలు డిమాండ్ చేశారు. వరుస వివాదాలతో సినిమాలోని కొన్ని సీన్లను తొలగించాలని చిత్ర బృందం నిర్ణయించినట్లు తెలుస్తోంది.

మరింత +
Tamil Nadu minister asks makers of ‘Sarkar’ to remove scenes critical of state government

వివాదంలో విజయ్ సినిమా సర్కార్

తమిళ హీరో విజయ్ సినిమా మరో వివాదంలో చిక్కుకుంది. సక్సెస్‌ఫుల్‌గా సాగిపోతున్న సర్కార్ సినిమాపై అన్నాడీఎంకే మంత్రులు మండిపడుతున్నారు. మూవీలో దివంగత నేత జయలలితను తప్పుగా చూపించారని, దీనికి సంబంధించిన సన్నివేశాలను వెంటనే తొలగించాలని డిమాండ్‌ చేస్తున్నారు. లేదంటే చట్టపరమైన చర్యలు తీసుకుంటామని హెచ్చరించారు. మరి ఇంతకి ఈ వివాదం ఎంతవరకు వెళ్తుందో చూడాలి. ఏఆర్‌ రెహమాన్‌ ఈ చిత్రానికి సంగీతం అందించగా, ఏఆర్‌ మురుగదాస్‌ దర్శకత్వం వహించారు.

మరింత +
Sonali Bendre is a strong girl and ready to get back to normal life, says Namrata Shirodkar

అమెరికాలో సోనాలి బింద్రేను కలిసిన నమ్రత

టాలీవుడ్ టాప్ హీరో మ‌హేష్ బాబు స‌తీమ‌ణి న‌మ్ర‌తా శిరోద్క‌ర్ సోనాలి బింద్రేను క‌లిసి ప‌రామ‌ర్శించింది. ఆమె గ‌త కొంత కాలంగా అమెరికాలో క్యాన్సర్ కు చికిత్స తీసుకుంటున్న విష‌యం తెలిసిందే. మహేశ్‌ తన కుటుంబంతో కలిసి ప్రస్తుతం అమెరికాలో విహారయాత్ర చేస్తున్నారు. సోనాలి బింద్రే ప్రస్తుతం న్యూయార్క్‌లో చికిత్స పొందుతున్నారు. సోనాలి దృఢ‌త్వం గల మహిళ అని స్తుతం ఫిట్‌గా ఉన్నారని తెలిపింది న‌మ్ర‌త‌. త్వరలో మామూలు జీవితాన్ని గడిపేందుకు సిద్ధంగా ఉన్నారంది. ఆమెతో మాట్లాడతున్నంత సేపు చాలా సరదాగా గడిపానన్నారు. వాళ్లిద్దరు చాలా విషయాలు మాట్లాడుకున్నట్టు తెలిపింది. సోనాలి త్వరగా కోలుకుంటుంద‌న్న ఆశాభావం వ్య‌క్తం చేసింది నమ్రత. త‌ను మ‌రోసారి అమెరికాకు వ‌చ్చి సోనాలితో సెంట్ర‌ల్ పార్క్ లో వాకింగ్ చేస్తాన‌ని హామీ ఇచ్చిందట. వీరితోపాటు బాలీవుడ్ హీరోయిన్స్ ప్రియాంక చోప్రా, ఆలియా భట్ లు కూడా సోనాలి బింద్రేను కలిశారు.

మరింత +
Top Heroine Anushka Shetty condemns Marriage rumours, joined in Nature cure Hospital in Netherlands for weight loss she said

తన పెళ్లి వార్తలపై స్పందించిన అనుష్క

టాలీవుడ్ స్టార్ హీరోయిన్ అనుష్క పెళ్లికి సంబంధించి తాజాగా వచ్చిన వార్త‌లను ఖండించింది. ఆమె ఇన్‌స్టాగ్రామ్ ఖాతాలో ఓ ఫొటో పోస్ట్ చేయ‌గా, ఇది పెళ్లికి సంబంధించిన ఫోటోలా ఉందని పలు వెబ్ సైట్ లు రాశాయి. ఈ ఫోటోలో తన పాదాన్ని చూపిస్తూ మట్టెలను పోలిన ఆకులను కాలి బొటనవేలు మధ్య ఉంచుకున్నట్టు దిగింది. ఈ ఫొటో ప్రస్తుతం సోషల్‌మీడియాలో వైరల్‌గా మారింది. ఇది పెళ్లికి చిహ్నమేనని పలువురు నెటిజన్లు కామెంట్స్ పెట్టారు. అయితే దీనిపై స్పందించిన అనుష్క సైజ్ జీరో కోసం బ‌రువు తగ్గడానికి ప్ర‌కృతి వైద్యంతో త‌గ్గేందుకు ప్ర‌య‌త్నాలు చేస్తున్నట్టు తెలిపింది. ఇందుకోసం నార్వేలోని ఓ ప్రకృతి వైద్యశాలలో చికిత్స తీసుకుంటున్నట్టు తెలిపింది. ఈ వైద్యశాలలో నాచురోపతి ట్రీట్‌మెంట్ ద్వారా బ‌రువు తగ్గిస్తారట. అయితే దట్టమైన అడవుల్లో ఈ వైద్యశాల ఉందట. తను ఖాళీ సమయాల్లో సరదాగా తిరుగుతూ ఉండగా.. తన కాలికి తగిలిన తీగను ఫోటో తీసి పోస్ట్ చేసినట్టు వెల్లడించింది అనుష్క‌. ఇది చూసి అందరూ అనుష్క పెళ్లి అంటూ పుంకాలు పుంకాలుగా క‌థ‌నాలు రాసిన విషయం తెలిసిందే.

మరింత +
Inside Asin-Rahul Sharma’s daughter Arin’s first birthday bash

తమిళ కుట్టి అసిన్ ఏడాది తర్వాత కనిపించింది?

ప్రముఖ హీరోయిన్ అసిన్ చాలా రోజుల తర్వాత కనిపించింది. అది కూడా ఏడాది వయసు గల అందమైన తన కూతురు బర్త్ డే రోజున ట్విట్టర్ లో ఆ ఫోటోలను పోస్టు చేసింది. ఆమె కూతురు క్యూట్ గా ఉంది. మైక్రోమ్యాక్స్ వ్యవస్థాపకుడు రాహుల్ శర్మను వివాహం చేసుకొని సినిమాల‌కి దూర‌మైంది అసిన్. ఆమె వివాహం 2016, జ‌న‌వరి 19న‌ జ‌రిగింది. అక్టోబ‌ర్ 25, 2017న పండంటి ఆడ‌బిడ్డ వారికి కలిగింది. అరిన్ పట్టిన రోజు వేడుకను గ్రాండ్ గా సెలబ్రేట్ చేసుకుంటూ..  ‘ఏడాది క్రితం మా ప్రపంచంలోకి అందమైన, తేజోవంతమైన రాకుమారిని ఆహ్వానించాం. ఈరోజు తను తొలి వసంతంలో అడుగుపెట్టింది. నా చిట్టితల్లి ఆరిన్‌కు పుట్టినరోజు శుభాకాంక్షలు. నువ్వింత తొందరగా ఎందుకు ఎదుగుతున్నావ్‌ బంగారం’ అంటూ కామెంట్ పెట్టారు అరిన్ తండ్రి రాహుల్ శర్మ. తన కూతురి బ‌ర్త్‌డేకి సంబంధించి సెల‌బ్రేష‌న్స్ ఫోటోలు సోషల్ మీడియాలోని ఆమె ఫ్యాన్స్‌ తో పంచుకుంది. అసిన్ రీఎంట్రీ పై రూమర్స్ వచ్చినా.. దీనిపై ఇంకా క్లారిటీ రాలేదు.

మరింత +
Veteran Actor, Telugu Comedian T Ramana Reddy's wife Sudarshanamma died at 93

అల‌నాటి హాస్య‌న‌టుడు ర‌మ‌ణారెడ్డి భార్య ఇక‌లేరు

తెలుగు వెట‌ర‌న్ యాక్ట‌ర్, హాస్య‌న‌టుడు తిక్క‌వ‌ర‌పు వెంక‌ట‌ర‌మణారెడ్డి స‌తీమ‌ణి సుద‌ర్శ‌న‌మ్మ ప‌ర‌మ‌ప‌దించారు. కొన్నాళ్ళుగా అనారోగ్యంతో బాధ‌ప‌డుతూ చెన్నైలోని ఆసుప‌త్రిలో ఆమె చికిత్స పొందుతున్నారు. ప్ర‌స్తుతం ఆమె వ‌య‌స్సు 93 సంవ‌త్స‌రాలు. వీరికి ఇద్దరు కొడుకులు, ముగ్గురు కుమార్తెలు ఉన్నారు. సుద‌ర్శ‌న‌మ్మ అంత్య‌క్రియ‌లు ఇవాళ జ‌ర‌గ‌నున్నాయి. సుద‌ర్శ‌న‌మ్మ భ‌ర్త ర‌మణారెడ్డి నవంబరు 11, 1974 లో మ‌ర‌ణించారు. సన్నగా పొడుగ్గా ఉండే రమణారెడ్డి అనేక తెలుగు చిత్రాలలో హ‌స్య రసాన్ని పండించారు. త‌న అభిన‌యంతో ప్రేక్ష‌కుల‌ను ఉర్రూతలూగించాడు. బంగారుపాప , మిస్సమ్మ చిత్రాలతో రమణారెడ్డి ప్రతిభ ప్రేక్షకులకీ, పరిశ్రమకీ బాగా తెలిసి వ‌చ్చింది. ఆయ‌న బక్క పర్సనాలిటీ, హావ‌భావాలు గొప్ప న‌టున్ని చేశాయి. ఆ శరీరం రబ్బరు బొమ్మ తిరిగినట్టు, చేతులూ, కాళ్లూ కావలసిన రీతిలో ఆడించే వారు రమణారెడ్డి. ప్రేక్షకులతో పాటు దర్శక నిర్మాతలు చాలా మంది రమణారెడ్డినే కోరుకునేవారు.

మరింత +
Naga Chaitanya's Savyasachi movie trailer out, release date Nov 2

నాగచైతన్య మూవీ సవ్యసాచి ట్రైలర్ విడుదల

అక్కినేని నాగచైతన్య కథానాయకుడిగా నటిస్తున్న సవ్యసాచి మూవీ ట్రైలర్ విడుదలైంది. నాగచైతన్యకు తెలియకుండానే అతని ఎడమ చెయ్యి రియాక్ట్‌ అవడం ట్రైలర్‌లో ఫన్నీగా చూపించారు. చందూ మొండేటి ఈ చిత్రానికి దర్శకత్వం వహిస్తున్నారు. బాలీవుడ్‌ నటి నిధి అగర్వాల్‌ కథానాయికగా నటిస్తున్నారు. ఎంఎం కీరవాణి సంగీతం అందించిన ఈ చిత్రం నవంబర్‌ 2న ప్రేక్షకుల ముందుకు రాబోతోంది.

మరింత +
Arjun Reddy Movie fame comedian Rahul Ramakrishna getting to marry on January 15th

బీచ్‌లో గర్ల్ ఫ్రెండ్‌కు లవ్ ప్రపోజ్ చేస్తూ ఏమన్నాడంటే?

అర్జున్ రెడ్డి సినిమాతో పాపులరయిన కమెడియన్ రాహుల్ రామ‌కృష్ణ‌కు పెళ్లి ఫిక్స్ అయింది. సైన్మా అనే షార్ట్ ఫిలిమ్ తో వచ్చి..అర్జున్ రెడ్డి, గీత గోవిందం చిత్రాలలో హీరో ఫ్రెండ్ క్యారెక్ట‌ర్‌లో న‌టించి మెప్పించాడు. థియేటర్ లో న‌వ్వుల పువ్వులు పూయించాడు. డిఫ‌రెంట్ ఆటిట్యూడ్‌, డైలాగ్ డెలివ‌రీలో కొత్త ద‌నం చూపిస్తూ ప్రేక్ష‌కుల‌ను ఆకట్టుకున్నాడు. అయితే తన గర్ల్ ప్రెండ్ తో ఓ అందమైన బీచ్ లో ప్రపోజ్ చేస్తున్న ఫోటో ఒకటి ట్విట్ట‌ర్ పేజ్‌లో పోస్ట్ చేసి అంద‌రికి షాక్ ఇచ్చాడు. జనవరి 15న తాను, ఆమె పెళ్లి చేసుకోబోతున్నట్టు తెలిపాడు. ఎవరికీ చెప్పకండి అంటూ కామెంట్‌ చేశాడు. రాహుల్ పోస్ట్ చేసిన ఫోటోలో అమ్మాయి ఎవరా అని ఎదురు చూస్తున్నారు అభిమానులు. వెయిట్ అండ్ సీ.

మరింత +
Remove Sunny Leone from Veera Mahadevi Movie says Karnataka Rakshana Vedika

ఆ సినిమా నుంచి సన్నీ లియోన్‌ను తొలగించండి

ఐదు భాషల్లో తెరకెక్కుతున్న వీర మహాదేవి సినిమాకు నిరసనల సెగ తగిలింది. ఈ సినిమా నుంచి ఈ సినిమా నుంచి శృంగార తార సన్నీ లియోన్‌ను తప్పించాలని కర్ణాటక రక్షణ వేదిక యువసేన బెంగళూరులో ధర్నాకు దిగింది. కొందరు యువకులు వీర మహాదేవి సినిమా చిత్రీకరణను వ్యతిరేకిస్తూ చేతులను బ్లేడ్లతో కోసుకున్నారు. వీర మహాదేవిని అవమానించే రీతిలో సన్నీ లియోన్‌కు సినిమాలో లీడ్ రోల్ ఇవ్వడంపై ఆందోళనకారులు మండిపడుతున్నారు. సినిమా షూటింగ్ ను వెంటనే ఆపేయాలనీ, వాడి ఉదయన్‌ అందరికీ క్షమాపణ చెప్పాలని కర్ణాటక రక్షణ వేదికె యువసేన డిమాండ్ చేసింది. ఈ సందర్భంగా సన్నిలియోన్ పోస్టర్లను తగులబెట్టి నిరసన తెలియజేశారు.

మరింత +
Deepika Padukone and Ranveer Singh are set to get married on November 14 and 15

రెండు సాంప్రదాయాల్లో రణ్‌వీర్, దీపికల వివాహం

బాలీవుడ్ స్టార్ నటులు దీపికా పదుకొణె, రణ్‌వీర్‌ సింగ్ లు ఒకటి కాబోతున్నారు. నవంబర్‌ 14, 15 తేదీల్లో వీరి వివాహ వేడుక జరగబోతోందని వెల్లడించారు. ఇటలీలోని లేక్‌ కోమోలో వీరి వివాహం వైభవంగా జరగనుంది. అయితే రణ్‌వీర్‌, దీపికలు నవంబర్ 15ననే వివాహం ఎందుకు చేసుకోబోతున్నారో తెలుసా వీరిద్దరూ జంటగా నటించిన తొలి చిత్రం గోలియోంకీ రాస్‌లీలా రామ్‌లీలా విడుదలైన రోజు కూడా అదేనట. 2013లో ఈ చిత్రం విడుదలైంది. ఈ సినిమాతో షూటింగ్ సమయంలోనే వీరిద్దరు ప్రేమలో పడ్డారు. ఈ వివాహ వేడుకలోనే ‘రామ్‌లీలా’ సెలబ్రేషన్స్‌ కూడా నిర్వహించనున్నట్లు బాలీవుడ్‌ వర్గాల సమాచారం. దీపిక, రణ్‌వీర్‌ల వివాహం రెండు పద్ధతుల్లో జరగనుందని సమాచారం. దీపికది బెంగళూరు, రణ్ వీర్ మహారాష్ట్రకు చెందిన సింధి కుటుంబంలో పుట్టారు. అందుకే దక్షిణ భారతీయ సంప్రదాయంలో, సింధి సంప్రదాయంలో వివాహాలు జరిపించేందుకు సన్నాహాలు చేస్తున్నారని తెలుస్తోంది.

మరింత +
Amithab Bachchan, Amir Khan multi Starr-er movie Thugs of Hindistan releasing on Diwali  day

దీపావళికి థగ్స్ ఆఫ్ హిందుస్థాన్ విడుదల

బాలీవుడ్ సూపర్‌స్టార్స్ అమితాబ్ బచ్చన్, ఆమీర్ ఖాన్ కలిసి నటిస్తున్నమూవీ థగ్స్ ఆఫ్ హిందుస్థాన్. నవంబర్ 8 దీపావళి రోజున సినిమా విడుదలకానుంది. దీంతో మేకింగ్ వీడియోస్‌తో ప్రేక్షకుల్లో అంచనాలు పెంచుతుంది చిత్ర యూనిట్. థగ్స్ నుంచి ఇప్పటికే 5 మేకింగ్ వీడియోస్ రిలీజ్ అయ్యాయి. 19వ శతాబ్దంలో బ్రిటిష్ పాలనలో ఇండియా నేపథ్యంలో ఈ మూవీ తెరకెక్కింది. 1839లో ఫిలిప్ మీడోస్ టేలర్ రాసిన కన్ఫెషన్స్ ఆఫ్ ఎ థగ్ అనే నవల స్ఫూర్తితో సినిమాను రూపొందించారు. విజయ్ కృష్ణ ఆచార్య దర్శకత్వం వహిస్తుండగా.. యశ్‌రాజ్ ఫిల్మ్స్ ఈ చిత్రాన్ని నిర్మిస్తోంది. దీపావళి రోజు మూవీ రిలీజ్ కావడంతో ఓపెనింగ్ కలెక్షన్స్ రికార్డులు బద్దలవుతాయని అంచనా వేస్తున్నారు. తొలి రోజు కలెక్షన్లలో బాహుబలి 2ను థగ్స్ ఆఫ్ హిందుస్థాన్ మించిపోతుందా అని తరణ్ ట్వీట్ చేశారు.

మరింత +
Sarkar teaser out: Thalapathy Vijay is at his stylish best

దుమ్మురేపుతున్న విజయ్.. సర్కార్ మూవీ టీజర్

తమిళ స్టార్‌ హీరో విజయ్‌ నటించిన సర్కార్‌ మూవీ టీజర్‌ విడుదలై యూట్యూబ్ లో దుమ్మురేపుతోంది. అక్టోబర్ 19 వ తారీఖు సాయంత్రం విడుదలైన ఈ సినిమా టీజర్‌కు ప్రేక్షకుల నుంచి విశేష స్పందన లభిస్తోంది. విడుదలైన 35 నిమిషాల్లోనే 30 లక్షల వ్యూస్‌ దక్కించుకోవడం విశేషం. ఇప్పటికి కోటికి పైగా వ్యూస్ వచ్చాయి. అంతేకాదు ట్విటర్‌ ట్రెండింగ్‌ టాప్‌లో సర్కార్‌టీజర్‌ హ్యాష్‌ట్యాగ్ చేరిపోయిందంటే ఎంత పాపులరయిందో తెలుస్తుంది. విజయ్ అభిమానులు తమిళనాడులో పెద్ద ఎత్తున సంబరాలు చేసుకున్నారు. దీనిపై చిత్ర బృందం ఆనందం వ్యక్తం చేసింది. ఫ్యాన్స్‌‌ సందడిగా కేకలు వేస్తున్న వీడియోను మురుగదాస్‌ ట్విటర్‌లో షేర్‌ చేశారు. సర్కార్‌‌ సినిమాకు ఎ.ఆర్‌. మురుగదాస్‌ దర్శకత్వం వహిస్తున్నారు. కీర్తిసురేష్‌, వరలక్ష్మి శరత్‌కుమార్‌ ఇందులో హీరోయిన్ లుగా నటిస్తున్నారు. ఈ సినిమాకు సంగీతం ఎ.ఆర్‌.రెహమాన్‌ అందించారు.

మరింత +
RGV visits Tirumala Sri Venkateswara Swamy Temple along with NTR Lakshmi Parvathi

శ్రీవారిని దర్శించుకున్న రామ్ గోపాల్ వర్మ

వివాదాస్పద దర్శకుడు రామ్ గోపాల్‌వర్మ తిరుమల శ్రీవారిని దర్శించుకున్నారు. ఉదయం విరామ సమయంలో లక్ష్మీస్ ఎన్టీఆర్ చిత్ర బృందంతో కలసి వెంకన్నను దర్శించుకుని ఆశీస్సులు పొందారు. ఆలయ అధికారులు దగ్గరుండి వర్మకు స్వామివారి తీర్థప్రసాదాలు అందచేసి ఘనంగా సత్కరించారు. ఎన్టీఆర్ మీద ఉన్న అభిమానం తనను స్వామివారిని దర్శించుకునేలా చేసిందని, తాను దేవుడిని నమ్మని ఎప్పుడూ చెప్పలేదని భక్తుడిని మాత్రం నమ్మనని వర్మ తెలిపారు.

మరింత +
Actress Lakshmi Manchu angry on AIr India over late flight for 4 hours

లక్ష్మీ మంచుకు కోపం వచ్చింది

ప్రముఖ నటి మంచు లక్ష్మి ఎయిరిండియా సంస్థపై ఆగ్రహం వ్యక్తం చేశారు. సరైన కారణాలు చెప్పకుండా గంటల తరబడి విమానాశ్రయంలో ఎదురుచూసేలా చేశారని ఆమె మండిపడ్డారు. ఈ విషయాన్ని తన ట్విట్టర్ లో తెలియజేశారు. కొద్ది సేపట్లో విమానం బయలుదేరుతుందని అబద్ధాలు చెప్పి ప్రియమైన ఎయిర్‌ ఇండియా దాదాపు 4 గంటలు విమానాశ్రయంలో ఎదురుచూసేలా‌ చేసిందన్నారు. ఉదయం 12.15 గంటలకు బయలుదేరుతుందని చెప్పి ఇప్పుడు మరో రెండు గంటలు ఎదురుచూడమంటున్నారెందుకని అధికారిని ప్రశ్నించినట్టు తెలిపారు. ఆ అధికారి సరిగ్గా సమాధానం చెప్పకుండా వెళ్లిపోయాడంది. ఆహారం, నీరు, సమాచారం లేకుండా తనను పుణెలో బాధపెడుతూ వదిలేశారని వాపోయింది.

మరింత +