రీల్ న్యూస్

Nagababu Joins in janasena Party to contest from Narsapuram Lok Sabha Constituency

జనసేన: నర్సాపురం నుంచి నాగబాబు పోటీ

జనసేన పార్టీలో పవన్ కళ్యాణ్ సోదరుడు నాగబాబు చేరారు. ఆయన్ను కండువా కప్పి జనసేనాని పార్టీలోకి ఆహ్వనించారు. ప్రస్తుత రాజకీయ పరిస్థితుల్లో తన సోదరుడు నాగబాబును దొడ్డిదారిన కాకుండా నేరుగా ప్రజా క్షేత్రంలో నిలబెడుతున్నానని పవన్ అన్నారు. నాగబాబును రాజమార్గంలో రాజకీయాల్లోకి తీసుకొస్తున్నానని చెప్పారు. నాగబాబు అందరికి అందుబాటులో ఉండే వ్యక్తి అని పవన్ కల్యాణ్ తెలిపారు. ప్రజాసేవ చేసేందుకు తనకు అవకాశం దక్కిందని నాగబాబు అన్నారు.

మరింత +
Beauty Pageant Winner Now an Army Officer, Netizens Go Gaga Over Lt. Garima Yadav’s Life Journey

ఆర్మీ ఆఫీసర్‌గా మాజీ మిస్ ఇండియా చార్మింగ్ ఫేస్

మిస్ ఇండియా చార్మింగ్ ఫేస్- 2017 కిరీటాన్ని సొంతం చేసుకున్న గరిమా యాదవ్ ఆర్మీ ఆఫీసర్‌గా.. సైన్యంలో చేరి లెఫ్టినెంట్‌గా బాధ్యతలు స్వీకరించింది. న్యూఢిల్లీలో సెయింట్ స్టిఫెన్స్ కళాశాలలో గ్రాడ్యూయేషన్ పూర్తి చేసిన అనంతరం కంబైన్డ్‌ డిఫెన్స్‌ సర్వీస్‌ పరీక్షలో గరిమా ఉత్తీర్ణత సాధించారు. అనంతరం చెన్నైలోని ఆఫీసర్స్‌ ట్రైనింగ్‌ అకాడమీలో చేరి శిక్షణ తీసుకుంది. సైన్యంలో చేరాలన్న పట్టుదలతో శిక్షణ పూర్తి చేసుకుని లెఫ్టినెంట్‌గా బాధ్యతలు చేపట్టింది.

మరింత +
Dear Comrade Movie Teaser: Vijay Deverakonda’s lip lock scene with Rashmika Mandanna creates rage on social media

డియర్ కామ్రేడ్ టీజర్‌లో విజయ్‌దేవరకొండ లిప్‌లాక్

యూత్ లో మంచి క్రేజ్ తెచ్చుకున్న విజయ్‌ దేవరకొండ, రష్మిక మందన జంటగా నటించిన మరో చిత్రం డియర్‌ కామ్రేడ్‌. ఈ చిత్రం శరవేగంగా షూటింగ్ జరుపుకుంటోంది. తాజాగా ఈ చిత్రానికి సంబంధించిన టీజర్ ని రిలీజ్ చేశారు చిత్ర యూనిట్ సభ్యులు. మైత్రి మూవీ మేకర్స్, బిగ్ బెన్ బ్యానర్స్ సంస్థలు సంయుక్తంగా నిర్మించిన ఈ మూవీ టీజర్‌ పై హిట్ టాక్ వస్తోంది. విళ్లీద్దరి మధ్య కెమిస్ట్రీ గురించి, లిప్ లాక్ సీన్ గురించి సోషల్ మీడియా కోడై కూస్తోంది. అంతకు ముందు గీత గోవిందం మూవీలో విజయ్‌, రష్మిక జంటగా నటించగా ఆ సినిమా సూపర్ హిట్ అయిన విషయం తెలిసిందే. ఈ సినిమాకు ప్రముఖ తమిళ మ్యూజిక్ డైరెక్టర్ జస్టిన్ ప్రభాకరన్ సంగీతం అందించారు.

మరింత +
Jr NTR to Romance Daisy Edgar-Jones in SS Rajamouli’s Magnum Opus!

ఆర్ఆర్ఆర్ మూవీలో ఎన్టీఆర్‌కు జోడీగా బ్రిటీష్ నటి

ప్రముఖ దర్శకుడు రాజమౌళి నిర్మిస్తున్న ఆర్ ఆర్ ఆర్ మూవీలో ఎన్టీఆర్ యంగ్ కొమురం భీంగా నటిస్తున్న విషయం తెలిసిందే. ఈ మూవీలో ఎన్టీఆర్ కు జోడీగా ప్రముఖ బ్రిటీష్ నటి డైసీ ఎడ్గర్ జోన్స్ నటిస్తున్నారని తెలియజేశారు దర్శకుడు రాజమౌళి. 19వ శతాబ్దం ఆరంభంలో అటు ఏపీలోనూ, ఇటు తెలంగాణ ప్రాంతంలోనూ ఒకేసారి తెగల హక్కుల కోసం పోరాడిన యోధులు.. యుక్త వయసులో ఎలా ఉన్నారు? ఏం చేశారు అని తెలియజేసే పాత్రలో  కనిపించబోతున్నారు ఎన్టీఆర్, రామ్ చరణ్. మన్యం వీరుడు అల్లూరి సీతారామరాజుగా నటిస్తున్నారు రామ్ చరణ్. ఆయన ప్రియురాలు సీత పాత్రలో ఆలియా భట్ నటించేందుకు ఒప్పుకుందట ఈ బాలీవుడ్ సుందరి.

మరింత +
RRR press meet: SS Rajamouli ropes in Alia Bhatt and Ajay Devgn

కొమురం భీంగా ఎన్టీఆర్, సీతారామరాజుగా చరణ్!

తెలుగు ఇండస్ట్రీ నుంచి వచ్చిన మన హాలివుడ్ డైరెక్టర్ ఎస్ ఎస్ రాజమౌళి దర్శకత్వంలో వస్తున్న మల్టీ స్టారర్ మూవీ ఆర్‌ఆర్‌ఆర్‌ అనే వర్కింగ్‌ టైటిల్‌ తో షూటింగ్ జరుపుకుంటున్న విషయం తెలిసిందే. అయితే ఈ సినిమాకు సంబంధించిన ఆసక్తికర విషయాలను రాజమౌళి ఇవాళ వెల్లడించారు. ఆర్ ఆర్ ఆర్ మూవీ చారిత్రక నేపథ్యం ఉన్న పాత్రలతో.. వారి నిజజీవితంలో ఉద్యమ వీరులుగా కావడానికి ముందు జరిగిన కథాంశంతో తెరకెక్కుతున్న చిత్రంగా అభివర్ణించారు రాజమౌళి. తాను రాసుకున్న కథకు తగ్గట్టు ఎన్టీఆర్, రామ్ చరణ్ లు సరిపోతారని ఈ ప్రాజెక్టును ముందుకు తీసుకొని పోతున్నామని తెలిపారు. రెండు రాష్ట్రాల్లో గొప్ప వీరులుగా ఉన్న కొమురం భీం, అల్లూరి సీతారామ రాజు గత చరిత్ర ఇద్దరు టాప్ హీరోలతో తీయడం ఆనందంగా ఉందన్నారు. ఇందులో బాలీవుడ్ హీరో అజయ్‌ దేవగణ్ ముఖ్యమైన పాత్రలో నటిస్తున్నారని తెలిపారు. రాం చరణ్ కు జోడీగా అంటే అల్లూరి సీతారామరాజు ప్రియురాలు సీతగా ఆలియా భట్‌ నటిస్తున్నారని తెలిపారు. ఇక తారక్‌కు అనగా కొమురం భీంకు జోడీగా డైసీ అడ్గార్జియోన్స్‌ నటించేస్తున్నారన్నారు. వర్కింగ్‌ టైటిల్‌ పేరు అన్ని భాషల్లో ఆర్‌ ఆర్‌ ఆర్‌ అనే కామన్‌ టైటిల్‌గా ఉంటుందన్నారు. మొత్తం పూర్తి టైటిల్‌ను మాత్రం ఇప్పుడే చెప్పలేనన్నారు. అభిమానులనే టైటిల్‌ను గెస్‌ చేయమని ఆయన కోరారు. ఈ చిత్రం రిలీజ్ డేట్ ను వచ్చే ఏడాది జులై 30న రిలీజ్ చేస్తామని అన్నారు. 

మరింత +
Padma Awards: Mohanlal, Prabhudeva And Shankar Mahadevan Receive Their Honours

పద్మశ్రీ: మోహన్‌లాల్, ప్రభుదేవా, కుల్ధీప్ నయ్యర్..

రాష్ట్రపతి భవన్ లో 2019 పద్మ అవార్డుల ప్రధానోత్సవ కార్యక్రమం ఘనంగా జరిగింది. పలు రంగాల్లో విశిష్ట సేవలు చేసిన ప్రముఖులను రాష్ట్రపతి రామ్ నాధ్ కోవింద్ పద్మ అవార్డులతో సత్కరించారు. మొత్తం 112 మంది విజేతల్లో ఇవాళ 56 మందికి రాష్ట్రపతి పురస్కారాలు అందించారు ప్రముఖ డ్యాన్సర్ ప్రభుదేవా, గాయకుడు శంకర్ మహదేవన్, డ్రమ్స్ ప్లేయర్ శివమణి , చదరంగం క్రీడాకారిణి హారికా ద్రోణవల్లి, భారత కబడ్డీ టీం కప్టెన్ అజయ్ ఠాగూర్, రెజ్లింగ్ క్రీడాకారుడు భగరంగ్ పూనియా, టెబుల్ టెన్నీస్ ప్లేయర్ శరత్ కమల్, బీజేపీ ఎంపీ హుకుందేవ్ నారయణ్ యాదవ్, నటుడు మోహన్ లాల్, ప్రముఖ జర్నలిస్ట్ కుల్ధీప్ నయ్యర్‌లతో పాటు పలువురు ప్రముఖులు రాష్ట్రపతి చేతుల మీదుగా పద్మ అవార్డులను అందుకున్నారు. మిగిలినవారికి ఈ నెల 16న జరిగే తదుపరి కార్యక్రమంలో పురస్కారాలు ప్రదానం చేయనున్నారు. ఈ కార్యక్రమంలో ప్రధాని మోడీ,రాజ్ నాధ్ సింగ్ తదితరులు పాల్గొన్నారు.

మరింత +
MAA elections 2019 results: Naresh panel defeats Sivaji Raja group

'మా' ఎన్నికల్లో నరేశ్‌‌ అండ్ కో టీమ్ విజయం

ఉత్కంఠ భరితంగా సాగిన మా ఎన్నికల్లో అధ్యక్షుడిగా నరేశ్‌‌ విజయం సాధించారు. జనరల్‌ సెక్రటరీగా జీవిత రాజశేఖర్‌, ఎగ్జిక్యూటివ్‌ వైస్‌ ప్రెసిడెంట్‌గా రాజశేఖర్‌, ఉపాధ్యక్షులుగా ఎస్వీ కృష్ణారెడ్డి, హేమ, కోశాధికారిగా రాజీవ్‌ కనకాల గెలుపొందారు. హేమ స్వతంత్ర అభ్యర్థిగా పోటీ చేసి గెలుపొందడం విశేషం. ఈ ఎన్నికల్లో నటులు నరేశ్‌, శివాజీ రాజా ఆధ్వర్యంలోని ప్యానళ్ల మధ్య పోరు హోరాహోరీగా సాగింది. ‘మా’ అసోసియేషన్‌లో మొత్తం 745 ఓట్లు ఉండగా 472 మంది తమ ఓటు హక్కును వినియోగించుకున్నారు. ‘మా’ ఎన్నికల చరిత్రలో అధికంగా పోలింగ్‌ నమోదవడం ఇదే తొలిసారి. సినీరంగానికి చెందిన ప్రముఖులంతా ఫిల్మ్‌ఛాంబర్‌కు వచ్చి ఓటు హక్కు వినియోగించుకున్నారు.

మరింత +
Big Names Entering MAA Elections 2019: 3-cornered contest for MAA top post

రసవత్తరంగా 'మా' ఎన్నికలు: నరేష్ వర్సెస్ శివాజీరాజా

మూవీ ఆర్టిస్ట్ అసోసియేషన్ ఎన్నికల్లో మళ్లీ పోరాటం తప్పేలా లేదు. గత ఎన్నికలు సైలెంట్‌గా అయిపోయాయి కాని ఇప్పుడు పరిస్థితి అలా కనిపించడం లేదు. ఈ ఎన్నికల్లో అధ్యక్ష కార్యదర్శులే సై అంటే సై అంటున్నారు. శివాజీరాజా అధ్యక్ష పదవికి పోటీ పడుతుండగా సీనియర్ నటుడు నరేష్ కూడా అధ్యక్ష పదవికి పోటీ పడుతున్నారు.  

ఈనెల 10న జరగనున్న మూవీ ఆర్టిస్ట్ అసోసియేషన్ ఎన్నికలు యుద్ద వాతావరణాన్ని తలపిస్తున్నాయి. నరేష్ వర్సెస్ శివాజీరాజాగా మారిన మా ఎన్నికల్లో ఆసక్తిపరమైన పరిణామాలు చోటు చేసుకుంటున్నాయి. ఎవరికి వారు వ్యూహాత్మకంగా అడుగులు వేస్తున్నారు. ఇండస్ట్రీ పెద్దల అండతో గత ఎన్నికల్లో మా అధ్యక్షుడిగా ఎన్నికైన శివాజీరాజా మరోసారి అదృష్టాన్ని పరీక్షించుకునేందుకు రెడీ అయ్యారు. ఇక అదే ప్యానల్‌లో ప్రధాన కార్యదర్శిగా సేవలు అందించిన హీరో నరేష్ కూడా అధ్యక్ష పదవికి పోటీ పడటం చర్చకు దారి తీసింది.  

అయితే మెగాస్టార్ చిరంజీవి, జీవిత రాజశేఖర్‌లతో కలిసి నరేష్ వేరుకావడం ఆసక్తిగా మారింది. దీంతో మెగాస్టార్ సపోర్ట్ తమకే అంటూ కొందరు ప్రచారం చేసుకుంటున్నారు. ఎవరికి వారు ఎన్నికల హామీలకు పోటాపోటీగా ఎన్నికల మేనిఫెస్టోను రూపొందించారు. అయితే టాలీవుడ్ అగ్రహీరోలు మాత్రం ఎవరికి సపోర్టు చేస్తారో స్పష్టం చేయలేదు. మార్చి 10న జరగనున్న ‘మా’ ఎన్నికల్లో నరేష్ అధ్యక్షుడిగా.. రాజశేఖర్ ఎగ్జిక్యూటివ్ వైస్ ప్రెసిడెంట్‌గా.. జనరల్ సెక్రటరీగా జీవిత నామినేషన్ దాఖలు చేశారు. దీంతో మూవీ ఆర్టిస్ట్ అసోసియేషన్‌లో ఎన్నికల వేడి మొదలైంది.  

మూవీ ఆర్టిస్ట్ అసోసియేషన్‌లో ఎలాంటి గొడవలు ఉండకూడదనే ఎన్నికలకు వెళ్తున్నామని నరేష్ చెప్పారు. తానెప్పుడూ పదవులు, బిరుదుల కోసం పాకులాడలేదని కేవలం పనికోసం మాత్రమే పాకులాడతానని అన్నారు. ఈసారి మా కోసం పనిచేయాలని ఈ నిర్ణయం తీసుకున్నానని ప్రకటించారు.  

అయితే ఇప్పటివరకూ ఎన్నికల్లో స్వతంత్రంగా పోటీ చేయడానికి రంగం సిద్దం చేసుకున్న జీవిత - రాజశేఖర్‌లు నరేష్ ప్యానల్‌లో కీలక పదవులకు పోటీ చేయడం ఆసక్తి కలిగిస్తోంది. మూవీ ఆర్టిస్ట్ అసోసియేషన్ అధ్యక్షుడిగా శివాజీరాజా పనితీరు సరిగా లేకపోవడం వల్లే తాము ఈ నిర్ణయం తీసుకున్నట్లు జీవితా రాజశేఖర్‌లు ప్రకటించారు. ఈ పరిణామాలు ఎక్కడివరకూ దారితీస్తాయో చూడాలంటే ఈనెల 10 వరకూ ఆగాల్సిందే.

మరింత +
Ram Gopal Varma released Laxmi's NTR Movie Song Avasaram

లక్ష్మీస్ ఎన్టీఆర్ మూవీలో మరో హైలైట్ సాంగ్ విడుదల

ప్రముఖ వివాదాస్పద ద‌ర్శ‌కుడు రామ్ గోపాల్ వ‌ర్మ తెర‌కెక్కిస్తున్న ల‌క్ష్మీస్ ఎన్టీఆర్‌ మూవీ కోసం ప్రేక్షకులు ఆత్రుతగా ఎదురు చూస్తుండగా.. తాజాగా ఈ చిత్రానికి సంబంధించిన అవసరం అనే సాంగ్ ను విడుదల చేశారు రాంగోపాల్ వర్మ. లక్ష్మీస్ ఎన్టీఆర్ మూవీకి సంగీతం క‌ళ్యాణ్ మాలిక్ అందించారు. ఈ పాటను సిరా శ్రీ రాశారు. పాడిన వారు విల్స‌న్ హ‌రెల్డ్. ఈ సింగ‌ర్ వాయిస్ కాస్త ఘంట‌సాల వాయిస్‌లా అనిపిస్తుందన్న ప్రేక్షకుల ప్రశ్నకు వ‌ర్మ, ఈ పాట‌ని ఘంట‌సాల ఆల‌పించ‌లేదు అని ట్విట్టర్ లో కామెంట్ పెట్టారు. ఇటీవ‌ల ఎన్టీఆర్ జీవిత నేప‌థ్యంలో వ‌చ్చిన చిత్రాలు అంత‌గా స‌క్సెస్ సాధించ‌క‌పోవ‌డంతో ఈ మూవీపై అంచనాలు భారీగా పెరిగాయి. ఈ మూవీలో యజ్ఞాశెట్టి లక్ష్మీపార్వతిగా నటిస్తుండగా, ఎన్టీఆర్ పాత్రలో పశ్చిమ గోదావరి జిల్లాకు చెందిన ఓ రంగస్థల కళాకారుడు న‌టిస్తున్నాడు . ఇక చంద్రబాబు పాత్రలో శ్రీతేజ్ నటిస్తున్నారు. ఈయన అంతకు ముందు వంగవీటి సినిమాలో దేవినేని నెహ్రూగా నటించారు.

మరింత +
Bollywood Filmmakers Want To Make Film On Abhinandan Vardhman

వర్ధమాన్ అభినందన్ బయోపిక్‌లో జాన్ అబ్రహాం!

అభినంద‌న్ వ‌ర్ధ‌మాన్ జీవిత చ‌రిత్ర‌ని వెండితెర‌పై చూపించే దిశ‌గా బాలీవుడ్ ఫిలిం మేక‌ర్స్ ప్ర‌య‌త్నాలు చేస్తున్న‌ారు. కొద్ది రోజుల క్రితం భారత మిలిటరీ స్థావరాలు లక్ష్యంగా చేసుకొని దాడికి వచ్చిన పాకిస్థాన్ ఎఫ్-16 విమానాన్ని కూల్చివేసి అనుకోకుండా శత్రు దేశంలో పారాచూట్ సహాయంతో ల్యాండ్ అయ్యాడు ఇండియన్ ఎయిర్ ఫోర్స్ వింగ్ కమాండర్ అభినందన్ వర్ధమాన్. మన ధీరుడు అక్కడ పాక్ ఆర్మీకి చిక్క‌డం, దాదాపు 60 గంట‌లు వారి అధీనంలో ఉండ‌డం జరిగింది. భారత విదేశాంగ దౌత్యంతో తిరిగి భారత్ దేశానికి తిరిగి వచ్చాడు. ఆ స‌మ‌యంలో శత్రు దేశంలో ఉన్నా అదే గంభీరాన్ని, ధైర్యాన్ని కోల్పోకుండా, ఏ మాత్రం చ‌లించకుండా వచ్చిన విధానం ప్ర‌తి ఒక్క భార‌తీయుడి హృద‌యాన్ని క‌దిలించి. 

అలాంటి వీరుడి జీవిత చరిత్రను తెరకెక్కించాలని బాలీవుడ్ ఫిలింమేక‌ర్స్ ప్ర‌య‌త్నాలు చేస్తున్నారు. ఇప్ప‌టికే అభినంద‌న్ బ‌యోపిక్‌కి సంబంధించి ప‌లు టైటిల్స్‌ని రిజిస్ట‌ర్ చేసిన‌ట్టు స‌మాచారం. ఇక అభినంద‌న్ పాత్ర‌లో ఏ హీరో అయితే బాగుంటుంద‌నే చ‌ర్చ న‌డుస్తుండ‌గా, ఇటీవ‌ల జ‌రిగిన ఓ కార్య‌క్ర‌మంలో అభినంద‌న్ పాత్ర పోషించేందుకు మీరు సిద్ధ‌మా అని జాన్ అబ్ర‌హం అని ఓ విలేక‌రి ప్ర‌శ్నించారు. ఇందుకు ఆయ‌న అభినంద‌న్ పాత్ర‌లో న‌టించే ఛాన్స్ వ‌స్తే త‌ప్ప‌క న‌టిస్తాన‌ని జాన్ అబ్ర‌హం వెల్లడించాడట. మ‌రో వైపు యురి దాడికి సంబంధించి తెర‌కెక్కించిన మూవీ సూపర్ హిట్ అయిన విషయం తెలిసిందే. ఇప్పుడు స‌ర్జిక‌ల్ స్ట్రైక్‌ 2.0పై కూడా చిత్రాన్ని తెర‌కెక్కించాల‌ని బాలీవుడ్ ఫిలిం మేక‌ర్స్ భావిస్తున్నారు.

మరింత +
Telugu Film Director Kodi Rama Krishna funeral today at Maha Prasthanam

మహాప్రస్థానంలో నేడు కోడి రామకృష్ణ అంత్యక్రియలు

ప్రముఖ దర్శకుడు దర్శకుడు కోడి రామకృష్ణ అంత్యక్రియలు ఈ రోజు జరగనున్నాయి. మహాప్రస్థానంలో మధ్యాహ్నం 12 గంటల సమయంలో కోడి రామకృష్ణ అంత్యక్రియలు నిర్వహించనున్నారు. గత కాలంగా అనారోగ్యంతో బాధపడుతున్న కోడి రామకృష్ణ నిన్న ఆస్పత్రిలో చికిత్స పొందుతూ తుది శ్వాస విడిచిన విషయం తెలిసిందే. రామకృష్ణ భౌతిక కాయానికి నిన్న పలువురు సినీ, రాజకీయ ప్రముఖులు నివాళులర్పించారు. కోడి రామకృష్ణ భౌతిక కాయానికి నిన్న తెలంగాణ రాష్ట్ర సినిమాటోగ్రఫీ మంత్రి తలసాని శ్రీనివాస యాదవ్ నివాళులర్పించారు.

మరింత +
Telugu Famous Director Kodi Ramakrishna no more

ప్రముఖ దర్శకుడు కోడి రామకృష్ణ ఇకలేరు

ప్రముఖ దర్శకుడు కోడి రామకృష్ణ కన్నుమూశారు. గచ్చిబౌలిలోని ఓ హాస్పిటల్ లో చికిత్స పొందుతూ తుది శ్వాస విడిచారు. వందకు పైగా చిత్రాలకు రామకృష్ణ దర్శకత్వం వహించారు. రామకృష్ణ మృతితో టాలీవుడ్‌లో విషాదచాయలు అలుముకున్నాయి. ఇంట్లో రామయ్య వీధిలో కృష్ణయ్య’ సినిమాతో కోడి రామకృష్ణ దర్శకుడిగా పరిచయమయ్యారు. మధ్యతరగతి జీవితాలను.. అందులోని ఒడుదొడుకులను కథా వస్తువుగా ఎంచుకుని కోడి రామకృష్ణ సినిమాలను రూపొందించారు. తనదైన శైలిలో కథ చెప్పి ప్రేక్షకులను మెప్పించారు. ఫాంటసీ చిత్రాలను కూడా తనదైన శైలిలో తెరకెక్కించి ప్రేక్షకులను మంత్రముగ్ధులను చేసిన ఘనత ఆయన సొంతం. అమ్మోరు, దేవుళ్లు, దేవి, అరుంధతి సినిమాలు ప్రేక్షకుల మనసులను దోచుకున్నాయి. మువ్వ గోపాలుడు, పెళ్లి, శత్రువు లాంటి ఎన్నో సూపర్ హిట్ చిత్రాలను కోడి రామకృష్ణ తెరకెక్కించారు. దర్శకుడిగానే కాకుండా నటుడిగానూ రాణించారు. కెరీర్ ఆరంభంలో పలు పాత్రలు పోషించారు. 1982లో దర్శకుడిగా తన ప్రయాణాన్ని కోడి రామకృష్ణ ప్రారంభించారు. తొలి ప్రయత్నంగా చిరంజీవితో ‘ఇంట్లో రామయ్య వీధిలో కృష్ణయ్య’ తెరకెక్కించారు. అప్పటి నుంచి మొదలుకొని 2016 వరకు సినిమాలు చేస్తూనే వచ్చారు. చివ‌రిగా క‌న్నడ భాష‌లో ‘నాగరహవు’ (తెలుగులో నాగభరణం) అనే చిత్రాన్ని తీసారు. మొత్తం మీద 100కు పైగా చిత్రాలకు దర్శకత్వం వహించారు.

మరింత +
Director Ram Gopal Varma mocks Pakistan PM Imran Khan over his 3 marriages

ఇమ్రాన్ ఖాన్‌పై రాంగోపాల్ వర్మ సర్జికల్ స్ట్రైక్

పుల్వామాలో సీఆర్‌పీఎఫ్ జవాన్లపై జరిగిన ఆత్మాహుతి దాడిపై ప్రముఖ దర్శకుడు రాంగోపాల్ వర్మ స్పందించాడు. వరుస ట్వీట్లతో పాక్ ప్రధాని ఇమ్రాన్‌ఖాన్‌‌పై విరుచుకు పడ్డారు. ప్రియమైన ప్రధాని అంటూనే ట్వీట్లతో సర్జికల్ స్ట్రైక్ చేశాడు. సమస్యలు చర్చల ద్వారా పరిష్కారమైతే మీరు మూడు పెళ్లిళ్లు చేసుకోవాల్సి వచ్చేది కాదన్న వర్మ ఒక వ్యక్తి వందలకొద్దీ పేలుడు పదార్థాలతో భారత్‌ వైపు పరిగెత్తుకొస్తున్నప్పుడు అతడితో చర్చలు ఎలా జరపాలో మా భారతీయులకు నేర్పాలంటూ సూచించాడు. అదేమీ ఊరికే చేయాల్సిన పనిలేదని, అందుకు భారతీయులందరం కలిసి ట్యూషన్ ఫీజు కూడా చెల్లిస్తామని పేర్కొన్నాడు. 

ఒసామా బిన్ లాడెన్ లాంటి వ్యక్తి పాక్‌లో ఉన్న సంగతి మీకు తెలియకున్నా అమెరికాకు తెలుస్తుందన్న వర్మ.. మీది అసలు దేశమేనా? అని ప్రశ్నించాడు. ఓ మొద్దు భారతీయుడు అడుగుతున్న ఈ ప్రశ్నకు సమాధానం చెప్పాలని, తమకు కొంచెం తెలివితేటలు నేర్పాలని కోరాడు. జైషే మహ్మద్, లష్కరే తాయిబా, తాలిబన్, అల్‌ ఖాయిదా వంటి ఉగ్ర సంస్థలు మీ ప్లే స్టేషన్లు అని తనకు ఎవరూ చెప్పలేదని అన్నాడు. అయితే, ఆ సంస్థలపై మీకు ప్రేమ లేదన్న విషయాన్ని మీరెప్పుడూ చెప్పలేదని పేర్కొన్నాడు.

మరింత +
Hero Mahesh Babu's AMB Cinemas gets GST notices in Hyderabad

మహేష్ ఏఎంబీ థియేటర్‌కు జీఎస్టీ నోటీసులు

హైదరాబాద్‌లో హిరో మహేష్‌బాబు సారధ్యంలో నడుస్తున్న ఏఎంబీ థియేటర్‌కు జీఎస్టీ అధికారులు నోటీసులు అందజేశారు. థియేటర్‌లో ఎక్కువ రేట్లకు టిక్కెట్లు అమ్ముతున్నారని గుర్తించిన అధికారులు నోటీసులు పంపారు. దీని పై థియేటర్ యాజమాన్యం ఇంతవరకు స్పందించలేదు.

మరింత +
Pulwama Attack: All India Cine Workers Association Bans Pakistani Actors, Artistes from Bollywood

పాకిస్థాన్ ఆర్టిస్టులపై జీవితకాల నిషేధం

జమ్ముకశ్మీర్ పుల్వామాలో జవాన్‌లపై జరిగిన దాడి నేపథ్యంలో ఆలిండియా సినీ వర్కర్స్ అసోసియేషన్ ఓ సంచలన నిర్ణయం తీసుకుంది. పాకిస్థాన్ నటీనటులను పూర్తిగా నిషేధించాలని నిర్ణయించింది. ఈ నిర్ణయంతో ఇక నుంచి బాలీవుడ్‌లో పాక్‌కు చెందిన ఆర్టిస్టులెవరూ కనిపించరు. నిజానికి 2016లో ఉరి దాడి జరిగినప్పటి నుంచే పాక్ నటీనటులపై నిషేధం విధించడం ప్రారంభించారు. అప్పట్లో పలువురు పాకిస్థాన్ నటులు ఉన్న సినిమాల విడుదలకు కూడా అడ్డంకులు ఏర్పడ్డాయి. తాజాగా పాక్ నటీనటులపై పూర్తి నిషేధించాలన్న నిర్ణయాన్ని నెటిజన్లు స్వాగతించారు.ఈ ఉగ్ర దాడి తర్వాత దేశవ్యాప్తంగా పెద్ద ఎత్తున నిరసనలు వ్యక్తమయ్యాయి. ఇందులో సినిమా ఇండస్ట్రీ కూడా పాలుపంచుకుంది. ఒక రోజు పాటు అన్ని షూటింగ్‌లను నిలిపేసింది. బాలీవుడ్ స్టార్ నటులు అమరులకు నివాళులు అర్పించారు.

మరింత +